Arres moet oortreders afskrik

Kenya Kambowe – Die nasionale polisiehoof, lt.genl. Sebastian Ndeitunga, sê ten spyte van oorbevolking in polisieselle oraloor in die land, sal die polisie meedoënloos wees om dié agter tralies te sit wat Covid-19-regulasies oortree. Ndeitunga het in ’n onderhoud gesê hy is nie trots op die “kat-en-muis-verhouding” wat die polisie met die publiek het in terme van om te verseker inwoners hou by die regering se reëls om die verdere verspreiding van die virus hok te slaan nie. Die polisie het skares mense reeds in hegtenis geneem wat die regulasies oortree het, insluitend 27 mans wat ná ’n begrafnis in Windhoek in hegtenis geneem is. Ndeitunga, wat die publiek se optrede as “ongevraag” beskryf het, sê daar is elemente in die gemeenskap wat nie die virus ernstig opneem nie.Hy het bygevoeg dié wat in hegtenis geneem is, hou ’n gevaar in vir gevangenes wat daartoe kan lei dat aanhoudingselle superverspreiders van die virus raak. “Die kwessie is dat ons selle oorbevolk is wat administratiewe uitdagings vir die polisie inhou,” het Ndeitunga gesê.“As ons hulle in hegtenis neem, moet hulle ingaan en hulle stel die lewens in gevaar van dié wat reeds in die selle is. Dit is die uitdagings waarvan ons praat wat die polisie in die gesig staar. Doen jy dit, kla hulle; doen jy dat, kla hulle,” het hy gesê.“Dit is die kwessie – ons moet dié in hegtenis neem wat die wet oortree. Elkeen moet daarvan bewus wees dat die selle oorbevolk en oorlaai is. Ons sal nie afwyk daarvan om dié in hegtenis te neem wat die wet oortree nie.”Ndeitunga het gemaan mense moet die regulasies volg.“Mense moenie goed doen soos die regulasies volg omdat hulle bang is hulle word vervolg nie, maar hulle moet dit bewustelik doen. Hulle moet dit bewustelik doen wetend dat ons gevaar in ons lewens in die gesig staar. Ons kan net daarin slaag as ons dit saam doen en nie omdat ons bang is om gearresteer te word nie,” het die polisiehoof verduidelik. “Wat ons mense dringend versoek, is dat hulle hul moet gedra en sorg dat hulle nie in hegtenis geneem word en selle net nog voller maak wat reeds oorvol is nie.”Vroeër verlede jaar toe die Covid-19-pandemie uitgebreek het, was polisieselle onder die superverspreiders van die siekte. ’n Reeks maatreëls is deur die polisie in werking gestel om dit te hok te slaan wat onder meer ingesluit het dat geen besoekers meer toegelaat is nie. Sommige streke moes ook nuwe aangehoudenes by ander polisiekantore huisves weens ’n gebrek aan ruimte in aanhoudingselle. – kenya@namibiansun.com

Arres moet oortreders afskrik

Kommentaar

Republikein 2025-12-16

Meld asseblief aan om kommentaar te lewer

Arres moet oortreders afskrik

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.