Angolese meisie (13) glo as slaaf aangehou
Op Oshikango word 'n saak van mensehandel en die verkragting van 'n sesjarige ondersoek.
’n Saak van mensehandel word op Oshikango ondersoek ná ’n 13-jarige meisie verlede Dinsdag op die pad tussen Oshakati en Omungwelume gevind is.
Sy was glo besig om Angola toe te stap.
Volgens die Namibiese polisie (Nampol) se weeklikse misdaadverslag is die meisie na die Omungwelume-polisiekantoor geneem en later na immigrasiebeamptes op Oshikango.
“Die meisie het deur ’n tolk vertel sy is oorspronklik van Lobito in Angola en ná die afsterwe van haar ma het ’n sekere vrou haar glo in Julie van Angola na Oshakati gebring,” lui die verslag.
“Die meisie beweer sy het by die vrou op Oshakati gebly waar sy as huishulp gewerk het en nooit betaal is nie. Sy het glo moeg geraak om so swaar te kry, besluit om te ontsnap en te voet Angola toe te vlug.”
Die meisie is tans in die polisie se sorg.
Niemand is al in hegtenis geneem nie en die polisieondersoek duur voort.
Vermeende verkragting
Ook in die omgewing van Oshikango in die Onengali-nedersetting is ’n sesjarige meisie glo deur haar buurman (22) in die bosse verkrag.
Die verdagte is in hegtenis geneem.
Op Groot Aub het ’n dominospel en ’n gedrinkery glo Saterdagaand tot ’n man se moord gelei.
“Tydens die speletjie en ’n gedrinkery by ’n huis het ’n argument glo uitgebreek. Mnr. Ricky Booi Kock (29) is glo deur twee verdagtes herhaaldelik met stukke van ’n gebreekte bottel en ’n mes in sy nek en kop gesteek,” sê die polisie.
Die voorval het omstreeks 19:30 plaasgevind. Die verdagtes is in hegtenis geneem en die ondersoek duur voort.
Sondag omstreeks 09:30 is ’n fetus in ’n dreingat in ’n rivierbedding naby Moses Garoebstraat in die Otjomuise-woonbuurt in die hoofstad gevind. Die verdagte is onbekend en die polisieondersoek duur voort.
Op Okatope word ’n saak van strafbare manslag, roekelose en/of nalatige bestuur ondersoek nadat ’n onbekende bestuurder Saterdag omstreeks 06:00 ’n voetganger doodgery het en op die vlug geslaan het.
Volgens die polisie het die voorval op die hoofpad tussen Omuthiya en Ondangwa by die Onadhi-nedersetting in die Oshikotostreek plaasgevind en die bestuurder het glo versuim om ná die ongeluk te stop en die slagoffer te help.
Die slagoffer, mnr. Sakaria Jesaya (20), het glo op die toneel gesterf.
Die polisie versoek enigiemand met inligting oor die voorval om die Okatope-polisiekantoor te kontak.
AANGEHOUDENE 'N SLAGOFFER
Saterdag omstreeks 17:30 is ’n man in die polisie se aanhoudingselle op Omuthiya glo deur ’n mede-aangehoudene met drie keer met ’n skroewedraaier in sy nek gesteek.
“Die verdagte het twee hangende sake van diefstal en aanranding met die opset om ernstig te beseer teen hom, terwyl die slagoffer in aanhouding was weens ’n klag van huisbraak en diefstal,” sê die polisie.
Die slagoffer is na die Omuthiya-staatshospitaal vir behandeling geneem en is daarná na die Onandjokwe-hospitaal oorgeplaas.
“Hy verkeer in ’n ernstige, maar stabiele toestand. Die skroewedraaier is verwyder en deur die polisie gekonfiskeer.”
Die verdagte sou Maandag in die Ondangwa-landdroshof verskyn.
Op Khorixas is ’n 24-jarige man Saterdag tussen 03:00 en 04:00 in ’n plas bloed voor sy huis gevind.
Die slagoffer is per ambulans na ’n hospitaal vir mediese behandeling geneem.
Niemand is al in hegtenis geneem nie en die polisie versoek enigiemand met inligting om hul kantoor op Khorixas te kontak.
Sy was glo besig om Angola toe te stap.
Volgens die Namibiese polisie (Nampol) se weeklikse misdaadverslag is die meisie na die Omungwelume-polisiekantoor geneem en later na immigrasiebeamptes op Oshikango.
“Die meisie het deur ’n tolk vertel sy is oorspronklik van Lobito in Angola en ná die afsterwe van haar ma het ’n sekere vrou haar glo in Julie van Angola na Oshakati gebring,” lui die verslag.
“Die meisie beweer sy het by die vrou op Oshakati gebly waar sy as huishulp gewerk het en nooit betaal is nie. Sy het glo moeg geraak om so swaar te kry, besluit om te ontsnap en te voet Angola toe te vlug.”
Die meisie is tans in die polisie se sorg.
Niemand is al in hegtenis geneem nie en die polisieondersoek duur voort.
Vermeende verkragting
Ook in die omgewing van Oshikango in die Onengali-nedersetting is ’n sesjarige meisie glo deur haar buurman (22) in die bosse verkrag.
Die verdagte is in hegtenis geneem.
Op Groot Aub het ’n dominospel en ’n gedrinkery glo Saterdagaand tot ’n man se moord gelei.
“Tydens die speletjie en ’n gedrinkery by ’n huis het ’n argument glo uitgebreek. Mnr. Ricky Booi Kock (29) is glo deur twee verdagtes herhaaldelik met stukke van ’n gebreekte bottel en ’n mes in sy nek en kop gesteek,” sê die polisie.
Die voorval het omstreeks 19:30 plaasgevind. Die verdagtes is in hegtenis geneem en die ondersoek duur voort.
Sondag omstreeks 09:30 is ’n fetus in ’n dreingat in ’n rivierbedding naby Moses Garoebstraat in die Otjomuise-woonbuurt in die hoofstad gevind. Die verdagte is onbekend en die polisieondersoek duur voort.
Op Okatope word ’n saak van strafbare manslag, roekelose en/of nalatige bestuur ondersoek nadat ’n onbekende bestuurder Saterdag omstreeks 06:00 ’n voetganger doodgery het en op die vlug geslaan het.
Volgens die polisie het die voorval op die hoofpad tussen Omuthiya en Ondangwa by die Onadhi-nedersetting in die Oshikotostreek plaasgevind en die bestuurder het glo versuim om ná die ongeluk te stop en die slagoffer te help.
Die slagoffer, mnr. Sakaria Jesaya (20), het glo op die toneel gesterf.
Die polisie versoek enigiemand met inligting oor die voorval om die Okatope-polisiekantoor te kontak.
AANGEHOUDENE 'N SLAGOFFER
Saterdag omstreeks 17:30 is ’n man in die polisie se aanhoudingselle op Omuthiya glo deur ’n mede-aangehoudene met drie keer met ’n skroewedraaier in sy nek gesteek.
“Die verdagte het twee hangende sake van diefstal en aanranding met die opset om ernstig te beseer teen hom, terwyl die slagoffer in aanhouding was weens ’n klag van huisbraak en diefstal,” sê die polisie.
Die slagoffer is na die Omuthiya-staatshospitaal vir behandeling geneem en is daarná na die Onandjokwe-hospitaal oorgeplaas.
“Hy verkeer in ’n ernstige, maar stabiele toestand. Die skroewedraaier is verwyder en deur die polisie gekonfiskeer.”
Die verdagte sou Maandag in die Ondangwa-landdroshof verskyn.
Op Khorixas is ’n 24-jarige man Saterdag tussen 03:00 en 04:00 in ’n plas bloed voor sy huis gevind.
Die slagoffer is per ambulans na ’n hospitaal vir mediese behandeling geneem.
Niemand is al in hegtenis geneem nie en die polisie versoek enigiemand met inligting om hul kantoor op Khorixas te kontak.
Kommentaar
Republikein
Geen kommentaar is op hierdie artikel gelaat nie