Appellante wag tien jaar vir uitspraak
Die verswakte gesondheid van ‘n afgetrede regter het veroorsaak dat geregtigheid ‘n lang tyd moes wag.
Hofverslaggewer - Tien jaar en 20 dae nadat ‘n appèlsaak in die hooggeregshof in Windhoek aangehoor is, het die hof eers sy uitspraak gelewer.
Christopher Ryan Trethewey en Tye Brett Trethewey is op 17 November 2002 by die Mohembo-grenspos tussen Namibië en Botswana aangekeer voordat hulle deur die doeane gegaan het en van hul besittings is gekonfiskeer. Hulle het ‘n nag in aanhouding by die Mukwe-polisiekantoor deurgebring. Die volgende dag het hulle in die landdroshof op Mukwe verskyn waarna hulle vrygelaat is om te gaan.
Die twee broers het albei eise teen die Namibiese regering ingestel vir onder meer pyn en lyding en die waarde van die goedere wat gekonfiskeer is. Hul aansoeke in die hoërhof in Windhoek om vergoeding van onderskeidelik N$683 087 en N$606 880 is van die hand gewys. Hulle het hul op 5 Oktober 2006 tot die hooggeregshof gewend om appèl aan te teken. Regters Gerhard Maritz, Johan Strydom en Fred Chomba was op die bank.
Volgens die hooggeregshof-uitspraak wat deur Chomba geskryf is, het hy die verantwoordelikheid gehad om ‘n konsepuitspraak te skryf. Maritz het egter aangedui dat hy ‘n afsonderlike bydrae tot die uitspraak wou skryf en gevolglik is die finale uitspraak teruggehou.
“Dit is betreurenswaardig dat die gesondheid van ons broer (Maritz) in die tussentyd verswak het. Die situasie, wat hy deur die hoofregter oorgedra het, was dat hy op mediese advies aangeraai is teen die onderneming van uitputtende, verstandelike konsentrasie oor sake soos hierdie,” lui die uitspraak.
Gevolglik is Chompa en Strydom se uitspraak op 29 November vanjaar gelewer.
Die grootste deel van die appèl, wat eise van N$250 000 vir pyn en lyding, N$350 000 vir die skending van hul waardigheid, privaatheid en vryheid van beweging ingesluit het, is van die hand gewys.
Die twee appèlregters het egter beslis die staat is wel aanspreeklik vir die skade wat hulle gely het toe wederregtelik beslag op hul eiendom gelê is en het ‘n eis van N$60 016 toegestaan.
Christopher Ryan Trethewey en Tye Brett Trethewey is op 17 November 2002 by die Mohembo-grenspos tussen Namibië en Botswana aangekeer voordat hulle deur die doeane gegaan het en van hul besittings is gekonfiskeer. Hulle het ‘n nag in aanhouding by die Mukwe-polisiekantoor deurgebring. Die volgende dag het hulle in die landdroshof op Mukwe verskyn waarna hulle vrygelaat is om te gaan.
Die twee broers het albei eise teen die Namibiese regering ingestel vir onder meer pyn en lyding en die waarde van die goedere wat gekonfiskeer is. Hul aansoeke in die hoërhof in Windhoek om vergoeding van onderskeidelik N$683 087 en N$606 880 is van die hand gewys. Hulle het hul op 5 Oktober 2006 tot die hooggeregshof gewend om appèl aan te teken. Regters Gerhard Maritz, Johan Strydom en Fred Chomba was op die bank.
Volgens die hooggeregshof-uitspraak wat deur Chomba geskryf is, het hy die verantwoordelikheid gehad om ‘n konsepuitspraak te skryf. Maritz het egter aangedui dat hy ‘n afsonderlike bydrae tot die uitspraak wou skryf en gevolglik is die finale uitspraak teruggehou.
“Dit is betreurenswaardig dat die gesondheid van ons broer (Maritz) in die tussentyd verswak het. Die situasie, wat hy deur die hoofregter oorgedra het, was dat hy op mediese advies aangeraai is teen die onderneming van uitputtende, verstandelike konsentrasie oor sake soos hierdie,” lui die uitspraak.
Gevolglik is Chompa en Strydom se uitspraak op 29 November vanjaar gelewer.
Die grootste deel van die appèl, wat eise van N$250 000 vir pyn en lyding, N$350 000 vir die skending van hul waardigheid, privaatheid en vryheid van beweging ingesluit het, is van die hand gewys.
Die twee appèlregters het egter beslis die staat is wel aanspreeklik vir die skade wat hulle gely het toe wederregtelik beslag op hul eiendom gelê is en het ‘n eis van N$60 016 toegestaan.
Kommentaar
Republikein
Geen kommentaar is op hierdie artikel gelaat nie