Ander lande spring om gaping in hoendermark te vul
Met verskeie lande wat beperkings op die invoer van Amerikaanse hoender plaas, kan die wêreld 'n tekort aan hoendervleis ondervind.
Vida Booysen - Die Brasiliaanse vleisskandaal wat dié land se hoenderuitvoer byna nekomdraai, gaan Suid-Afrika se hoenderbedryf net op kort termyn help.
Enige inkorting van die hoeveelheid hoender wat ingevoer word, gee verligting aan die plaaslike bedryf en word verwelkom, sê Marthinus Stander, uitvoerende hoof van Country Bird Holdings en voorsitter van die Suid-Afrikaanse pluimveevereniging se braaihoenderkomitee.
Die Suid-Afrikaanse departement van landbou, bosbou en visserye het die invoer van hoendervleis van die twee grootste vleismaatskappye van Brasilië wat by die vleisskandaal betrek word, opgeskort.
Verskeie ander lande het ook die invoer van hoender uit Brasilië verbied en volgens Bloomberg kan dit 'n groot gat los in die wêreld se hoenderhandel, aangesien Brasilië reeds verantwoordelik is vir sowat 40% van die internasionale uitvoer.
Stander sê dit beteken nog nie dat die plaaslike bedryf die gaping sal kry wat hy benodig om 'n voet in die uitvoermark te kry nie.
“Voordat ons kan uitvoer na ander lande, is verskeie staatsingrypings nodig, en dit is tydrowend – jy kan nie sommer net uitvoer na 'n ander land nie.”
Stander sê ander lande maak dit glad nie maklik om hoender uit te voer nie, juis omdat hulle hul markte en plaaslike verbruikers beskerm.
“Ons landbouminister sal 'n hele aantal protokolle moet onderteken en 'n rits gesondheidsinspeksies moet geslaag word, so dis 'n lang, uitgerekte proses.”
Internasionale tekort
Indien daar egter 'n internasionale tekort aan uitvoerhoender sou ontstaan, sal dié proses dalk verhaas word in lande soos Saoedi-Arabië, waar Suid-Afrika al 'n bietjie vordering gemaak het om 'n uitvoermark vir sy hoenders te probeer vestig, sê Stander.
“Die vraag is egter of die verbod op invoer uit Brasilië lank genoeg sal hou om ons genoeg tyd te gee om aan die regulasies te voldoen sodat ons kan uitvoer.”
Die meeste van Brasilië se hoender word na China uitgevoer en volgens Reuters het China reeds sy tydelike invoerverbod opgehef. Egipte en Chili het ook weer hul grense vir sommige van Brasilië se vleisuitvoerders oopgemaak.
Die bom oor Brasilië se uitvoervleis het verlede week gebars toe die Brasiliaanse polisie toegeslaan het en 'n ondersoek, genaamd Swak Vlees, van stapel gestuur het ná die beweerde omkopery van federale gesondheidsinspekteurs wat toegelaat het dat reeds bederfde vleis steeds verkoop en uitgevoer is.
Twee groot Brasiliaanse vleismaatskappye, BRF SA en JBS SA, die wêreld se grootste vleisprodusent, is by die skandaal betrek. Albei ontken dat hulle enigiets onwettigs gedoen het.
Voëlgriep
Bloomberg berig die Brasiliaanse vleisskandaal kom op 'n tydstip dat voëlgriep in die VSA begin voorkom. Dié land is die tweede grootste uitvoerder van braaihoendervleis. Met verskeie lande, waaronder Suid-Korea, wat beperkings op die invoer van Amerikaanse hoender plaas, kan die wêreld 'n tekort aan hoendervleis ondervind, tensy mededingers die gaping kan vul.
“Dis moeilik om te sê watter land 'n uitvoerreus soos Brasilië ten volle in die internasionale mark kan vervang as die VSA ook deur voëlgriep geraak word,” sê Jose Vicente Ferraz, 'n direkteur van Informa Economics Group in Brasilië.
“Ek sal sover gaan om te sê daar is geen land wat dit op die oomblik kan doen nie.”
Brasilië sou na verwagting vanjaar sy aandeel in die internasionale hoenderhandel verhoog het. Dié land is nie deur voëlgriep geraak nie en die aanvraag na sy produk het skerp gestyg ná uitbrekings van voëlgriep in Europa, Asië en die VSA. In die VSA is verskeie gevalle van voëlgriep hierdie maand aangemeld, waaronder in Tennessee en Alabama, een van die grootste hoenderstate in die VSA.
Die uitbreking het daartoe aanleiding gegee dat verskeie lande, waaronder Japan, die wêreld se grootste invoerder van braaihoendervleis, beperkings geplaas het op besendings vanuit sommige gebiede in die VSA. Brasilië en die VSA is saam verantwoordelik vir sowat twee derdes van die internasionale hoendervleishandel.
Mededingers spring nou om die gaping te probeer vul. Die Argentynse hoenderprodusent Cresta Roja verwag dat Brasilië se teenspoed sy eie besendings na uitvoermarkte in Asië sal laat toeneem. Die hupstoot kan help dat die maatskappy sy uitvoerteiken van 25% van produksie teen Junie bereik, het die uitvoerende hoof, Santaigo Perea, gesê. Dit is 15% hoër as die huidige syfer. – Netwerk24
Enige inkorting van die hoeveelheid hoender wat ingevoer word, gee verligting aan die plaaslike bedryf en word verwelkom, sê Marthinus Stander, uitvoerende hoof van Country Bird Holdings en voorsitter van die Suid-Afrikaanse pluimveevereniging se braaihoenderkomitee.
Die Suid-Afrikaanse departement van landbou, bosbou en visserye het die invoer van hoendervleis van die twee grootste vleismaatskappye van Brasilië wat by die vleisskandaal betrek word, opgeskort.
Verskeie ander lande het ook die invoer van hoender uit Brasilië verbied en volgens Bloomberg kan dit 'n groot gat los in die wêreld se hoenderhandel, aangesien Brasilië reeds verantwoordelik is vir sowat 40% van die internasionale uitvoer.
Stander sê dit beteken nog nie dat die plaaslike bedryf die gaping sal kry wat hy benodig om 'n voet in die uitvoermark te kry nie.
“Voordat ons kan uitvoer na ander lande, is verskeie staatsingrypings nodig, en dit is tydrowend – jy kan nie sommer net uitvoer na 'n ander land nie.”
Stander sê ander lande maak dit glad nie maklik om hoender uit te voer nie, juis omdat hulle hul markte en plaaslike verbruikers beskerm.
“Ons landbouminister sal 'n hele aantal protokolle moet onderteken en 'n rits gesondheidsinspeksies moet geslaag word, so dis 'n lang, uitgerekte proses.”
Internasionale tekort
Indien daar egter 'n internasionale tekort aan uitvoerhoender sou ontstaan, sal dié proses dalk verhaas word in lande soos Saoedi-Arabië, waar Suid-Afrika al 'n bietjie vordering gemaak het om 'n uitvoermark vir sy hoenders te probeer vestig, sê Stander.
“Die vraag is egter of die verbod op invoer uit Brasilië lank genoeg sal hou om ons genoeg tyd te gee om aan die regulasies te voldoen sodat ons kan uitvoer.”
Die meeste van Brasilië se hoender word na China uitgevoer en volgens Reuters het China reeds sy tydelike invoerverbod opgehef. Egipte en Chili het ook weer hul grense vir sommige van Brasilië se vleisuitvoerders oopgemaak.
Die bom oor Brasilië se uitvoervleis het verlede week gebars toe die Brasiliaanse polisie toegeslaan het en 'n ondersoek, genaamd Swak Vlees, van stapel gestuur het ná die beweerde omkopery van federale gesondheidsinspekteurs wat toegelaat het dat reeds bederfde vleis steeds verkoop en uitgevoer is.
Twee groot Brasiliaanse vleismaatskappye, BRF SA en JBS SA, die wêreld se grootste vleisprodusent, is by die skandaal betrek. Albei ontken dat hulle enigiets onwettigs gedoen het.
Voëlgriep
Bloomberg berig die Brasiliaanse vleisskandaal kom op 'n tydstip dat voëlgriep in die VSA begin voorkom. Dié land is die tweede grootste uitvoerder van braaihoendervleis. Met verskeie lande, waaronder Suid-Korea, wat beperkings op die invoer van Amerikaanse hoender plaas, kan die wêreld 'n tekort aan hoendervleis ondervind, tensy mededingers die gaping kan vul.
“Dis moeilik om te sê watter land 'n uitvoerreus soos Brasilië ten volle in die internasionale mark kan vervang as die VSA ook deur voëlgriep geraak word,” sê Jose Vicente Ferraz, 'n direkteur van Informa Economics Group in Brasilië.
“Ek sal sover gaan om te sê daar is geen land wat dit op die oomblik kan doen nie.”
Brasilië sou na verwagting vanjaar sy aandeel in die internasionale hoenderhandel verhoog het. Dié land is nie deur voëlgriep geraak nie en die aanvraag na sy produk het skerp gestyg ná uitbrekings van voëlgriep in Europa, Asië en die VSA. In die VSA is verskeie gevalle van voëlgriep hierdie maand aangemeld, waaronder in Tennessee en Alabama, een van die grootste hoenderstate in die VSA.
Die uitbreking het daartoe aanleiding gegee dat verskeie lande, waaronder Japan, die wêreld se grootste invoerder van braaihoendervleis, beperkings geplaas het op besendings vanuit sommige gebiede in die VSA. Brasilië en die VSA is saam verantwoordelik vir sowat twee derdes van die internasionale hoendervleishandel.
Mededingers spring nou om die gaping te probeer vul. Die Argentynse hoenderprodusent Cresta Roja verwag dat Brasilië se teenspoed sy eie besendings na uitvoermarkte in Asië sal laat toeneem. Die hupstoot kan help dat die maatskappy sy uitvoerteiken van 25% van produksie teen Junie bereik, het die uitvoerende hoof, Santaigo Perea, gesê. Dit is 15% hoër as die huidige syfer. – Netwerk24
Kommentaar
Republikein
Geen kommentaar is op hierdie artikel gelaat nie