Annerkant die donker rivier (deel 2)
“Hou pa van Manson?”
???
“Ek dog hy is nog in die tronk,” sê Dapperrerige Daniëltjie.
“Neeeee, pa. Marilyn Manson. Een van die bekendste shock rockers ooit,” verduidelik Hermanus Benjamin (13).
Hy wil ook weet of ek al na die Dead Kennedys geluister het. “Al iewers van die naam gehoor,” sê pagoed.
Dis nie John Fitzgerald, Bobby en John Junior nie, maar sekere heavy metal bevat diep politieke en selfs filosofiese boodskappe en intertekste.
Hiermee die tweede stel van vyf terme uit Ben se swaarmetaal-musiekskatkis.
En nee: alle metaalkoppe dra nie swart lipstiffie of is oortrek van tattoes en ringe nie. Jy hoef ook nie takhare te hê om te kopbons nie.
Gooi maar die verstand se waenhuisdeure wyd oop, al is “Boy van die suburbs” (die eerste Afrikaanse rockliedjie) of Kerkorrel se perswaterkanonne die swaarste stop in jou musiekpyp. Al kom jy uit die era van Dirty Dancing, Baywatch en Knight Rider. “Kitt, are you ready?”
6) In die knyp
Ben gesels oor pinch harmonics en ons eindig aanlyn by 'n briljante YouTube-les deur Rob Scallon. Dis verbysterend hoe vinnig die knyp en pluk van die kitaarsnare geskied. Gaan kyk gerus self.
Vir 'n oningeligte om iets meer hieroor te sê, sal wees om jou naam met 'n groot plank te slaan.
7) Skote Petoors!
Blast beats is 'n dromstyl wat gevestig is deur death metal bands uit die vroeë jare 90. Jy kan self op die einste JouBuis gaan kyk en luister na die sketterskote.
Daar's 'n hele lys van soorte blasts, byvoorbeeld bom-, hiper en swaartekragladings (en 'n paar name wat mens nie voor kinders of in goeie geselskap sal kwytraak nie). En 'n swaartekragbom.
My voete en hande kan beslis nie so vinnig beweeg nie. En mens kry nogal bladmusiek vir die style – glo dit of nie, baie metaalkunstenaars is klassiekopgeleide virtuose.
8) Muisvalletjie
Trap rap het uit hip-hop ontwikkel en ook in swaarmetaal met kletsrymlirieke omgesit. Orkeste sluit byvoorbeeld Rage against the machine in, maar van die nuwes in die subgenre weet Dapper bitter min. 'n Ekstra les sal oor die onderwerp nodig wees.
9) Hardekwas
Goregrind is 'n mengsel van grindcore (swaarmetaal en punk uit die jare 80) en death metal. Grindcore se wortels is in Brittanje en Europa voor dit na die land van die spikkelsterbanier oorgewaai het. Gooi 'n oor vir Motörhead (vroeë voorgangers) en Napalm Death.
Waarskuwing: groei dik en welige hare op die tande . . .
10) Glansgeite
Kom ons sluit af met 'n term waarvan die uwe darem meer weet.
Glam rock het ook in Brittanje begin, in die jare 70. Roep voor die oog kêrels in noupassende, monotoon of veelkleurige lyfpakkies (weet nie of dit dieselfde materiaal is as waarvan fietsrybroekies vandag gemaak word nie) – met groot hare. Queen in hul beginjare, David Bowie, Roxy Music, Lou Reed, Suzi Quatro en dies meer.
Vandaar dan ook harder glansrock en glansmetaal. Uit pa se tyd onthou hy Def Leppard, Cheaptrick, Poison, Kiss, Quiet Riot, Bon Jovi en Van Halen. “Jump!”
Van die musiek wat die laaste dekade of drie onderdeur die brûe in die metaal- en ander musiekriviere vloei, weet Dapper so min dat hy uit ordentlikheid eerder sal swyg.
Slotnota aan ouers, onderwysers en alle ander lesers: Kom ons kruisig nie ons kinders as, of omdat hulle anders is nie. Want dan los ons hulle alleen annerkant donker riviere. Waar Skoppensboer sy kaarte kan speel nes hy wil.
Weens ons eie vrees vir die onbekende.
PS: Dankie, Ben.
???
“Ek dog hy is nog in die tronk,” sê Dapperrerige Daniëltjie.
“Neeeee, pa. Marilyn Manson. Een van die bekendste shock rockers ooit,” verduidelik Hermanus Benjamin (13).
Hy wil ook weet of ek al na die Dead Kennedys geluister het. “Al iewers van die naam gehoor,” sê pagoed.
Dis nie John Fitzgerald, Bobby en John Junior nie, maar sekere heavy metal bevat diep politieke en selfs filosofiese boodskappe en intertekste.
Hiermee die tweede stel van vyf terme uit Ben se swaarmetaal-musiekskatkis.
En nee: alle metaalkoppe dra nie swart lipstiffie of is oortrek van tattoes en ringe nie. Jy hoef ook nie takhare te hê om te kopbons nie.
Gooi maar die verstand se waenhuisdeure wyd oop, al is “Boy van die suburbs” (die eerste Afrikaanse rockliedjie) of Kerkorrel se perswaterkanonne die swaarste stop in jou musiekpyp. Al kom jy uit die era van Dirty Dancing, Baywatch en Knight Rider. “Kitt, are you ready?”
6) In die knyp
Ben gesels oor pinch harmonics en ons eindig aanlyn by 'n briljante YouTube-les deur Rob Scallon. Dis verbysterend hoe vinnig die knyp en pluk van die kitaarsnare geskied. Gaan kyk gerus self.
Vir 'n oningeligte om iets meer hieroor te sê, sal wees om jou naam met 'n groot plank te slaan.
7) Skote Petoors!
Blast beats is 'n dromstyl wat gevestig is deur death metal bands uit die vroeë jare 90. Jy kan self op die einste JouBuis gaan kyk en luister na die sketterskote.
Daar's 'n hele lys van soorte blasts, byvoorbeeld bom-, hiper en swaartekragladings (en 'n paar name wat mens nie voor kinders of in goeie geselskap sal kwytraak nie). En 'n swaartekragbom.
My voete en hande kan beslis nie so vinnig beweeg nie. En mens kry nogal bladmusiek vir die style – glo dit of nie, baie metaalkunstenaars is klassiekopgeleide virtuose.
8) Muisvalletjie
Trap rap het uit hip-hop ontwikkel en ook in swaarmetaal met kletsrymlirieke omgesit. Orkeste sluit byvoorbeeld Rage against the machine in, maar van die nuwes in die subgenre weet Dapper bitter min. 'n Ekstra les sal oor die onderwerp nodig wees.
9) Hardekwas
Goregrind is 'n mengsel van grindcore (swaarmetaal en punk uit die jare 80) en death metal. Grindcore se wortels is in Brittanje en Europa voor dit na die land van die spikkelsterbanier oorgewaai het. Gooi 'n oor vir Motörhead (vroeë voorgangers) en Napalm Death.
Waarskuwing: groei dik en welige hare op die tande . . .
10) Glansgeite
Kom ons sluit af met 'n term waarvan die uwe darem meer weet.
Glam rock het ook in Brittanje begin, in die jare 70. Roep voor die oog kêrels in noupassende, monotoon of veelkleurige lyfpakkies (weet nie of dit dieselfde materiaal is as waarvan fietsrybroekies vandag gemaak word nie) – met groot hare. Queen in hul beginjare, David Bowie, Roxy Music, Lou Reed, Suzi Quatro en dies meer.
Vandaar dan ook harder glansrock en glansmetaal. Uit pa se tyd onthou hy Def Leppard, Cheaptrick, Poison, Kiss, Quiet Riot, Bon Jovi en Van Halen. “Jump!”
Van die musiek wat die laaste dekade of drie onderdeur die brûe in die metaal- en ander musiekriviere vloei, weet Dapper so min dat hy uit ordentlikheid eerder sal swyg.
Slotnota aan ouers, onderwysers en alle ander lesers: Kom ons kruisig nie ons kinders as, of omdat hulle anders is nie. Want dan los ons hulle alleen annerkant donker riviere. Waar Skoppensboer sy kaarte kan speel nes hy wil.
Weens ons eie vrees vir die onbekende.
PS: Dankie, Ben.
Kommentaar
Republikein
Geen kommentaar is op hierdie artikel gelaat nie