Al styg goudprys, is 2018 nie ’n ‘wenjaar’
Verskeie faktore laat beleggers na die goue metaal as sogenaamde veilige hawe gryp.
Hanlie Stadler – Die goudprys gaan 2018 dalk op ’n styglopie afsluit danksy die skerp daling in aandeelpryse, die sluiting van die Amerikaanse federale regering en kommer oor die vooruitsigte vir die wêreldekonomie in 2019.
Dis alles faktore wat beleggers laat gryp na die goue metaal as sogenaamde veilige hawe.
Die edelmetaal se prys het Woensdag die hoogste vlak in ses maande, $1 274,82 per fynons, gehaal.
Dis egter steeds nagenoeg 2,3% goedkoper as begin 2018, wat beteken die kans is skraal dat kopers van goud vanjaar gaan gelykbreek op hul belegging.
Die goudprys het in 2016 en 2017 skerp gestyg, met onderskeidelik 9,3% en 13,5%, maar dit het gevolg op drie agtereenvolgende jare waarin die prys skerp gedaal het. In 2013 het die goudprys met 28% gedaal, in 2014 met 1,4% en in 2015 met 10%.
Die afgelope vyf jaar het goud slegs 5% duurder geword. Dis die totale styging vir die hele vyf jaar, nie ’n jaargemiddelde nie. – Netwerk24
Dis alles faktore wat beleggers laat gryp na die goue metaal as sogenaamde veilige hawe.
Die edelmetaal se prys het Woensdag die hoogste vlak in ses maande, $1 274,82 per fynons, gehaal.
Dis egter steeds nagenoeg 2,3% goedkoper as begin 2018, wat beteken die kans is skraal dat kopers van goud vanjaar gaan gelykbreek op hul belegging.
Die goudprys het in 2016 en 2017 skerp gestyg, met onderskeidelik 9,3% en 13,5%, maar dit het gevolg op drie agtereenvolgende jare waarin die prys skerp gedaal het. In 2013 het die goudprys met 28% gedaal, in 2014 met 1,4% en in 2015 met 10%.
Die afgelope vyf jaar het goud slegs 5% duurder geword. Dis die totale styging vir die hele vyf jaar, nie ’n jaargemiddelde nie. – Netwerk24
Kommentaar
Republikein
Geen kommentaar is op hierdie artikel gelaat nie