Antibiotika, voorbehoedmiddels weer in voorraad
Verskaffers wat nie by afleweringsdatums hou nie, veroorsaak tekorte in medisyne.
Henriette Lamprecht – Die diensvlak van die Sentrale Mediese Store (CMS) aan openbare gesondheidsgeriewe oraloor die land het van 63% verlede jaar in Januarie tot 81% in dieselfde maand vanjaar verbeter.
Ten spyte van uitdagings het die verskaffing van medisyne aan staatshospitale en -klinieke beduidend verbeter, het die minister van gesondheid en maatskaplike dienste, dr. Kalumbi Shangula, gesê.
Volgens die minister is 370 uit 493 aktiewe kliniese voorrade (75%) tans in voorraad by die CMS. Van die wat nie nou in voorraad is nie, is daar volgens die minister genoeg hoeveelhede by gesondheidsgeriewe oraloor die land.
Uit die 123 kliniese voorrade wat tans nie beskikbaar is nie, is 94 oftewel 76% op bestelling en 16 (13%) is volgens Shangula besig om aangekoop te word. Die oorblywende 11% is gekanselleer omdat verskaffers nie by afleweringsdatums gehou het nie. Die tenders hiervoor sal volgens hom opnuut geadverteer word.
Uit die 585 aktiewe farmaseutiese voorrade is 425 of 75% tans in voorraad. Beperkte hoeveelhede van die 27% wat nie in voorraad by die CMS is nie, is wel by gesondheidsgeriewe oraloor die land beskikbaar. Van die 157 aktiewe farmaseutiese voorrade wat tans nie beskikbaar is nie, is 60% op bestelling en 29% in die proses om aangekoop te word. Die oorblywende 11% is gekanselleer omdat verskaffers nie by afleweringsdatums gehou het nie en tenders hiervoor sal weer adverteer word.
Volgens Shangula verskaf die CMS en gevolglik die ministerie voorrade aan vier verwysingshospitale, 34 distrikshospitale, 44 gesondheidsentrums en 285 klinieke landswyd. Dit kan slegs doeltreffend en voldoende gebeur as verskaffers aan wie tenders toegeken is, hul kontraktuele verpligtinge nakom.
Hy het verwys na verskeie uitdagings tydens die 2020-2021 finansiële jaar om mediese voorrade betyds en gereeld te ontvang. Dit sluit in onderbrekings weens Covid-19 in die verskaffingsketting, die tekort aan aktiewe farmaseutiese bestanddele vir sommige produkte en skommelinge in die aanvraag na farmaseutiese produkte en kliniese voorrade in die lig van die pandemie.
Shangula het beklemtoon die aankoop van medisyne is ’n “komplekse proses”. Namibië moet “letterlik al die medisyne en die meerderheid kliniese voorrade wat ons in die land gebruik, invoer”.
Hy het verduidelik die aktiewe farmaseutiese bestanddele waaruit medisyne vervaardig word, is soms nie in die globale mark beskikbaar nie.
“Wat dan gebeur, is dat dit nie moontlik is om die betrokke medisyne te vervaardig nie en wat tot tekorte lei.”
Medikasie waarvan die voorrade by die CMS vermeerder het, sluit onder meer bloeddrukmedikasie, voorbehoedmiddels, anti-retrovirale middels (ARV’s) en antibiotika in.
– [email protected]
Ten spyte van uitdagings het die verskaffing van medisyne aan staatshospitale en -klinieke beduidend verbeter, het die minister van gesondheid en maatskaplike dienste, dr. Kalumbi Shangula, gesê.
Volgens die minister is 370 uit 493 aktiewe kliniese voorrade (75%) tans in voorraad by die CMS. Van die wat nie nou in voorraad is nie, is daar volgens die minister genoeg hoeveelhede by gesondheidsgeriewe oraloor die land.
Uit die 123 kliniese voorrade wat tans nie beskikbaar is nie, is 94 oftewel 76% op bestelling en 16 (13%) is volgens Shangula besig om aangekoop te word. Die oorblywende 11% is gekanselleer omdat verskaffers nie by afleweringsdatums gehou het nie. Die tenders hiervoor sal volgens hom opnuut geadverteer word.
Uit die 585 aktiewe farmaseutiese voorrade is 425 of 75% tans in voorraad. Beperkte hoeveelhede van die 27% wat nie in voorraad by die CMS is nie, is wel by gesondheidsgeriewe oraloor die land beskikbaar. Van die 157 aktiewe farmaseutiese voorrade wat tans nie beskikbaar is nie, is 60% op bestelling en 29% in die proses om aangekoop te word. Die oorblywende 11% is gekanselleer omdat verskaffers nie by afleweringsdatums gehou het nie en tenders hiervoor sal weer adverteer word.
Volgens Shangula verskaf die CMS en gevolglik die ministerie voorrade aan vier verwysingshospitale, 34 distrikshospitale, 44 gesondheidsentrums en 285 klinieke landswyd. Dit kan slegs doeltreffend en voldoende gebeur as verskaffers aan wie tenders toegeken is, hul kontraktuele verpligtinge nakom.
Hy het verwys na verskeie uitdagings tydens die 2020-2021 finansiële jaar om mediese voorrade betyds en gereeld te ontvang. Dit sluit in onderbrekings weens Covid-19 in die verskaffingsketting, die tekort aan aktiewe farmaseutiese bestanddele vir sommige produkte en skommelinge in die aanvraag na farmaseutiese produkte en kliniese voorrade in die lig van die pandemie.
Shangula het beklemtoon die aankoop van medisyne is ’n “komplekse proses”. Namibië moet “letterlik al die medisyne en die meerderheid kliniese voorrade wat ons in die land gebruik, invoer”.
Hy het verduidelik die aktiewe farmaseutiese bestanddele waaruit medisyne vervaardig word, is soms nie in die globale mark beskikbaar nie.
“Wat dan gebeur, is dat dit nie moontlik is om die betrokke medisyne te vervaardig nie en wat tot tekorte lei.”
Medikasie waarvan die voorrade by die CMS vermeerder het, sluit onder meer bloeddrukmedikasie, voorbehoedmiddels, anti-retrovirale middels (ARV’s) en antibiotika in.
– [email protected]
Kommentaar
Republikein
Geen kommentaar is op hierdie artikel gelaat nie