‘Almal is veilig’
Slegs noodoperasies word tans by die Lady Pohamba Private Hospitaal in Windhoek gedoen.
Henriette Lamprecht – “Almal is rustig en pasiënte en personeel is veilig.”
Dit was gister die versekering van me. Hannelie Botha, die Lady Pohamba Private Hospitaal se algemene bestuurder, nadat 34 personeellede by dié hospitaal in Windhoek positief vir Covid-19 getoets het.
Volgens Botha is besluit om alle personeel en ook dokters te laat toets wat van die hospitaal se geriewe gebruik maak, nadat ’n verpleegster in een van die sale positief vir Covid-19 getoets het.
“Ek het besef die personeel in die saal voel onveilig en besluit om almal te laat toets in ’n poging om hulle sekuriteit te gee. Ek kon die verskil sien wat dit aan hulle gemoedere gedoen het.”
Volgens Botha deel die verpleegsters van die betrokke saal onder meer kantiengeriewe met ander personeel en sy het besef die probleem kan groter wees as net een verpleegster in een saal wat positief getoets het.
Sy het gevolglik besluit om van die skoonmakers tot die kombuispersoneel en ook “almal van buite” te laat toets. Tydens dié toetsing het 34 personeellede positief getoets.
’n Beroep is ook op dokters, wat by die hospitaal betrokke is, gedoen om hulle ook te laat toets.
“Dit help nie ek weet van die personeel wat siek is nie, maar weet nie of van die dokters wat die hospitaal gebruik dalk ook siek is nie.” Die hospitaal se bestuurspan is ook getoets.
’n Besluit is geneem om net noodoperasies uit te voer en tydelik alle elektiewe prosedures te staak.
“Alle vooraf bespreekte prosedures is gestop en ons sal die situasie verder hanteer soos dit ontvou.”
Volgens Botha het die hospitaal nou bietjie meer steun van personeel wat by die teaters betrokke sou wees en wat kan instaan vir verpleegsters wat tans as gevolg van Covid-19 tuis is.
Personeel wat positief getoets het, het ook elk ’n spesiale vitamienepakkie ontvang, terwyl ’n berader elke Woensdag via Zoom berading verskaf.
“Almal is heeltemal rustig, die personeel voel veilig en dit is die belangrikste, hulle is kosbaar.”
Botha erken “haar hart het in haar skoene gesak” toe sy die nuus hoor dat soveel van die personeel positief vir Covid-19 getoets het.
“Ons leer egter baie en is aanpasbaar. Dit is belangrik om ’n persoon wat siek voel onmiddellik te onttrek en huis toe te stuur.“
Intussen het ’n spesialis in die hoofstad gesê die algemene gevoel in sy beroep is dat dokters verkies om “voort te gaan soos normaal” as hulle siek is en hulself tuis behandel, eerder as om moontlik vir weke uit die stroom te wees. Dit, na aanleiding van die ministerie van gesondheid en maatskaplike dienste se riglyne wanneer iemand positief vir Covid-19 toets eers ná ’n negatiewe toets ontslaan kan word. Die persoon moet tien dae in isolasie bly en word op dag sewe getoets. Slegs as die toets negatief is, kan die persoon weer na sy of haar werk terugkeer.
Die minister van gesondheid en maatskaplike dienste, dr. Kalumbi Shangula, het by navraag bevestig ’n persoon in isolasie word op die tiende dag getoets en dan ná slegs een toets ontslaan. In die geval van kwarantyn word die persoon op die sewende dag getoets. As die toets positief is, word die persoon in isolasie opgeneem. As die toets negatief is, word die persoon ontslaan.
Die Wêreldgesondheidsorganisasie (WHO) het aanvanklik bepaal ’n persoon kan uit isolasie ontslaan word ná twee negatiewe toetse 24 uur uitmekaar. Dié riglyne is ook eers deur die ministerie gevolg, maar is later tot die huidige protokol gewysig.
Volgens die WHO se opgedateerde kriteria vir wanneer ’n persoon uit isolasie ontslaan kan word, kan pasiënte wat nie meer simptome toon nie, steeds vir weke daarna positief vir die virus toets. Ten spyte van die positiewe uitslag kan dié pasiënte egter nie meer ander aansteek of die virus aan iemand anders oordra nie.
Die huidige WHO-kriteria bepaal die persoon hoef nie weer getoets te word nie, maar die onus rus op lande om self te besluit of dit deel van hul riglyne is. Vir simptomatiese pasiënte is die standaard tien dae nadat die persoon simptome begin toon het, plus ten minste drie bykomende dae sonder simptome (ingesluit koors en asemhalingsprobleme). Vir asimptomatiese gevalle kan die persoon tien dae ná ’n positiewe toets uit isolasie ontslaan word. – [email protected]
Dit was gister die versekering van me. Hannelie Botha, die Lady Pohamba Private Hospitaal se algemene bestuurder, nadat 34 personeellede by dié hospitaal in Windhoek positief vir Covid-19 getoets het.
Volgens Botha is besluit om alle personeel en ook dokters te laat toets wat van die hospitaal se geriewe gebruik maak, nadat ’n verpleegster in een van die sale positief vir Covid-19 getoets het.
“Ek het besef die personeel in die saal voel onveilig en besluit om almal te laat toets in ’n poging om hulle sekuriteit te gee. Ek kon die verskil sien wat dit aan hulle gemoedere gedoen het.”
Volgens Botha deel die verpleegsters van die betrokke saal onder meer kantiengeriewe met ander personeel en sy het besef die probleem kan groter wees as net een verpleegster in een saal wat positief getoets het.
Sy het gevolglik besluit om van die skoonmakers tot die kombuispersoneel en ook “almal van buite” te laat toets. Tydens dié toetsing het 34 personeellede positief getoets.
’n Beroep is ook op dokters, wat by die hospitaal betrokke is, gedoen om hulle ook te laat toets.
“Dit help nie ek weet van die personeel wat siek is nie, maar weet nie of van die dokters wat die hospitaal gebruik dalk ook siek is nie.” Die hospitaal se bestuurspan is ook getoets.
’n Besluit is geneem om net noodoperasies uit te voer en tydelik alle elektiewe prosedures te staak.
“Alle vooraf bespreekte prosedures is gestop en ons sal die situasie verder hanteer soos dit ontvou.”
Volgens Botha het die hospitaal nou bietjie meer steun van personeel wat by die teaters betrokke sou wees en wat kan instaan vir verpleegsters wat tans as gevolg van Covid-19 tuis is.
Personeel wat positief getoets het, het ook elk ’n spesiale vitamienepakkie ontvang, terwyl ’n berader elke Woensdag via Zoom berading verskaf.
“Almal is heeltemal rustig, die personeel voel veilig en dit is die belangrikste, hulle is kosbaar.”
Botha erken “haar hart het in haar skoene gesak” toe sy die nuus hoor dat soveel van die personeel positief vir Covid-19 getoets het.
“Ons leer egter baie en is aanpasbaar. Dit is belangrik om ’n persoon wat siek voel onmiddellik te onttrek en huis toe te stuur.“
Intussen het ’n spesialis in die hoofstad gesê die algemene gevoel in sy beroep is dat dokters verkies om “voort te gaan soos normaal” as hulle siek is en hulself tuis behandel, eerder as om moontlik vir weke uit die stroom te wees. Dit, na aanleiding van die ministerie van gesondheid en maatskaplike dienste se riglyne wanneer iemand positief vir Covid-19 toets eers ná ’n negatiewe toets ontslaan kan word. Die persoon moet tien dae in isolasie bly en word op dag sewe getoets. Slegs as die toets negatief is, kan die persoon weer na sy of haar werk terugkeer.
Die minister van gesondheid en maatskaplike dienste, dr. Kalumbi Shangula, het by navraag bevestig ’n persoon in isolasie word op die tiende dag getoets en dan ná slegs een toets ontslaan. In die geval van kwarantyn word die persoon op die sewende dag getoets. As die toets positief is, word die persoon in isolasie opgeneem. As die toets negatief is, word die persoon ontslaan.
Die Wêreldgesondheidsorganisasie (WHO) het aanvanklik bepaal ’n persoon kan uit isolasie ontslaan word ná twee negatiewe toetse 24 uur uitmekaar. Dié riglyne is ook eers deur die ministerie gevolg, maar is later tot die huidige protokol gewysig.
Volgens die WHO se opgedateerde kriteria vir wanneer ’n persoon uit isolasie ontslaan kan word, kan pasiënte wat nie meer simptome toon nie, steeds vir weke daarna positief vir die virus toets. Ten spyte van die positiewe uitslag kan dié pasiënte egter nie meer ander aansteek of die virus aan iemand anders oordra nie.
Die huidige WHO-kriteria bepaal die persoon hoef nie weer getoets te word nie, maar die onus rus op lande om self te besluit of dit deel van hul riglyne is. Vir simptomatiese pasiënte is die standaard tien dae nadat die persoon simptome begin toon het, plus ten minste drie bykomende dae sonder simptome (ingesluit koors en asemhalingsprobleme). Vir asimptomatiese gevalle kan die persoon tien dae ná ’n positiewe toets uit isolasie ontslaan word. – [email protected]
Kommentaar
Republikein
Geen kommentaar is op hierdie artikel gelaat nie