Amnestie Internasionaal kap Lonmin
Mis teiken vir behuising
Elvira Wood
Vier jaar ná die Marikana-slagting op 16 Augustus 2012, waarin 34 stakende mynwerkers deur die polisie doodgeskiet is, sukkel Lonmin steeds om genoeg behuising aan sy arbeidsmag te verskaf.
Die internasionale menseregteorganisasie Amnestie Internasionaal (AI) het Lonmin Maandag in ’n verslag veroordeel weens sy versuim om te voldoen aan sy maatskaplike en arbeidsplan van 2006, waarin hy onderneem het om teen 2011 altesaam 5 500 huise vir sy werkers te bou.
Volgens AI oortuig Lonmin se redes hiervoor nie, naamlik mislukte ooreenkomste met ontwikkelaars, ’n gebrek aan grond, laer hulpbronpryse en werknemers se hoë skuldvlakke, wat verhinder dat hulle verbandlenings kan kry.
Die Farlamkommissie se ondersoek na die Marikana-slagting het bevind baie van Lonmin se werkers bly in “werklik skokkende” informele nedersettings, wat moontlik bygedra het tot die opstande.
Lonmin sê egter hy het sedert 2012 altesaam 2 684 behuisingseenhede gebou en beplan om nog 11 000 te bou in verskeie inisiatiewe, waarvan sommige plaaslike owerhede betrek.
Die maatskappy het egter wel gewaarsku dat hy die R100 miljoen per jaar wat vir behuising begroot is, kan hersien weens die moeilike ekonomiese omstandighede. Lonmin het einde verlede jaar US$407 miljoen in ’n regte-uitgifte ingesamel om hom aan die gang te hou.
“Die verskaffing van behuising aan ons hele arbeidsmag sal natuurlik tyd neem en sal die samewerking van alle belanghebbendes vereis, veral gegewe die huidige ekonomiese beperkings,” het Lerato Molebatsi, uitvoerende visepresident van Lonmin, in ’n brief aan AI geskryf.
“In die lig hiervan het ons onlangs aangedui dat die voorsiening van R100 miljoen per jaar saam met ons reguleerder heroorweeg kan word.”
In Suid-Afrika moet mynmaatskappye maatskaplike en arbeidsplanne deurvoer om vir mynlisensies te kwalifiseer. “Die regering het Lonmin toegelaat om die wet te verontagsaam, blykbaar sonder enige gevolge,” sê AI.
Die Association of Mineworkers and Construction Union (Amcu) het Maandag in ’n verklaring gesê hy wil weer sy trustfonds om mynwerkers in die Marikana omgewing te ondersteun, op die been bring.
Biskop Jo Seoka, voormalige president van die Suid-Afrikaanse Raad van Kerke wat ’n bemiddelaar was tydens die geweld in 2012, sê baie werkers naby dié myn leef steeds onder haglike omstandighede.
Die fonds, wat oorspronklik in 2014 geskep is met R2 miljoen wat van Amcu af gekom het, gaan nou meer trustees hê en sal bekend staan as die Marikana-slagting Amcu-trustfonds. - Netwerk24/Bloomberg
Vier jaar ná die Marikana-slagting op 16 Augustus 2012, waarin 34 stakende mynwerkers deur die polisie doodgeskiet is, sukkel Lonmin steeds om genoeg behuising aan sy arbeidsmag te verskaf.
Die internasionale menseregteorganisasie Amnestie Internasionaal (AI) het Lonmin Maandag in ’n verslag veroordeel weens sy versuim om te voldoen aan sy maatskaplike en arbeidsplan van 2006, waarin hy onderneem het om teen 2011 altesaam 5 500 huise vir sy werkers te bou.
Volgens AI oortuig Lonmin se redes hiervoor nie, naamlik mislukte ooreenkomste met ontwikkelaars, ’n gebrek aan grond, laer hulpbronpryse en werknemers se hoë skuldvlakke, wat verhinder dat hulle verbandlenings kan kry.
Die Farlamkommissie se ondersoek na die Marikana-slagting het bevind baie van Lonmin se werkers bly in “werklik skokkende” informele nedersettings, wat moontlik bygedra het tot die opstande.
Lonmin sê egter hy het sedert 2012 altesaam 2 684 behuisingseenhede gebou en beplan om nog 11 000 te bou in verskeie inisiatiewe, waarvan sommige plaaslike owerhede betrek.
Die maatskappy het egter wel gewaarsku dat hy die R100 miljoen per jaar wat vir behuising begroot is, kan hersien weens die moeilike ekonomiese omstandighede. Lonmin het einde verlede jaar US$407 miljoen in ’n regte-uitgifte ingesamel om hom aan die gang te hou.
“Die verskaffing van behuising aan ons hele arbeidsmag sal natuurlik tyd neem en sal die samewerking van alle belanghebbendes vereis, veral gegewe die huidige ekonomiese beperkings,” het Lerato Molebatsi, uitvoerende visepresident van Lonmin, in ’n brief aan AI geskryf.
“In die lig hiervan het ons onlangs aangedui dat die voorsiening van R100 miljoen per jaar saam met ons reguleerder heroorweeg kan word.”
In Suid-Afrika moet mynmaatskappye maatskaplike en arbeidsplanne deurvoer om vir mynlisensies te kwalifiseer. “Die regering het Lonmin toegelaat om die wet te verontagsaam, blykbaar sonder enige gevolge,” sê AI.
Die Association of Mineworkers and Construction Union (Amcu) het Maandag in ’n verklaring gesê hy wil weer sy trustfonds om mynwerkers in die Marikana omgewing te ondersteun, op die been bring.
Biskop Jo Seoka, voormalige president van die Suid-Afrikaanse Raad van Kerke wat ’n bemiddelaar was tydens die geweld in 2012, sê baie werkers naby dié myn leef steeds onder haglike omstandighede.
Die fonds, wat oorspronklik in 2014 geskep is met R2 miljoen wat van Amcu af gekom het, gaan nou meer trustees hê en sal bekend staan as die Marikana-slagting Amcu-trustfonds. - Netwerk24/Bloomberg
Kommentaar
Republikein
Geen kommentaar is op hierdie artikel gelaat nie