Albie bedank, stel familie eerste
Krieket
Andrew Poolman
Dis met hartseer en teleurstelling dat Krieket Namibië afskeid neem van Albie Morkel, wat die afgelope drie jaar as hulpafrigter van Pierre de Bruyn ’n integrale lid van die suksesvolle afrigterspan van die nasionale manspan die Eagles was.
So het Krieket Namibië se uitvoerende hoof, mnr. Johan Muller, Dinsdag aan die koerant bevestig.
Morkel (40) was 37 jaar oud toe hy in Januarie 2019 op dieselfde dag sy uittrede as speler aangekondig het en as hulpafrigter van Namibië bekend gestel is.
Die Namibiese Eagles het met lof gepraat van sy insette voor en tydens hul welslae om vir die afgelope T20 Wêreldbeker in die Emirate te kwalifiseer en boonop tot die Super-12-fase deur te dring.
Die voormalige Proteas- en Titans-kolwer het gister aan Republikein gesê: “Ek het voor die Wêreldbeker reeds bedank. Dit sou altyd my laaste toernooi gewees het.
“Die besluit was maar gedryf deur die hoeveelheid tyd wat ek weg van die huis af spandeer het. Ek het ’n jong familie, my seun word nou 12 en my dogter is 10, hulle het my nodig, so lang toere weg van die huis af, is nie iets wat ek meer wil doen nie.
“Ek het ook gevoel dat ek drie goeie jare saam met die span gehad het en dat dit tyd is vir iemand anders om ’n verskil te kom maak.
“Ek het regtig my tyd verskriklik geniet. Om te sien hoe die spelers ontwikkel het op en van die veld af, maak my baie trots. Ek het ook baie goeie vriende gemaak wat ek hoop om in die toekoms weer te sien.
“Die span is op ’n goeie plek en ek hoop dat die ontwikkeling van die sport hierdie platform kan gebruik om van krag tot krag te gaan.”
Muller sê: “Albie was in menige situasies ’n spilpunt wat tot die Eagles se sukses bygedra het.
“Ons het begrip vir die gesinsbesluit wat hy geneem het. Die tydsduur in bio-borrels waarin mens nie toegang tot die kinders het nie, pas nie sy styl van ’n gesinslewe nie en hy het ook ander sakebelange. Veral die vooruitsig van die Eagles se program van nou tot die tweede helfte van volgende jaar is redelik besig.
“Krieket Namibië spreek sy dank uit vir Albie se hulp, die werk wat hy verrig het, die insig en kennis wat hy in ons krieketspelers ingeploeg het. Ons glo dat sy toekoms met Namibiese krieket nog nie afgehandel is nie en hoewel hy uit die voltydse posisie getree het, sal ons graag by ad hoc geleenthede weer op sy knoppie druk. Ons gun hom die besluit, want ons weet hoeveel hy opgeoffer het om by ons betrokke te wees.”
Gerhard Erasmus, die nasionale kaptein, sê: "Albie was die neutralizer van die span. Hy het al die toutjies bymekaar getrek om ons in 'n goeie plek te sit en soos kampioene te laat voel – of dit nou by die nette of by die hotel was, hy het sy rol altyd briljant vertolk." - [email protected]
Dis met hartseer en teleurstelling dat Krieket Namibië afskeid neem van Albie Morkel, wat die afgelope drie jaar as hulpafrigter van Pierre de Bruyn ’n integrale lid van die suksesvolle afrigterspan van die nasionale manspan die Eagles was.
So het Krieket Namibië se uitvoerende hoof, mnr. Johan Muller, Dinsdag aan die koerant bevestig.
Morkel (40) was 37 jaar oud toe hy in Januarie 2019 op dieselfde dag sy uittrede as speler aangekondig het en as hulpafrigter van Namibië bekend gestel is.
Die Namibiese Eagles het met lof gepraat van sy insette voor en tydens hul welslae om vir die afgelope T20 Wêreldbeker in die Emirate te kwalifiseer en boonop tot die Super-12-fase deur te dring.
Die voormalige Proteas- en Titans-kolwer het gister aan Republikein gesê: “Ek het voor die Wêreldbeker reeds bedank. Dit sou altyd my laaste toernooi gewees het.
“Die besluit was maar gedryf deur die hoeveelheid tyd wat ek weg van die huis af spandeer het. Ek het ’n jong familie, my seun word nou 12 en my dogter is 10, hulle het my nodig, so lang toere weg van die huis af, is nie iets wat ek meer wil doen nie.
“Ek het ook gevoel dat ek drie goeie jare saam met die span gehad het en dat dit tyd is vir iemand anders om ’n verskil te kom maak.
“Ek het regtig my tyd verskriklik geniet. Om te sien hoe die spelers ontwikkel het op en van die veld af, maak my baie trots. Ek het ook baie goeie vriende gemaak wat ek hoop om in die toekoms weer te sien.
“Die span is op ’n goeie plek en ek hoop dat die ontwikkeling van die sport hierdie platform kan gebruik om van krag tot krag te gaan.”
Muller sê: “Albie was in menige situasies ’n spilpunt wat tot die Eagles se sukses bygedra het.
“Ons het begrip vir die gesinsbesluit wat hy geneem het. Die tydsduur in bio-borrels waarin mens nie toegang tot die kinders het nie, pas nie sy styl van ’n gesinslewe nie en hy het ook ander sakebelange. Veral die vooruitsig van die Eagles se program van nou tot die tweede helfte van volgende jaar is redelik besig.
“Krieket Namibië spreek sy dank uit vir Albie se hulp, die werk wat hy verrig het, die insig en kennis wat hy in ons krieketspelers ingeploeg het. Ons glo dat sy toekoms met Namibiese krieket nog nie afgehandel is nie en hoewel hy uit die voltydse posisie getree het, sal ons graag by ad hoc geleenthede weer op sy knoppie druk. Ons gun hom die besluit, want ons weet hoeveel hy opgeoffer het om by ons betrokke te wees.”
Gerhard Erasmus, die nasionale kaptein, sê: "Albie was die neutralizer van die span. Hy het al die toutjies bymekaar getrek om ons in 'n goeie plek te sit en soos kampioene te laat voel – of dit nou by die nette of by die hotel was, hy het sy rol altyd briljant vertolk." - [email protected]
Kommentaar
Republikein
Geen kommentaar is op hierdie artikel gelaat nie