As ek maar ’n digter was

Maria Eiseb - As ek ’n digter kon wees, het ek al talle boeke geskryf. Ek sou ’n boek skryf oor alles wat my beweeg, veral romanse. Ek voel sommer hoe die pen sou vloei vir uiting uit my binneste. Motivering en aanmoedigings sou ook deel van die genot gewees het. Die digkuns en die manier waarop jy wegraak in jou verbeelding, prikkel my. Ek dink ek sou mooi verhale kon skryf as ek die kuns kon vermag om die pen vas te hou en kennis op papier neer te lê.Ek sou die leser op hul tone gehou het van nuuskierigheid en origheid - net om te wil weet wat in die volgende hoofstuk aangaan. As ek ’n digter was, sou ek die hele wêreld platreis net om meer te leer oor verskillende romans en kulture.Dit is nogal interessant om te lees van die mense en hul dinge anderkant die waters of selfs onder jou neus, maar in ’n ander kultuur as jou eie.Die natuur, diere en alles wat my kuns sou prikkel, sou ek oplet. Ek sou niks uit die oog laat gaan nie. Miskien is dít hoe interessante idees gebore word. As ek gedigte lees, dink ek hoe ek myself sou uitdruk met kort rympies en beskrywings van ervarings en dinge om my.As ek ’n roman lees, leef ek myself daarin en is dit hartseer as ek moet kant kies of as my gunstelingkarakter in die moeilikheid kom of sleg behandel word.Ek hou veral van romanses wat in die hospitaal tussen nursies en dokters ontwikkel.Dís die kersie op die koek.Ek was nog altyd gek oor Afrikaanse boeke, ek is eintlik ’n boekwurm - veral noudat ek my tyd in ’n Afrikaanse nuuskantoor verwyl. Ek het só gelees dat ek soms vergeet het om te eet. Mammie het altyd aan my kamerdeur kom klop as dit tyd vir ete is.Dis heerlik om onder die komberse te lê en lees terwyl die reën saggies op die dak val. Dit moet van daai reën wees wat heelnag aangaan, dan voel jy hoe jy deur die verhaal meegevoer word.Dan verkies ek ’n lekker plaasstorie met plaasbakkies, pannekoek en reënweer.Ek sal nogal lekker kan skryf as ek tyd daarvoor maak - oor gister, vandag en môre. Afrikaanse uitdrukkings is ook net té lekker vir my.Ek sou oor sonneblomme geskryf het wat die rivierbedding geel verf, of oor jakarandas wat die rylaan met ’n vioolpers mat versier.Ek kan die stemmetjie in my binneste hoor wat sê, doen dit net!Ek moet my maar liewer bepaal by die nuus en nie by kuns nie. As dit by kuns is, moet ek nie gehinder word nie, dit moet enige tyd gebeur - selfs middernag as ek iets wil doen, moet daar nie iets wees wat my pla nie.Dit is so lekker om te voel hoe die emosies uit jou pen vloei. Die musiek op die agtergrond moet ook net reg wees vir die vloei van woorde.As ek een oggend wakker skrik en ek is ’n digter, sal ek met dié kundigheid agter die horison kan verdwyn.

As ek maar ’n digter was

Kommentaar

Republikein 2025-07-02

Meld asseblief aan om kommentaar te lewer

As ek maar ’n digter was

Kommentaar

Republikein 2025-07-02

Meld asseblief aan om kommentaar te lewer

MELD AAN

Advertensie