Amerikaners moet ‘diep bekommerd’ wees
John Brennan het Trump gekritiseer oor sy opmerkings ná afloop van sy vergadering met pres. Wladimir Poetin.
Pres. Donald Trump van Amerika het die voormalige hoof van die spioenasiediens (CIA) se sekerheidsklaring opgehef.
Dit beteken John Brennan het nie meer toegang tot sensitiewe inligting nie.
Sarah Sanders, woordvoerder van die Withuis, het ’n verklaring namens Trump voorgelees waarin die redes vir die besluit gemeld word as “wisselvallige gedrag en optrede”, berig die BBC.
Brennan het in reaksie getwiet dit is gedoen in ’n poging om vryheid van spraak te onderdruk en dat alle Amerikaners diep bekommerd moet wees.
Brennan het Trump gekritiseer oor sy opmerkings ná afloop van sy vergadering met pres. Wladimir Poetin van Rusland, toe Trump gesê het hy dink nie Rusland het probeer om met die Amerikaanse presidentsverkiesing in te meng nie. Trump sou later hieroor terugkrabbel.
MOONTLIKE SAMESWERING
Brennan het Trump se stelling as “verraderlik” bestempel.
Brennan het in 2017 aangedui daar is gronde vir ’n ondersoek na moontlike sameswering tussen Trump se verkiesingsveldtog en Rusland.
Baie voormalige amptenare behou hul sekerheidsklaring al werk hulle nie meer vir die regering nie aangesien hulle dikwels as adviseurs optree. Dit kan weggeneem word weens sekerheidsoortredings.
Trump het reeds in Julie begin dreig dat hy ses voormalige wetstoepassers, intelligensie- en nasionale veiligheidshoofde se sekerheidsklaring gaan opskort.
Hy meen hulle gebruik hul toegang om “ongegronde aantygings oor onbehoorlike kontak met Rusland” teen Trump te maak. – Netwerk24
Dit beteken John Brennan het nie meer toegang tot sensitiewe inligting nie.
Sarah Sanders, woordvoerder van die Withuis, het ’n verklaring namens Trump voorgelees waarin die redes vir die besluit gemeld word as “wisselvallige gedrag en optrede”, berig die BBC.
Brennan het in reaksie getwiet dit is gedoen in ’n poging om vryheid van spraak te onderdruk en dat alle Amerikaners diep bekommerd moet wees.
Brennan het Trump gekritiseer oor sy opmerkings ná afloop van sy vergadering met pres. Wladimir Poetin van Rusland, toe Trump gesê het hy dink nie Rusland het probeer om met die Amerikaanse presidentsverkiesing in te meng nie. Trump sou later hieroor terugkrabbel.
MOONTLIKE SAMESWERING
Brennan het Trump se stelling as “verraderlik” bestempel.
Brennan het in 2017 aangedui daar is gronde vir ’n ondersoek na moontlike sameswering tussen Trump se verkiesingsveldtog en Rusland.
Baie voormalige amptenare behou hul sekerheidsklaring al werk hulle nie meer vir die regering nie aangesien hulle dikwels as adviseurs optree. Dit kan weggeneem word weens sekerheidsoortredings.
Trump het reeds in Julie begin dreig dat hy ses voormalige wetstoepassers, intelligensie- en nasionale veiligheidshoofde se sekerheidsklaring gaan opskort.
Hy meen hulle gebruik hul toegang om “ongegronde aantygings oor onbehoorlike kontak met Rusland” teen Trump te maak. – Netwerk24
Kommentaar
Republikein
Geen kommentaar is op hierdie artikel gelaat nie