Almero maak Maandag spesiaal
Almero het lank reeds nie meer enige bekendstelling nodig nie.
Vanjaar is sy tweede in die musiekbedryf en sedertdien was daar reeds baie hoogtepunte, waaronder ’n duet saam met Bouwer Bosch, “Nul is nie niks nie”, wat gebruik is as temalied van die jeugfliek met dieselfde naam.
Hy het ook die voorreg gehad om die verhoog met Bouwer by die OppiKoppi-musiekfees in 2017 te deel.
Hy is net 21 jaar oud en spog reeds met sy eie kortverhaal, digbundel en twee enkelsnitte, wat alles baie goed ontvang is.
Met sy mees onlangse kragtige ballade, “Monochromie”, het hy sy plek in die musiekbedryf ingeneem, maar nou het die tyd aangebreek om sy eerste vollengte album, Maandag, bekend te stel.
Saam met die bekendstelling van sy album reik hy ‘n enkelsnit getiteld “Vloedverlief”, in samewerking met Spoegwolf, uit.
“Vloedverlief” is deur Almero en Danie du Toit (van Spoegwolf) geskryf.
Dié liedjie is in Danie se woonstel op Stellenbosch geskryf, saam met drie ander liedjies vir die album.
Beide Almero en Danie wou hê Danie moes op dié lied saamsing.
Danie het ook met die vervaardiging van al vier liedjies gehelp.
“‘Vloedverlief’ is ‘n gesprek tussen twee mense. Die een wil opgee en die ander een wil die wêreld ingaan en vir oorlewing baklei. Albei twyfel, maar die een is bereid om te probeer. Ek en Danie het albei ‘n liefde vir die vloedverhaal en die ark, en dié liedjie spreek daarvan. Ons almal woon soms in arke, maar dit is nie waarvoor ons gemaak is nie. Ons moet die branders in,” vertel Almero oor die besonderse lied.
Die album Maandag het nie ‘n duidelike oorsprong nie, maar Maandag was nog altyd vir Almero ‘n dag met ‘n baie duidelike gevoel en karakter – ‘n begin en ook potensiaal.
Die eerste lied op die album se naam is “Maandagoggend” en die laaste lied is getiteld “Maandagaand”.
“My nuwe album is vir my ontsaglik spesiaal en persoonlik. Elke lied vertel ’n belangrike storie van my lewe en die verhale het my en die mense om my gevorm. Baie van my vriende en familie se stories is ook in die liedjies te vinde,” sê Almero.
Afgesien van Almero en sy broer, Nico Welgemoed, het verskeie musikante met die album se produksie gehelp, wat insluit Bouwer Bosch, Danie du Toit, Ruan Graaff en Peach van Pletzen.
Dit word deur Kanada Records versprei.
Oor sy samewerking met Danie du Toit, van Spoegwolf, sê Almero: “Ek is ‘n baie groot aanhanger van Spoegwolf en van Danie, weens hulle unieke klank en lirieke. Ek het ‘n kans gevat om hom te vra of hy met my album sal wil help. Hy was baie gretig en ons het ‘n week op Stellenbosch saamgewerk. Dit was wonderlik om hom as mens en musikant te leer ken. Sy bydrae tot die album is ongelooflik groot.”
Sing is egter nie Almero se enigste talent nie. Afgesien daarvan dat hy ’n diep denker en slimkop is, wat nog altyd ’n chirurg wou word, is hy ook ’n uitsonderlike skrywer en digter.
Hy is tans besig om sy boek, Donderweer Gedagtes, te bemark en het in 2017 saam met Bouwer Bosch die digbundel Liefde Wen vrygestel.
“Die bundel gaan oor die liefde en al die verskillende vorms daarvan. Mense en hul verhoudings inspireer my. Dit het as ’n digkompetisie begin. Ons het meer as 400 inskrywings ontvang en het ons gunstelinge gekies om deel van die bundel te wees,” sê hy.
Vanjaar is sy tweede in die musiekbedryf en sedertdien was daar reeds baie hoogtepunte, waaronder ’n duet saam met Bouwer Bosch, “Nul is nie niks nie”, wat gebruik is as temalied van die jeugfliek met dieselfde naam.
Hy het ook die voorreg gehad om die verhoog met Bouwer by die OppiKoppi-musiekfees in 2017 te deel.
Hy is net 21 jaar oud en spog reeds met sy eie kortverhaal, digbundel en twee enkelsnitte, wat alles baie goed ontvang is.
Met sy mees onlangse kragtige ballade, “Monochromie”, het hy sy plek in die musiekbedryf ingeneem, maar nou het die tyd aangebreek om sy eerste vollengte album, Maandag, bekend te stel.
Saam met die bekendstelling van sy album reik hy ‘n enkelsnit getiteld “Vloedverlief”, in samewerking met Spoegwolf, uit.
“Vloedverlief” is deur Almero en Danie du Toit (van Spoegwolf) geskryf.
Dié liedjie is in Danie se woonstel op Stellenbosch geskryf, saam met drie ander liedjies vir die album.
Beide Almero en Danie wou hê Danie moes op dié lied saamsing.
Danie het ook met die vervaardiging van al vier liedjies gehelp.
“‘Vloedverlief’ is ‘n gesprek tussen twee mense. Die een wil opgee en die ander een wil die wêreld ingaan en vir oorlewing baklei. Albei twyfel, maar die een is bereid om te probeer. Ek en Danie het albei ‘n liefde vir die vloedverhaal en die ark, en dié liedjie spreek daarvan. Ons almal woon soms in arke, maar dit is nie waarvoor ons gemaak is nie. Ons moet die branders in,” vertel Almero oor die besonderse lied.
Die album Maandag het nie ‘n duidelike oorsprong nie, maar Maandag was nog altyd vir Almero ‘n dag met ‘n baie duidelike gevoel en karakter – ‘n begin en ook potensiaal.
Die eerste lied op die album se naam is “Maandagoggend” en die laaste lied is getiteld “Maandagaand”.
“My nuwe album is vir my ontsaglik spesiaal en persoonlik. Elke lied vertel ’n belangrike storie van my lewe en die verhale het my en die mense om my gevorm. Baie van my vriende en familie se stories is ook in die liedjies te vinde,” sê Almero.
Afgesien van Almero en sy broer, Nico Welgemoed, het verskeie musikante met die album se produksie gehelp, wat insluit Bouwer Bosch, Danie du Toit, Ruan Graaff en Peach van Pletzen.
Dit word deur Kanada Records versprei.
Oor sy samewerking met Danie du Toit, van Spoegwolf, sê Almero: “Ek is ‘n baie groot aanhanger van Spoegwolf en van Danie, weens hulle unieke klank en lirieke. Ek het ‘n kans gevat om hom te vra of hy met my album sal wil help. Hy was baie gretig en ons het ‘n week op Stellenbosch saamgewerk. Dit was wonderlik om hom as mens en musikant te leer ken. Sy bydrae tot die album is ongelooflik groot.”
Sing is egter nie Almero se enigste talent nie. Afgesien daarvan dat hy ’n diep denker en slimkop is, wat nog altyd ’n chirurg wou word, is hy ook ’n uitsonderlike skrywer en digter.
Hy is tans besig om sy boek, Donderweer Gedagtes, te bemark en het in 2017 saam met Bouwer Bosch die digbundel Liefde Wen vrygestel.
“Die bundel gaan oor die liefde en al die verskillende vorms daarvan. Mense en hul verhoudings inspireer my. Dit het as ’n digkompetisie begin. Ons het meer as 400 inskrywings ontvang en het ons gunstelinge gekies om deel van die bundel te wees,” sê hy.
Kommentaar
Republikein
Geen kommentaar is op hierdie artikel gelaat nie