Air Namibia se vlerke wankel

Raadsvoorsitter tjoepstil

20 September 2019 | Vervoer
Denver Kisting – Die pasaangewese raadsvoorsitter van Air Namibia, mnr. Escher Luanda, sê hy wil hom nie oor die lopendesaakvooruitsigte van die redery uitlaat nie.

Dit kom nadat die dagblad The Namibian die afgelope week berig het die beleërde nasionale lugredery benodig N$1,6 miljard teen die einde van dié maand om te verhoed dat Air Namibia se skip sink.

Op ’n vraag oor of die redery as ’n lopende saak bly voortbestaan, het Luanda gister gesê: “Ek wil nie oor daardie aspek aangehaal word nie.”

Die prokureur en grootkop by die regering se pensioenfonds (GIPF) is verlede week as raadsvoorsitter aangestel ná die bedanking van sy voorganger, adv. Dee Sauls-Deckenbrock, en haar adjunk, me. Nangula Kauluma.

Luidens die berig in die dagblad het Sauls-Deckenbrock twee dae voor haar bedanking vir die regering vir hulp ten bedrae van meer as N$1 miljard gevra.

Luanda het gister gesê hy wil nie die verhouding tussen die raad en die regering in die gedrang laat kom nie.

“Ek wil net die aandeelhouerraad-betrekking in stand hou. Vanuit daardie perspektief sou ek verkies om nie kommentaar te lewer nie.”

Volgens hom is dit belangrik dat “wat ookal bespreek word, in dié stadium tussen die twee partye behoort te bly”.

Luanda sê hulle sal wel “op ’n geskikte tydstip” meer lig op Air Namibia se bedrywighede werp.

“Ons benadering is om te verseker ons verskaf kommunikasie wat verstaanbaar is.”

Dié kommunikasie behoort binne die volgende twee weke verskaf te word, het hy gesê.

Mnr. John Mutorwa, minister van werke en vervoer, het gister gesê alle kwessies rondom Air Namibia val sedert 2018 onder die kabinet se komitee gemoeid met die tesourie (CCT).

Sy finanskollega, mnr. Calle Schlettwein, is die voorsitter van die komitee “vir die geskikte hantering, ondersoeke en objektiewe raad/aanbevelings aan die kabinet vir finale besluite in die beste belang van die nasionale redery, die land en die nasie”.

Mutorwa sê die aangeleentheid oor die versoek dien steeds voor die komitee.

Hy het ontken dat hy sou gesê het Air Namibia sal nie die reddingsboei kry nie.

Schlettwein het nie op boodskappe gereageer nie.

Die ministerie van finansies se woordvoerder, mnr. Tonateni Shidhudhu, het gistermiddag bevestig die kwessie is steeds voor die CCT op die tafel.

Soortgelyk

 

Seaflower: Fishcor skuld ons N$255 miljoen

11 ure gelede | Misdaad

Ronelle Rademeyer – Die kontrak tussen Seaflower Pelargic Processing (SPP) en die National Fishing Corporation of Namibia (Fishcor) vir ’n jaarlikse maasbankerkwota van 50 000...

Weer vir 24 September 2020

11 ure gelede | Weer

BINNELAND: Gedeeltelik bewolk en bloedig warm in die Noorde en Suide. Elders sal dit gedeeltelik bewolk en baie warm wees.KUS: Gedeeltelik bewolk en koel tot...

Kankergevalle in Namibië bly toeneem

11 ure gelede | Gesondheid

Henriette Lamprecht – 'n Gemiddeld van 3 560 gevalle van kanker is jaarliks in die tydperk 2015 tot 2017 in Namibië aangemeld.Tussen 2010 en 2017...

Moedige stryd teen Okahandja-brand

11 ure gelede |

Elvira Hattingh – Boere in die Okahandja-omgewing het gister teen saktyd nog moedig 'n brand bestry, wat deur mnr. Jan Balt as “buite beheer” beskryf...

Otjiwarongo se plan vir versnelde grondtoekenning

11 ure gelede | Infrastruktuur

Ester Kamati op Otjiwarongo Vanweë die toenemende kommer oor die agterstand met die toekenning van grond vir veral middel- tot lae-inkomste-werkers in Otjiwarongo, is ’n...

Voorval by Windpomp 14 opgeklaar

11 ure gelede | Gemeenskap

Leandrea Louw op Swakopmund – Die Windpomp 14-kampterrein buite Swakopmund was die middelpunt van ’n hewige debat op sosiale media die afgelope naweek. ’n Individu...

Waak teen skelms se Covid-streke

11 ure gelede | Misdaad

Augetto Graig – TransUnion, die wêreldwye inligtingsonderneming in Namibië bekend vir hul skuldswartlysstelsel (ITC), waarsku teen Covid-19-verwante skelmstreke wat Namibiërs in die visier het.Volgens me....

Skuldinvordering op Otji onder loep

11 ure gelede | Regering

Ester Kamati op Otjiwarongo - Otjiwarongo se munisipaliteit het in 2017 ’n span skuldinvorderaars op ’n kontrakbasis aangestel om sowat N$43 miljoen wat aan hul...

Lesersfoto's 24 September 2020

11 ure gelede | Lesersfoto's

Familie: “Dit is ’n foto van twee susters. Die een woon in Ghana en die ander een in Namibië. Beide verjaar in verskillende jare in...