Alan nie bang vir Amupanda

Covid-19 die enigste hindernis, sê vereniging

21 July 2021 | Regering
Tuyeimo Haidula op Oshakati – Die Vereniging van Plaaslike Owerhede in Namibië (Alan) sê sy verkiesingskongres, wat oorspronklik twee weke gelede sou plaasvind, is weens Covid-19 uitgestel en nie uit vrees dat dr. Job Amupanda, die burgemeester van Windhoek, as president verkies kan word nie.

Daar is sprake dat dit die plan is om Amupanda in dié topposisie te kry ná die opposisie se indrukwekkende vertoning in verlede jaar se plaaslike owerheidsverkiesings – iets waar­teen die regerende party, Swapo, glo gekant is.

Die posisie van die presidentskap het vakant geword toe me. Katrina Shimbulu se ampstermyn in Mei vanjaar tot 'n einde geloop het. Sy is verkies tydens die laaste kongres wat in 2016 op Oshakati gehou is.

Amupanda, die Affirmative Repositioning (AR) se leier, beskou glo die Alan-presidentskap as 'n manier om sy politieke ambisies voor die algemene verkiesing in 2024 te konsolideer.

Daar is egter bronne wat aanvoer dié proses word opsetlik vertraag. Dít met die hoop dat Amupanda se kans om as president oor te neem, skraler sal wees as hy nie tydens vanjaar se binneraad-midtermynverkiesings, wat gewoonlik jaarliks in November plaasvind, as burgemeester van Windhoek herkies word nie.

“Windhoek het hulle (Alan) gevra om 'n virtuele kongres te reël, maar ek dink Swapo is bang dat (Amupanda) as Alan se president benoem sal word,” het 'n ingeligte bron aan ons susterkoerant Namibian Sun gesê.

Verskeie opposisie-burgemeesters het glo aangedui hulle gaan Amupanda vir die pos benoem.

Die administratiewe hoof van Alan, me. Maureen Kambala, het bevestig die kongres is uitgestel, maar het vinnig wal gegooi teen bewerings dat Swapo iets daarmee te doen het.



ONGEKWALIFISEERD

Kambala het gesê Amupanda sal in elk geval nie vir die pos kwalifiseer nie, want vir iemand om as president of adjunk benoem te word, moes hulle ten minste as raadslid van die vereniging gedien het.

“As ons nie lede gehad het wat op die raad gedien het nie, sou die benoemingsproses wyer wees, maar vir eers het ons mense wat beter gekwalifiseerd is,” het sy gesê.

Amupanda was huiwerig om kommentaar oor die kwessie te lewer, maar het wel gesê Alan het 'n “grondwetlike probleem wat reggestel moet word”.

Die kongres moes van 6 tot 8 Julie plaasvind, maar is tot verdere kennisgewing uitgestel. Volgens Kambala is dít as gevolg van die Covid-19-regulasies wat openbare byeenkomste tot tien persone beperk.

Die Namibiese Vereniging van Plaaslike Owerhede (Nalao), sowel as Alan-amptenare kies afgevaardigdes van die kongres uit die land se 57 plaaslike owerhede.

Kambala het gesê wat die statute betref, bied die kongres twee sittings aan, naamlik die openbare en die geslote sitting, wat hoofsaaklik die geouditeerde finansiële state, die begroting en die strategiese plan, en veral die verkiesing van die president en adjunkpresident goedkeur.

Die geslote sitting ondersteun ook die streekverteenwoordigers wat vir 'n ampstermyn van vyf jaar op die raad van direkteure dien.

Sy het gesê daar word duidelik bepaal dat die verkiesing van die president en adjunk per kongres moet wees, en hiervoor is 73 afgevaardigdes van plaaslike owerhede nodig.



VIRTUELE KONGRES WORD ­OORWEEG

“Weens die Covid-19-situasie en regulasies in Namibië, het Alan alle plaaslike owerhede aangesê om 'n lid met stemreg te identifiseer en aan Alan se sekretariaat voor te lê. In dié verband het ons ook die streke versoek om hul verteenwoordigers te ontmoet en te kies, insluitend die benoeming van kandidate vir president en adjunkpresident, onderhewig aan die kwalifikasiekriteria,” het Kambala verduidelik.

Sodra hulle die besonderhede van die stemgeregtigde lede, streekverteenwoordigers en benoemings van president en adjunkpresident ontvang het, sal die datum van en die manier waarop die vyfjaarlikse kongres gehou moet word, gekommunikeer word, het sy bygevoeg.

Kambala het verduidelik dat hulle 'n virtuele kongres oorweeg, maar het gesê dit sal 'n uitdaging wees aangesien sommige plaaslike owerhede tegniese probleme sal ondervind.

“Alan het die alternatiewe opsies om die kongres te hou ondersoek, waarvan die enigste lewensvatbare opsie virtueel kan wees. Ons moet egter die realiteit van plaaslike owerhede se vermoë in ag neem om tegnologieë aan te vra om effektief op sulke platforms aan te sluit.

“Alan sal – as verteenwoordiger van plaaslike owerhede – mettertyd praktiese opsies aankondig om die kongres te hou,” het sy gesê.

[email protected]

Soortgelyk

 

Hengari at the forefront of the youth agenda

2 ure gelede | Skole

Rivaldo Kavanga Hailing from Okakarara in the Otjozondjupa Region, Inna Koviao-Vetarere Hengari (25) is Namibia’s youngest elected parliamentarian. She currently leads the youth agenda...

For the love of reading

2 ure gelede | Onderwys

The Presidential Advisor on Youth Matters and Enterprise Development, Daisry Mathias, joined learners at Fidel Castro Primary School to mark 2021 National Readathon Week. Mathias...

New education act, regulations in final stages

2 ure gelede | Onderwys

Iréne-Mari van der Walt The regulations adjacent to the new education act are in their final stages, according to the education inspector for...

Let’s talk about it

2 ure gelede | Skole

Monique Adams On Thursday, 2 September, the Office of the First Lady and One Economy Foundation facilitated an intergenerational dialogue with young people.This dialogue looked...

Jong skoonheid met 'n hart van goud

2 ure gelede | Skole

Mariselle Stofberg – Vir Chanique (Chani) Rabe wat onlangs as die nuwe Mej. Supranasionaal 2021 aangewys is, is haar passie vir jeug- en gemeenskapsontwikkeling ’n...

Windhoek Hospitality and Culinary College introduces new programme

2 ure gelede | Onderwys

Desiree Gases The Windhoek Hospitality and Culinary College (WHCC) is introducing Namibia Training Authority’s (NTA) level two housekeeping, laundry and front office programme with an...

Following in my father’s footsteps

2 ure gelede | Skole

Amalia Cloete I am currently studying at the International Training College Lingua. I am doing an honours degree in human resource (HR) management, and this...

Pupkewitz Megabuild launches 2022 graduate programme

2 ure gelede | Onderwys

Wetumwene Shikage The Pupkewitz Megabuild Graduate Programme initiative is aimed at supporting newly graduated students to gain work experience, which will serve as an additional...

Rundu in die donker

8 ure gelede | Energie

Inwoners van Rundu is sedert 10:00 vanoggend sonder krag. Volgens NamPower se areabestuurder vir die noordelike streek, mnr. Petrus Immanuel, is dit weens tegniese...