Angolese ‘moet terugkeer huis toe’

Tuyeimo Haidula op Eembaxu – Die Angolese regering het dié week sy landsburgers wat in Maart vanjaar vanweë die droogte na Namibië uitgewyk het, versoek om terug te keer huis toe.Die provinsiale goewerneur van Cunene, me. Gerdina Ulipamwe Didalelwa, het Dinsdag op ’n vergadering by die Billy Mwaningange Ontwikkelingsentrum in Eembaxu in die Ohangwenastreek gesê hulle versoek die onwettige migrante om na Angola terug te keer sodat dié regering na hulle kan omsien.Didalelwa het met die Namibiese streekgoewerneurs mnre. Walde Ndevashiya (Ohangwena) en Erginus Endjala (Omusati) en ander belanghebbendes vergader oor moontlike oplossing van kwessies van mense wat langs die grens woon en tussen die twee lande beweeg.Didalelwa het gesê die Ohangwenastreek het verlede maand sowat 150 en die Omusatistreek sowat 1 250 Angolese burgers gehad. Volgens haar is dié getalle bloot diegene wat die regering kon opspoor, maar is daar moontlik meer wat onwettig die land binnegekom het.Ndevashiya het gesê die kwessie van onwettige grensbeweging is nie nuut nie en hoewel dit moeilik is om ten volle uit te skakel, kan dit tot die minimum beperk word.“Die regering het besluit dit sal beter wees as die vlugtelinge terugkeer huis toe, want dit is makliker om hulle van binne te help as van buite vanweë die grense wat gesluit is,” het Didalelwa gesê.Didalelwa sê die grense is vanweë die getalle Covid-19-gevalle gesluit. Angola het tot op hede sowat 30 787 gevalle en 677 sterftes aangeteken.DROOGTERepublikein se susterkoerant Namibian Sun het vroeër berig hoedat groeiende getalle desperate Angolese oor die grens glip om die knellende droogte in hul land te ontsnap.Volgens Didalelwa is hulle weens die water- en voedselkrisis in hul land gedwing om ’n nuwe heenkome te soek. Sy het gesê sowat 590 000 mense in Angola word deur die droogte geraak.“Ons besef dit gaan nie ’n maklike taak wees om hulle terug te neem nie, omdat die probleem wat hulle na Namibië laat uitwyk het, steeds bestaan, maar dit is uitvoerbaar.”ANGOLESE REGERING VOORSIENDidalelwa, Endjala en Ndevashiya het Dinsdag met die Angolese burgers wat in die Onghalulu- en Okongo-distrik woon, vergader om hulle van die versoek in kennis te stel.Didalelwa het uitgewys Angola het drie sentrums gestig vir ontheemdes wat deur die droogte geraak is. Daar is tans 350 mense in die sentrum in Santa Clara, 120 in Kahama en 620 in Calueque.Sy het aangedui dat Angola na sy mense omsien en in hul behoeftes sal voorsien.Sy het die geleentheid gebruik om die Namibiese regering te bedank vir die ontvangs van die Angolese.“Ek wil die Namibiese regering en sy mense van harte bedank vir die steun wat aan die Angolese gegee is,” het sy gesê.Ndevashiya het gesê alle sake sal deur die betrokke regerings op ’n vreedsame wyse en in die beste belang van die burgers opgelos word. – republikein@republikein.com.naFOTODie provinsiale goewerneur van Cunene, me. Gerdina Ulipamwe Didalelwa, het Dinsdag gesê die onwettige migrante in die land sal versoek word om terug te keer Angola toe. Saam met haar is die twee streekgoewerneurs mnre. Walde Ndevashiya en Erginus Endjala. Foto Tuyeimo Haidula

Angolese ‘moet terugkeer huis toe’

Kommentaar

Republikein 2025-08-05

Meld asseblief aan om kommentaar te lewer

Angolese ‘moet terugkeer huis toe’

Kommentaar

Republikein 2025-08-05

Meld asseblief aan om kommentaar te lewer

MELD AAN

Advertensie