Aroab-boere ontvang hulp

Altesaam 30 boere van die Aroab-distrik in die suide van Namibië het onlangs droogtehulp in die vorm van voedsel van Sell Fast Real Estate and Auctions ontvang. Die voedsel sal deur Droogtehulp Namibië versprei word. Ongeveer 5 000 mense woon in die omgewing en is op boerdery vir ’n inkomste afhanklik.

Sell Fast Real Estate and Auctions reik elke jaar na een gemeenskap uit en bied hulle hulp aan. Die laaste vyf jaar het hulle gemeenskappe met groen inisiatiewe gehelp.