Allister se brood alkant gebotter
Rugby
Andrew Poolman – Die Namibië Rugby-unie (NRU) is sommer baie meer toegeeflik in die bepalings vervat in Allister Coetzee se kontrak om die afrigter tot ná die 2023 Wêreldbeker te wees, as wat met sy voorganger Johan Diergaardt die geval was.
Soos die NRU-president mnr. Corrie Mensah in gister se berig verduidelik het, word Coetzee toegelaat om terselfdertyd hoofafrigter van Namibië te wees, terwyl hy tussendeur ook aan die stuur van die Italiaanse klub Rovigo voortgaan.
Diergaardt het egter gister teruggekap na die verwysing dat die voormalige Springbokafrigter se werksbepalings “nie wesenlik verskil” van sy voorgangers Diergaardt (2020) of Phil Davies (2015-2019) nie.
“Daar is 'n baie ooglopende verskil. Ek is nie toegelaat om by die Universiteit van Namibië as afrigter of selfs konsultant voort te gaan nie; ek moes daar bedank en moes elke weekdag ses ure op kantoor wees.
“Toe ek oefensessies misgeloop het om 'n knievervangingsoperasie te ondergaan, het hulle onbetaalde verlof afgetrek en net 25 persent van my salaris uitbetaal,” sê Diergaardt, wat in Desember 2020 as nasionale afrigter bedank het.
“Wat salarisse betref, is dit nie eens vergelykbaar nie. Ek daag hulle uit om die teendeel te bewys.
“Hulle het my probeer boelie en dis hoekom ek geloop het. Dis die tendens, hoe al ons plaaslike afrigters behandel word.
“My kamtige kontrak is nooit gefinaliseer nie; net belowe en elke keer uitgestel.” – [email protected]
Soos die NRU-president mnr. Corrie Mensah in gister se berig verduidelik het, word Coetzee toegelaat om terselfdertyd hoofafrigter van Namibië te wees, terwyl hy tussendeur ook aan die stuur van die Italiaanse klub Rovigo voortgaan.
Diergaardt het egter gister teruggekap na die verwysing dat die voormalige Springbokafrigter se werksbepalings “nie wesenlik verskil” van sy voorgangers Diergaardt (2020) of Phil Davies (2015-2019) nie.
“Daar is 'n baie ooglopende verskil. Ek is nie toegelaat om by die Universiteit van Namibië as afrigter of selfs konsultant voort te gaan nie; ek moes daar bedank en moes elke weekdag ses ure op kantoor wees.
“Toe ek oefensessies misgeloop het om 'n knievervangingsoperasie te ondergaan, het hulle onbetaalde verlof afgetrek en net 25 persent van my salaris uitbetaal,” sê Diergaardt, wat in Desember 2020 as nasionale afrigter bedank het.
“Wat salarisse betref, is dit nie eens vergelykbaar nie. Ek daag hulle uit om die teendeel te bewys.
“Hulle het my probeer boelie en dis hoekom ek geloop het. Dis die tendens, hoe al ons plaaslike afrigters behandel word.
“My kamtige kontrak is nooit gefinaliseer nie; net belowe en elke keer uitgestel.” – [email protected]
Kommentaar
Republikein
Geen kommentaar is op hierdie artikel gelaat nie