Air Namibia: Slegs 16 vlugte per week na SA
Ronelle Rademeyer - Air Namibia het gisteroggend aangekondig hy skaal sy streekvlugte drasties af.
Passasiers wat dringend in Johannesburg moet kom, of van daar af huis toe terugkeer, het een vlugmoontlikheid per dag.
Dit is die vlug wat 17:50 van die Internasionale Lughawe Hosea Kutako af vertrek en later die aand terugkeer. Dit beteken twee derdes van vlugte op dié roete is opgeskort.
Wat Kaapstad betref, sal daar Maandae, Woensdae, Vrydae en Sondae vlugte via Walvisbaai wees. Direkte vlugte tussen Windhoek en Kaapstad is opgeskort.
Die vlugte na Harare word nie geraak nie en dié na Victoria Falls is afgeskaal tot slegs Woensdae, Vrydae en Sondae.
Air Namibia se vlugte via Gaborone in Botswana na Durban in KwaZulu-Natal, is verminder tot vyf vlugte per week. Op Maandae en Woensdae sal daar geen vlugte wees nie.
Mnr. Paulus Nakawa, Air Namibia-woordvoerder, sê immigrasiebeamptes sal passasiers vir die nodige dokumentasie vra, wat toon die vlug is dringend of noodsaaklik.
Namibiërs wat uit Suid-Afrika terugkeer, of via dié buurland reis, sal nie weggewys word nie.
'n Tydelike reisverbod van 30 dae is verlede week ingevolge die Covid-19-noodtoestand afgekondig.
Namibiërs en mense met permanente verblyfreg mag nie tussen die twee lande reis nie tensy daar nood is en hulle byvoorbeeld mediese behandeling in Suid-Afrika moet kry, noodsaaklike dienste soos humanitêre hulp verleen, of vragmotordrywers is wat kos en ander noodsaaklikhede oorgrens moet vervoer.
Namibiërs wat vir noodgevalle na Suid-Afrika moet reis, benodig 'n voorgeskrewe vorm van die ministerie van binnelandse sake.
Vir mediese noodgevalle is bykomende toestemming van die ministerie van gesondheid en maatskaplike dienste nodig.
– [email protected]
Passasiers wat dringend in Johannesburg moet kom, of van daar af huis toe terugkeer, het een vlugmoontlikheid per dag.
Dit is die vlug wat 17:50 van die Internasionale Lughawe Hosea Kutako af vertrek en later die aand terugkeer. Dit beteken twee derdes van vlugte op dié roete is opgeskort.
Wat Kaapstad betref, sal daar Maandae, Woensdae, Vrydae en Sondae vlugte via Walvisbaai wees. Direkte vlugte tussen Windhoek en Kaapstad is opgeskort.
Die vlugte na Harare word nie geraak nie en dié na Victoria Falls is afgeskaal tot slegs Woensdae, Vrydae en Sondae.
Air Namibia se vlugte via Gaborone in Botswana na Durban in KwaZulu-Natal, is verminder tot vyf vlugte per week. Op Maandae en Woensdae sal daar geen vlugte wees nie.
Mnr. Paulus Nakawa, Air Namibia-woordvoerder, sê immigrasiebeamptes sal passasiers vir die nodige dokumentasie vra, wat toon die vlug is dringend of noodsaaklik.
Namibiërs wat uit Suid-Afrika terugkeer, of via dié buurland reis, sal nie weggewys word nie.
'n Tydelike reisverbod van 30 dae is verlede week ingevolge die Covid-19-noodtoestand afgekondig.
Namibiërs en mense met permanente verblyfreg mag nie tussen die twee lande reis nie tensy daar nood is en hulle byvoorbeeld mediese behandeling in Suid-Afrika moet kry, noodsaaklike dienste soos humanitêre hulp verleen, of vragmotordrywers is wat kos en ander noodsaaklikhede oorgrens moet vervoer.
Namibiërs wat vir noodgevalle na Suid-Afrika moet reis, benodig 'n voorgeskrewe vorm van die ministerie van binnelandse sake.
Vir mediese noodgevalle is bykomende toestemming van die ministerie van gesondheid en maatskaplike dienste nodig.
– [email protected]
Kommentaar
Republikein
Geen kommentaar is op hierdie artikel gelaat nie