Amnestie vir wapentuig tot Februarie uitgestel
925 gewere, 44 073 patrone ingedien
Die grootste aantal ongelisensieerde wapentuig is deur eienaars en museums ingegee, terwyl sowat 30% ingedien is deur mense wat dit geërf het.
Elvira Hattingh – Die ministerie van veiligheid en sekuriteit het gister die amnestie-tydperk vir die inhandiging van enige onwettige of ongelisensieerde wapens, ammunisie en krygstuig tot 18 Februarie 2017 uitgestel.
Mense wat van hierdie geleentheid gebruik maak om dit by hul naaste polisiekantoor by die bevelvoerder in te handig, sal nie vervolg word nie.
Dit volg nadat altesaam 925 gewere, 44 073 patrone en 66 plofbare verordeninge by polisiekantore oral oor die land sedert die aankondiging van ’n drie maande lange amnestie-tydperk ingehandig is. Volgens die verslag was 24 van die gewere wel op die stelsel geregistreer en nie onwettig nie.
In die tweede verslag oor die aantal wapentuig wat ingehandig is, het die ministerie aangedui dat altesaam 694 gewere, 14 117 patrone en 21 plofbare toestelle in die Khomasstreek ingehandig is, terwyl 45 gewere en 1 515 patrone in die Omusatistreek ingedien is.
Die meeste patrone (20 479) en plofbare toestelle (45) is in die Otjozondjupastreek ingehandig. Altesaam 37 gewere en 4 099 patrone is in die Oshikotostreek ingedien en 16 gewere en 626 patrone in die Omahekestreek.
Die meeste gewere (34,2%) is deur eienaars self of museums ingehandig wat nie langer die wapens wou aanhou nie. Sowat 30,4% van die gewere is ingegee deur mense wat dit geërf het, terwyl 19,8% van die wapentuig ingedien is deur mense wat dit vanuit die vorige bedeling oorgehou het. Ander redes wat gegee is waarom mense onwettige wapentuig aangehou het, was dat hulle dit in die bos of op hul plase opgetel het.
Die amnestie volg nadat die minister van veiligheid en sekuriteit, genl.maj. (afgetree) Charles Namoloh, ’n kennisgewing op 25 Augustus in die Staatskoerant gepubliseer het waarin hiervoor voorsiening gemaak het.
Die besluit is skynbaar gemaak nadat afgevaardigdes van onder meer die Namibië Landbou-unie (NLU) en die Gesamentlike Misdaadvoorkomingsforum (JCPF) in Junie besoek aan die aanklaer-generaal, adv. Martha Imalwa, asook die polisie gebring het om duidelikheid oor dié kwessie te kry.
Tydens die besoeke is vir ’n amnestie-tydperk gevra waartydens wapens ingehandig kan word sonder vrees vir vervolging. Die polisie het dit toe ook duidelik gestel dat die getal patrone per gelisensieerde wapen beperk is tot 100 en die hoeveelheid kruit vir herlaai-doeleindes tot 500 g beperk is (of 1 kg met spesiale toestemming van die polisie).
Wat betref die ou SWA/Namibië ID-nommers op sekere wapenlisensies, het die polisie aanbeveel dat aansoek gedoen word om dit oor te dra na die betrokke mense se nuwe, Namibiese identiteitsdokumente.
Elvira Hattingh – Die ministerie van veiligheid en sekuriteit het gister die amnestie-tydperk vir die inhandiging van enige onwettige of ongelisensieerde wapens, ammunisie en krygstuig tot 18 Februarie 2017 uitgestel.
Mense wat van hierdie geleentheid gebruik maak om dit by hul naaste polisiekantoor by die bevelvoerder in te handig, sal nie vervolg word nie.
Dit volg nadat altesaam 925 gewere, 44 073 patrone en 66 plofbare verordeninge by polisiekantore oral oor die land sedert die aankondiging van ’n drie maande lange amnestie-tydperk ingehandig is. Volgens die verslag was 24 van die gewere wel op die stelsel geregistreer en nie onwettig nie.
In die tweede verslag oor die aantal wapentuig wat ingehandig is, het die ministerie aangedui dat altesaam 694 gewere, 14 117 patrone en 21 plofbare toestelle in die Khomasstreek ingehandig is, terwyl 45 gewere en 1 515 patrone in die Omusatistreek ingedien is.
Die meeste patrone (20 479) en plofbare toestelle (45) is in die Otjozondjupastreek ingehandig. Altesaam 37 gewere en 4 099 patrone is in die Oshikotostreek ingedien en 16 gewere en 626 patrone in die Omahekestreek.
Die meeste gewere (34,2%) is deur eienaars self of museums ingehandig wat nie langer die wapens wou aanhou nie. Sowat 30,4% van die gewere is ingegee deur mense wat dit geërf het, terwyl 19,8% van die wapentuig ingedien is deur mense wat dit vanuit die vorige bedeling oorgehou het. Ander redes wat gegee is waarom mense onwettige wapentuig aangehou het, was dat hulle dit in die bos of op hul plase opgetel het.
Die amnestie volg nadat die minister van veiligheid en sekuriteit, genl.maj. (afgetree) Charles Namoloh, ’n kennisgewing op 25 Augustus in die Staatskoerant gepubliseer het waarin hiervoor voorsiening gemaak het.
Die besluit is skynbaar gemaak nadat afgevaardigdes van onder meer die Namibië Landbou-unie (NLU) en die Gesamentlike Misdaadvoorkomingsforum (JCPF) in Junie besoek aan die aanklaer-generaal, adv. Martha Imalwa, asook die polisie gebring het om duidelikheid oor dié kwessie te kry.
Tydens die besoeke is vir ’n amnestie-tydperk gevra waartydens wapens ingehandig kan word sonder vrees vir vervolging. Die polisie het dit toe ook duidelik gestel dat die getal patrone per gelisensieerde wapen beperk is tot 100 en die hoeveelheid kruit vir herlaai-doeleindes tot 500 g beperk is (of 1 kg met spesiale toestemming van die polisie).
Wat betref die ou SWA/Namibië ID-nommers op sekere wapenlisensies, het die polisie aanbeveel dat aansoek gedoen word om dit oor te dra na die betrokke mense se nuwe, Namibiese identiteitsdokumente.
Kommentaar
Republikein
Geen kommentaar is op hierdie artikel gelaat nie