Alle paaie lei na Grootfontein

Volgens die Grootfontein-munisipaliteit se woordvoerder, mnr. Luke Salomo, gaan die hoeveelheid verkeer in en deur die dorp binne 'n jaar of twee aansienlik toeneem weens die strategiese ligging van die dorp.“Ons dorp het vier ingange – van Rundu, Otavi, Tsumeb en ook Gobabis,” sê hy. Juis daarom kan Grootfontein nou die middelpunt van die streek word. Een ontwikkeling wat volgens hom reeds dié doelwit ondersteun, is die padbouwerke wat tans deur China Henan International Cooperation Group aan die TR14/1 of DR2830 tussen Gobabis en Grootfontein gedoen word.Die maatskappy het op 30 Augustus 'n kennisgewing uitgereik waarin versoek word dat swaarvragmotors alternatiewe roetes gebruik eerder as dié pad wat in die toekoms die hoofskakel tussen Grootfontein en Gobabis sal wees.Op die dorp self is 'n nuwe sirkel onlangs langs die munisipale hoofkantoor gebou om voorsiening te maak vir die verwagte toename in verkeer.“Die dorpsraad se beleid is ook om elke jaar 2 km te teer totdat ons die hele lokasie se paaie geteer het,” aldus Salomo. Skuld'n Groot probleem waarmee die dorp worstel is die sowat N$77 miljoen wat inwoners aan die dorpsraad skuld. “Dié geld is nodig om die dorp te ontwikkel, die rioolstelsel en slaggate reg te maak, straatligte op sit en geboue te verf.”Intussen wag die munisipaliteit op betalings van N$150 000 van besighede in die SME Park, N$4,5 miljoen van die meer as 280 begunstigdes van die Build Together-behuisingskema op die dorp, N$2,7 miljoen van inwoners van die enkelkwartiere en N$5,6 miljoen van die inwoners van Blikkiesdorp. Volgens Salomo is baie van die skuld geërf en die munisipaliteit vind dit moeilik om af te skryf. Ander uitstaande bedrae is van regeringsgeboue en kantore, insluitend skole, klinieke en die militêre basis op die dorp wat nie rekeninge betyds betaal nie. Die sakegemeenskap en die belastingbetalers in die dorp is ook skuldig, sê hy.“Dit belemmer die munisipaliteit en ons kry nie 'n subsidie van die regering nie. Ons het ons eie inkomste nodig, al maak ons nie wins nie. Daar is ook 'n reël dat ons nie huise kan opveil om skuld te delg nie,” sê hy. Salomo het 'n beroep op inwoners van Grootfontein gedoen om die munisipaliteit te besoek as daar probleme is om betalingsreëlings te tref. “Elke saak is uniek. Kom verduidelik, en ons maak 'n spesiale reëling. Ons gaan die ekstra myl om diens te lewer. Die kliënt sal van ons dienslewering kry,” het hy onderneem.Hy het ook 'n beroep op inwoners van Blikkiesdorp gedoen om die munisipaliteit te nader om 'n kontrak aan te gaan oor eienaarskap van die grond waarop hulle bly. “Ons wil graag die gebied formaliseer,” sê hy. BehuisingVerskeie pogings is aan die gang om genoeg behuising aan die dorp se groeiende bevolking te voorsien. Amptelik het Grootfontein sowat 27 000 inwoners, maar dié syfer verander daagliks, aldus Salomo.Die minister van stedelike en landelike ontwikkeling, me. Sophia Shaningwa, se spesiale projek vir die massadiens van grond gaan op die dorp voort, terwyl beide die Build Together-program en die Shack Dwellers Federation (SDFN) mense help om hul eie huise te bou.Nóg 'n ontwikkeling word deur Tulaing Construction voortgesit wat tans meer as 'n duisend huise op die dorp bou.

Alle paaie lei na Grootfontein

Kommentaar

Republikein 2025-06-19

Meld asseblief aan om kommentaar te lewer

Alle paaie lei na Grootfontein

Kommentaar

Republikein 2025-06-19

Meld asseblief aan om kommentaar te lewer

MELD AAN

Advertensie