Amerikaners wil veg sonder Desert Storm

Andrew Poolman – Die coronavirus het 'n lelike streep deur die veergewigbokser Sakaria Lukas se ambisieuse planne getrek, toe sy historiese geveg in middel Maart as die eerste Namibiese vegter ooit in Madison Square Garden in New York in die laaste ure afgestel is.Sy bestemde opponent vir die gedoemde ontmoeting, die gewese wêreldkampioen Jessie Magdaleno van die VSA, se promotors Top Rank berei tans voor om hom terug in die kryt te bring te midde van Amerika se geleidelike heropening van sportgebeure post-Covid-19.Die onoorwonne Namibiër Lukas is egter nie in die nuutste onderhandelinge ter sprake nie, waarskynlik grootliks vanweë die omvattende wêreldwye reisbeperkings om die hoogs aansteeklike virus te bekamp.Vir Magdaleno word tans 'n geveg vir middel Junie gereël, hoewel die reisbeperkings steeds 'n stokkie voor die bevestiging van vele van die beplande kragmetings steek.Die Wêreldboksorganisasie (WBO) se wêreldtitelhouer in die veergewigklas, Shakur Stevenson (VSA), is nog een wat reeds volgende maand na die kryt sal terugkeer indien alles volgens plan verloop.Magdaleno versus Lukas sou in Maart die hoofvoorgeveg van die aand in New York gewees het, in die opbou na Stevenson (29-3, 25 uitklophoue) se titelgeveg teen Miguel Marriaga van Colombia.Ondanks sy 35-jarige leeftyd word Lukas deur sy aanhangers as 'n goed bewaarde geheim in die bokswêreld beskryf. Hy hou die Wêreldboksorganisasie (WBO) se Afrika-titel reeds sedert Junie 2016 en het 'n skoon beroepsrekord van 23 oorwinnings (16 uitklophoue) sonder 'n neerlaag.

Amerikaners wil veg sonder Desert Storm

Kommentaar

Republikein 2025-12-16

Meld asseblief aan om kommentaar te lewer

Amerikaners wil veg sonder Desert Storm

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.