Andries Bekker hang stewels op

Die voormalige Springbok-, Stormers- en Westelike Provinsie-slot Andries Bekker het sy uittrede uit rugby aangekondig.Bekker het die afgelope naweek in sy laaste wedstryd vir sy Japannese klub Kobelco Steelers teen Toshiba Brave Lupus gespeel.Die Steelers het die Brave Lupus geklop om die vyfde plek in Japan se Top League te verseker.Die 34-jarige Bekker het op Instagram aangedui dat sy rugbyloopbaan nou tot ’n einde gekom het.Bekker het in 29 toetse vir die Springbokke tussen 2008 en 2012 gespeel. Met sy lengte van 2.08 meter is hy die langste Springbok in die geskiedenis – selfs langer as sy pa Hennie wat ook in die 1980’s die groen-en-goud as slot gedra het en net oor die twee meter was. Ondanks sy 121 kg liggaam was hy ook vir sy beweeglikheid bekend.In Kaapstad was Bekker ’n bekende wanneer hy vir die Westelike Provinsie in die Curriebeker diens gedoen het en die Stormers gehelp het om in 2010 die eindstryd van Superrugby te haal.Bekker het in 2013 besluit om sy rugbyloopbaan in Japan voort te sit.“Dit was ’n bleddie goeie rit. Al die goeie en slegte tye, maar ek sal dit alles net so wil oordoen. Dankie vir my wonderlike gesin en vriende,” het Bekker op sy Instagram geskryf.Verskeie van Bekker se voormalige WP-spanmaats soos Schalk Ferreira en Rynhardt Elstadt het hom voorspoed toegewens met die nuwe uitdagings wat hy wil aanpak. – Netwerk24

Andries Bekker hang stewels op

Kommentaar

Republikein 2025-06-26

Meld asseblief aan om kommentaar te lewer

Andries Bekker hang stewels op

Kommentaar

Republikein 2025-06-26

Meld asseblief aan om kommentaar te lewer

MELD AAN

Advertensie