Almero sing ‘n kragballade
Hy is skaars 20 jaar oud en spog reeds met sy eie kortverhaal, digbundel en twee enkelsnitte, wat almal baie goed ontvang is. Met die vrystelling van sy nuutste treffer, MONOCHROMIE, gaan Almero nie net ’n opskudding veroorsaak in die Suid-Afrikaanse musiekbedryf nie, maar ook vir homself ’n permanente plek in die harte van musiekliefhebbers lossing.
“MONOCHROMIE is wat ek noem ’n kragballade. Dit gaan oor ’n gevoel wat ek glo ons almal ervaar - die soeke na iemand wat ons tuis kan noem. Iemand wat ons nuwe dinge kan leer en laat voel en sien. Dit maak die vergelyking dat hierdie persoon, indien daar so iemand is, jou wêreld sal verkleur in kleure wat jy nie geweet het bestaan nie. Tog is daar ’n smekende aspek in die liedjie, ’n pleit dat hierdie persoon moet bly,” verduidelik hy oor hierdie treffende liedjie wat saam met Ruan Graaf geskryf en deur Nico Welgemoed vervaardig is.
“Ek is iemand wat baie waarde heg aan my huis of woning. Sedert ons in 2015 uit ons ouerhuis getrek het, is ek geneig om die mense om my as my ‘huis’ te sien. Die liedjie vang iets vas waaraan ek gereeld dink, en die musiekaspek van die liedjie is vir my iets besonders. Die donkerte en gewig van die woorde word beklemtoon, maar daar is steeds dele van hoop. Ek dink ons almal is op soek na ’n huis en ek hoop hierdie liedjie kan ’n ‘huis’ word vir mense om in te rus.”
Die aanslag van dié kragtige alternatiewe ballade is poëties en hartroerend en die ritme en melodie vars en meesleurend.
Dit is die perfekte pasmaat vir Almero se unieke stem en storievertellerstyl, wat beslis sal aanklank vind by gehore van alle ouderdomme.
’n Musiekvideo en album word ook vir later vanjaar beplan.
“MONOCHROMIE is wat ek noem ’n kragballade. Dit gaan oor ’n gevoel wat ek glo ons almal ervaar - die soeke na iemand wat ons tuis kan noem. Iemand wat ons nuwe dinge kan leer en laat voel en sien. Dit maak die vergelyking dat hierdie persoon, indien daar so iemand is, jou wêreld sal verkleur in kleure wat jy nie geweet het bestaan nie. Tog is daar ’n smekende aspek in die liedjie, ’n pleit dat hierdie persoon moet bly,” verduidelik hy oor hierdie treffende liedjie wat saam met Ruan Graaf geskryf en deur Nico Welgemoed vervaardig is.
“Ek is iemand wat baie waarde heg aan my huis of woning. Sedert ons in 2015 uit ons ouerhuis getrek het, is ek geneig om die mense om my as my ‘huis’ te sien. Die liedjie vang iets vas waaraan ek gereeld dink, en die musiekaspek van die liedjie is vir my iets besonders. Die donkerte en gewig van die woorde word beklemtoon, maar daar is steeds dele van hoop. Ek dink ons almal is op soek na ’n huis en ek hoop hierdie liedjie kan ’n ‘huis’ word vir mense om in te rus.”
Die aanslag van dié kragtige alternatiewe ballade is poëties en hartroerend en die ritme en melodie vars en meesleurend.
Dit is die perfekte pasmaat vir Almero se unieke stem en storievertellerstyl, wat beslis sal aanklank vind by gehore van alle ouderdomme.
’n Musiekvideo en album word ook vir later vanjaar beplan.
Kommentaar
Republikein
Geen kommentaar is op hierdie artikel gelaat nie