Alweendo looi opposisie oor Namdia
Die minister van myne en energie het hom gister die gramskap van sommige NV-kollegas op die hals gehaal.
Denver Kisting - Die minister van myne en energie, mnr. Tom Alweendo, het gistermiddag sommige politici as leuenaars bestempel.
Hy het in die Nasionale Vergadering (NV) gesê hy was stomgeslaan toe hy op NBC 'n onderhoud met mnr. Nico Smit sien.
In dié onderhoud eet Smit, 'n leier van die Popular Democratic Movement (PDM), glo bewerings dat Alweendo nie geweet het Namdia, die diamantreus, behoort aan die staat nie, vir soetkoek op.
Smit versoek ook dat pres. Hage Geingob 'n kommissie van ondersoek in die lewe roep om Alweendo se beweerde onkunde te ondersoek.
Smit se aanname is oënskynlik op 'n onlangse berig in The Namibian geskoei.
Alweendo sê dié aantyging is om voor die hand liggende redes absurd.
'n Minister wat nie oor sulke inligting beskik nie, is inderdaad onverantwoordelik, sê Alweendo.
Hy sê Namibië staar verskeie ernstige kwessies in die gesig, wat die wysheid van verkose parlementslede benodig om kiesers te oortuig hulle het geen fout gemaak nie, sê Alweendo.
Hy sê hy vind dit derhalwe ontmoedigend en onaanvaarbaar wanneer leiers ernstige pogings as onbenullig afmaak om korporatiewe bestuur by staatsondernemings toe te pas.
Vanweë die feit dat 'n nasionale verkiesing op hande is, besef hy sommige politici probeer hulself te laat mooi lyk, sê hy.
"Dit is 'n tydperk wanneer politici begin om handel te dryf in versinsels en misleiding. Hulle word immuun teen feite."
Alweendo sê dié optrede ondermyn kiesers.
"Ek glo kiesers verdien beter behandeling deur hul verkose leiers."
Hy het gesê hy hét geweet Namdia behoort aan die regering.
Me. Elma Dienda, ook ’n PDM-leier, het gesê sy het beter van Alweendo verwag.
“Moenie so laag daal nie,” het sy gesê terwyl hy besig was om te praat.
Hy het in die Nasionale Vergadering (NV) gesê hy was stomgeslaan toe hy op NBC 'n onderhoud met mnr. Nico Smit sien.
In dié onderhoud eet Smit, 'n leier van die Popular Democratic Movement (PDM), glo bewerings dat Alweendo nie geweet het Namdia, die diamantreus, behoort aan die staat nie, vir soetkoek op.
Smit versoek ook dat pres. Hage Geingob 'n kommissie van ondersoek in die lewe roep om Alweendo se beweerde onkunde te ondersoek.
Smit se aanname is oënskynlik op 'n onlangse berig in The Namibian geskoei.
Alweendo sê dié aantyging is om voor die hand liggende redes absurd.
'n Minister wat nie oor sulke inligting beskik nie, is inderdaad onverantwoordelik, sê Alweendo.
Hy sê Namibië staar verskeie ernstige kwessies in die gesig, wat die wysheid van verkose parlementslede benodig om kiesers te oortuig hulle het geen fout gemaak nie, sê Alweendo.
Hy sê hy vind dit derhalwe ontmoedigend en onaanvaarbaar wanneer leiers ernstige pogings as onbenullig afmaak om korporatiewe bestuur by staatsondernemings toe te pas.
Vanweë die feit dat 'n nasionale verkiesing op hande is, besef hy sommige politici probeer hulself te laat mooi lyk, sê hy.
"Dit is 'n tydperk wanneer politici begin om handel te dryf in versinsels en misleiding. Hulle word immuun teen feite."
Alweendo sê dié optrede ondermyn kiesers.
"Ek glo kiesers verdien beter behandeling deur hul verkose leiers."
Hy het gesê hy hét geweet Namdia behoort aan die regering.
Me. Elma Dienda, ook ’n PDM-leier, het gesê sy het beter van Alweendo verwag.
“Moenie so laag daal nie,” het sy gesê terwyl hy besig was om te praat.
Kommentaar
Republikein
Geen kommentaar is op hierdie artikel gelaat nie