Anglo op koers met produksie
Elvira Wood - Anglo American sê al sy filiale, behalwe die een wat nikkel produseer, is op dreef om hul produksiedoelwitte vir die 2017-boekjaar te bereik.
Dit sluit sy steenkoolafdeling in nadat die maatskappy op 10 April bekend gemaak het dat hy drie van sy myne, wat almal steenkool aan Eskom lewer, vir R2,3 miljard aan Seriti Resources wil verkoop. Dit sluit in die New Vaal-, New Denmark- en Kriel-steenkoolmyn, asook vier myne wat vroeër gesluit is.
Eskom het bevestig hoewel hy “deur die verkoop beïnvloed sal word, is hy nie by die transaksie betrokke nie”.
Anglo het gister in 'n verklaring op die JSE se nuusdiens, Sens, gesê sy primêre en sekondêre steenkoolproduksie het in die eerste kwartaal van 2017 met 9% tot 5 miljoen ton gestyg vergeleke met die eerste kwartaal in die vorige jaar.
Produksie van termiese steenkool by sy myne in Suid-Afrika en Colombia, wat op die uitvoermark gemik is, het met 6% gestyg. Vir die volle jaar verwag Anglo steeds produksie van tussen 29 miljoen en 31 miljoen ton.
Anglo het in Februarie 2016 'n dramatiese plan bekend gemaak om van meer as die helfte van sy myne ontslae te raak.
Nadat hulpbronpryse die afgelope tyd verbeter het, het Anglo van dié plan afgesien en Cutifani het in Februarie gesê die maatskappy is tevrede om sy ystererts- en steenkoolmyne in Suid-Afrika te hou. Die aankondiging dat hy wel van sy Suid-Afrikaanse steenkoolmyne van die hand gaan sit, was dus 'n verrassing.
Ystererts
Anglo se ysterertsproduksie het in die eerste kwartaal met 17% tot 10,5 miljoen ton gestyg danksy hoër produktiwiteit by Sishen en Kolomela.
Produksie by sy Minas-Rio-ysterertsmyn in Brasilië het met 30% tot 4,3 miljoen ton gestyg.
Anglo het vroeër gesê sy ysterertsafdeling is een van dié waarvan hy moontlik ontslae kan raak om sy skuldlas te verlig. Dit het reeds van US$12,9 miljard en 2015 tot US$8,5 miljard gedaal, laer as sy mikpunt van US$10 miljard.
Sedert hy die herstruktureringsplanne aangekondig het, het hulpbronne soos ystererts baie beter pryse behaal op die internasionale markte, wat Anglo laat besluit het om nie Kumba Iron Ore van die hand te sit nie.
Diamante
De Beers, 'n volfiliaal van Anglo, se diamantproduksie het in die eerste kwartaal van 2017 met 8% tot 7,4 miljoen karaat gestyg, hoofsaaklik danksy hoër produksie by sy Gahcho Kué-myn in Kanada.
Die maatskappy sê afhangende van handelsomstandighede verwag hy steeds om tussen 31 miljoen karaat en 33 miljoen karaat stene in 2017 te lewer.
Platinum, koper en nikkel
Nadat Anglo sy platinummyne in Rustenburg aan Sibanye verkoop het, het sy produksie in die eerste kwartaal feitlik onveranderd op 572 000 onse gebly.
Hy verwag om vanjaar tussen 2,35 onse en 2,4 miljoen onse platinum te lewer.
Koperproduksie het met 3% tot 142 600 ton gedaal, maar produksievooruitsigte bly dieselfde op tussen 570 000 en 600 000 ton vir die jaar.
Nikkelproduksie het met 12% tot 9 900 ton gedaal. Anglo het sy jaarproduksieverwagting van sowat 45 000 ton verlaag tot tussen 43 000 ton en 45 000 ton. – Netwerk24
Dit sluit sy steenkoolafdeling in nadat die maatskappy op 10 April bekend gemaak het dat hy drie van sy myne, wat almal steenkool aan Eskom lewer, vir R2,3 miljard aan Seriti Resources wil verkoop. Dit sluit in die New Vaal-, New Denmark- en Kriel-steenkoolmyn, asook vier myne wat vroeër gesluit is.
Eskom het bevestig hoewel hy “deur die verkoop beïnvloed sal word, is hy nie by die transaksie betrokke nie”.
Anglo het gister in 'n verklaring op die JSE se nuusdiens, Sens, gesê sy primêre en sekondêre steenkoolproduksie het in die eerste kwartaal van 2017 met 9% tot 5 miljoen ton gestyg vergeleke met die eerste kwartaal in die vorige jaar.
Produksie van termiese steenkool by sy myne in Suid-Afrika en Colombia, wat op die uitvoermark gemik is, het met 6% gestyg. Vir die volle jaar verwag Anglo steeds produksie van tussen 29 miljoen en 31 miljoen ton.
Anglo het in Februarie 2016 'n dramatiese plan bekend gemaak om van meer as die helfte van sy myne ontslae te raak.
Nadat hulpbronpryse die afgelope tyd verbeter het, het Anglo van dié plan afgesien en Cutifani het in Februarie gesê die maatskappy is tevrede om sy ystererts- en steenkoolmyne in Suid-Afrika te hou. Die aankondiging dat hy wel van sy Suid-Afrikaanse steenkoolmyne van die hand gaan sit, was dus 'n verrassing.
Ystererts
Anglo se ysterertsproduksie het in die eerste kwartaal met 17% tot 10,5 miljoen ton gestyg danksy hoër produktiwiteit by Sishen en Kolomela.
Produksie by sy Minas-Rio-ysterertsmyn in Brasilië het met 30% tot 4,3 miljoen ton gestyg.
Anglo het vroeër gesê sy ysterertsafdeling is een van dié waarvan hy moontlik ontslae kan raak om sy skuldlas te verlig. Dit het reeds van US$12,9 miljard en 2015 tot US$8,5 miljard gedaal, laer as sy mikpunt van US$10 miljard.
Sedert hy die herstruktureringsplanne aangekondig het, het hulpbronne soos ystererts baie beter pryse behaal op die internasionale markte, wat Anglo laat besluit het om nie Kumba Iron Ore van die hand te sit nie.
Diamante
De Beers, 'n volfiliaal van Anglo, se diamantproduksie het in die eerste kwartaal van 2017 met 8% tot 7,4 miljoen karaat gestyg, hoofsaaklik danksy hoër produksie by sy Gahcho Kué-myn in Kanada.
Die maatskappy sê afhangende van handelsomstandighede verwag hy steeds om tussen 31 miljoen karaat en 33 miljoen karaat stene in 2017 te lewer.
Platinum, koper en nikkel
Nadat Anglo sy platinummyne in Rustenburg aan Sibanye verkoop het, het sy produksie in die eerste kwartaal feitlik onveranderd op 572 000 onse gebly.
Hy verwag om vanjaar tussen 2,35 onse en 2,4 miljoen onse platinum te lewer.
Koperproduksie het met 3% tot 142 600 ton gedaal, maar produksievooruitsigte bly dieselfde op tussen 570 000 en 600 000 ton vir die jaar.
Nikkelproduksie het met 12% tot 9 900 ton gedaal. Anglo het sy jaarproduksieverwagting van sowat 45 000 ton verlaag tot tussen 43 000 ton en 45 000 ton. – Netwerk24
Kommentaar
Republikein
Geen kommentaar is op hierdie artikel gelaat nie