As die hoof van Amazon kon boer

Dr. Kobus Laubscher Jeff Bezos is die hoof van Amazon en die wêreld se tweede rykste mens. Amazon is na wat berig word die eerste maatskappy met 'n jaarlikse omset van meer as 1 triljoen Amerikaanse dollar (in rand word die nulle eenvoudig te veel). Hy is uitgevra oor sy sakefilosofie en werksetiek, wat duidelik 'n baie pertinente rol in die sukses van Amazon speel. Sy benadering is van toepassing op landbou, selfs tot op plaasvlak en daarom trek ons vir hom 'n oorpak aan.Bezos verduidelik dat hy (en sy span by Amazon) 'n sogenaamde Dag 1-benadering volg omdat Dag 2 die begin van die einde van 'n besigheid kan beteken. Laasgenoemde gebeur nie oornag nie, maar is 'n tydsame dood. Bezos se strategie fokus op die behoud van die lewenskragtigheid van 'n Dag 1-benadering, terwyl hulle ook werk om 'n Dag 2-mentaliteit af te weer. Sy suksesresep vir blywende Dag 1-betrokkenheid rus op vier pilare. Dit is 'n obsessie met verbruikersvoorkeure, 'n skeptiese siening jeens plaasvervangers, 'n gretigheid om eksterne tendense aan te neem en die spoed van besluitneming. Die verbruikerBoere kan met reg vrae hê oor die toepaslikheid van 'n obsessie met die verbruiker, gegewe die afstand tussen plaashek en vurk. Daar is verskeie maniere van fokus, naamlik fokus op mededingers, fokus op tegnologie en fokus op 'n sakemodel. As die verbruiker nie die sentrale fokus is nie, faal belyning omdat die meeste verbruikers oorwegend ongelukkig/ontevrede is. Hulle toon dit heel dikwels baie elegant en die uitdaging lê in dieper delf soos om namens die verbruiker te innoveer. Bezos sou 'n obsessie hê oor of die skakel tussen die plaashek en die vurk voldoende innoverend is en die verbruiker reg genoeg verstaan. Die “reg” verstaan behoort onvervals te kan deurvloei van die boer en hy moet produksie kan rig.Tweedens waarsku Bezos teen plaasvervangers, naamlik waar prosesse die werklikheid vervang. So word verbruikersnavorsing en opnames plaasvervangers vir verbruikers. Gegewe die belangrikheid van die produk wat die plaashek verlaat – dit is van die hoogste integriteit - sou Bezos wou weet of afnemers voldoende in pas is met wat die verbruiker wil hê. Boere mag nooit argumenteer dat hul aanbod 'n eie vraag sal skep nie. Bevrediging van die gemiddelde verbruiker moet nooit aanvaar word nie. Wat buite die grensdrade van die plaas gebeur, het 'n toenemend groter invloed op wat daar binne moontlik is. Afgesien daarvan om op hoogte van tendense te wees, sê Bezos dat as die tekens misken word, Dag 2 die gevolg kan wees. Deur te veg teen nuwe benaderings en ontwikkeling, veg jy teen die toekoms. Omarming van eksterne tendense (wat buite die grensdrade gebeur), vergelyk met die voordele van 'n stertwind vir vliegtuie. Boere het 'n verantwoordelikheid as dit kom by die keuse van afnemers en verskaffers op grond van hul belyning met wat kan gebeur. In hierdie opsig speel tegnologie 'n baie belangrike rol. Die laaste aspek gaan oor die spoed van besluitneming en Bezos waarsku teen die gevare van “one size fits all”. Die meeste besluite is omkeerbaar. Ongelukkig erken te veel boere hierdie werklikheid net in een rigting en verontagsaam die waarde van 'n soortgelyke benadering op plaasvlak deur hoe sy besluite afgedwing word.Bezos erken dat as hy alleen besluite sou neem, Amazon ontneem sou wees van baie suksesse. Hy het aksies toegelaat waarmee hy aanvanklik nie saamgestem het nie. Boere kan leer by hom oor hoe om te verskil, maar te verbind – daarmee kry besluitneming 'n turbo-aanjaer. 'n Soeke na volledige inligting voor besluitneming lei tot analitiese verlamming. Begin die water toets met selfs 70% kennis/inligting. Gegewe die baie onbekendes in landbou, sou Bezos in hierdie opsig goed vaar as boer.

As die hoof van Amazon kon boer

Kommentaar

Republikein 2025-05-14

Meld asseblief aan om kommentaar te lewer

As die hoof van Amazon kon boer

Kommentaar

Republikein 2025-05-14

Meld asseblief aan om kommentaar te lewer

MELD AAN

Advertensie