Alun Wyn kom in Kaapstad aan

Stephen Nell – Alun Wyn Jones, die Britse en Ierse Leeus se oorspronklike toerkaptein, sluit hom Donderdag in Kaapstad by die span aan.Daar is aanvanklik gevrees dat Jones die ganse toetsreeks teen die Springbokke sal misloop weens die skouerbesering wat hy in die opwarmwedstryd teen Japan in Edinburg opgedoen het. Maar die 35-jarige Wallieser het merkwaardig vinnig herstel en kan dalk nog teen Suid-Afrika speel.“Ons is verheug om vir Alun Wyn terug te verwelkom,” sê Warren Gatland, die Leeus se afrigter, in ’n nuusverklaring.“Enigiemand wat Alun Wyn ken, sal nie verras wees dat hy alles in sy vermoë gedoen het om terug te keer nie. Dis merkwaardig as jy in ag neem dis slegs 18 dae sedert hy ons in Edinburg verlaat het.”Jones het Dinsdag nog saam met Wallis se toetsspan geoefen en is ná ’n mediese ondersoek fiks verklaar.“Van wat ek op beeldmateriaal gesien het en uit terugvoering wat ek ontvang het, oefen hy baie hard. Dis ’n groot hupstoot vir die Leeus om ’n speler van sy statuur terug te verwelkom,” sê Gatland.Conor Murray is as toerkaptein aangestel ná Jones se besering en dis nog nie bekend wat Gatland se plan nou met die kapteinskap gaan wees nie.Jones is die wêreldrekordhouer met 157 toetse, waarvan 148 vir Wallis en nege vir die Britse en Ierse Leeus.– Netwerk24FOTOAlun Wyn Jones se leierskap sal vir die Britse en Ierse Leeus van groot waarde wees in Suid-Afrika ná bevestiging dat hy van ’n skouerbesering herstel het en by die span gaan aansluit. Foto Getty Images

Alun Wyn kom in Kaapstad aan

Kommentaar

Republikein 2025-11-05

Meld asseblief aan om kommentaar te lewer

Alun Wyn kom in Kaapstad aan

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.