ANC se top-6 dalk nog byeen oor kandidatelyste

18 April 2019 | Afrika
Philda Essop

Pres. Cyril Ramaphosa en die vyf ander lede van die ANC se topses sal straks aanstaande Dinsdag die verslag van die ANC se integriteitskommissie oor die party se kandidatelyste bespreek.

Die nasionale uitvoerende komitee (NUK) het dié komitee vroeër opdrag gegee om die lys te bestudeer en terugvoering te gee.

Luidens berigte word 22 name op die party se kandidatelys deur die integriteitskommissie as “problematiese” parlementêre kandidate beskryf.

City Press het berig dat adj.pres. David Mabuza en Gwede Mantashe, ANC-voorsitter en minister van minerale bronne, se name glo op dié lys is.

George Mashamba, voorsitter van die integriteitskommissie, het Dinsdag bevestig dat die NUK ’n lys aan die kommissie oorhandig het vir hersiening en dat die kommissie sy werk in dié verband afgehandel het. Die kommissie kan egter nie die besonderhede van sy aanbevelings bekend maak nie. Die NUK sal hom daaroor uitspreek, sê Mashamba.

Reëlings word tans getref vir die kommissie om met die NUK oor die kwessie te vergader.

Dakota Legoete, waarnemende nasionale ANC-woordvoerder, het Dinsdag by navraag oor die pad vorentoe gesê die verslag van die integriteitskommissie is nog nie deur die ANC se topses-leiers bespreek nie.

Hulle vergader gewoonlik elke Maandag, maar dié vergadering het nie die afgelope Maandag plaasgevind nie omdat hulle Joe Nkadimeng (92), ’n ANC-struggleleier, aan huis besoek het waar hulle die Isithwalandwe/Seaparankoe-medalje – die hoogste eerbewys van die ANC – aan hom oorhandig het.

Legoete sê die groep sal waarskynlik volgende Dinsdag vergader omdat Maandag ’n vakansiedag is. In dié stadium is dit egter net ’n bespiegeling, want hy het nog geen opdrag daaroor gekry nie.

Nóg die party se nasionale werkkomitee (NWK), nóg die NUK sal weer voor die verkiesing vergader.

KWESSIE IS UITERS BELANGRIK

“Die ANC beskou die kwessie as uiters belangrik. Al die kandidate het die toets geslaag ingevolge die Kieswet. Die Kieswet dek egter nie kwessies van moraliteit nie daarom is dit ’n interne kwessie vir die ANC. Dit kan voor of ná die verkiesing afgehandel word,” sê Legoete.

Intussen beplan verskeie DA-leiers in Gauteng om Woensdag besware wat hulle van die publiek oor die ANC se kandidatelys ontvang het, by Luthuli-huis, die ANC se hoofkantoor in Johannesburg, te oorhandig.

Die DA sê verskeie ANC-kandidate word by misdade geïmpliseer, wat van “korrupsie en wanadministrasie tot seksuele aanranding” wissel. Duisende Suid-Afrikaners het volgens die party in reaksie hierop op ’n spesiale DA-webwerf, getiteld Prison Not Parliament, beswaar aangeteken. – Netwerk24

Soortgelyk

 

Twee 'renosterstropers' verskyn in Gobabis-hof

1 uur gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

5 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

7 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

17 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

17 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

17 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

17 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

17 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...

Weer, Maandag 1 Junie 2020

17 ure gelede | Weer

BINNELAND: Gedeeltelik bewolk en baie warm in die Zambezi- en Kavangostreek. Elders sonnig en warm tot baie warm. Winderige weer sal oor die binneland heers....