Air Nam se vlieëniers gehok

ont face="Verdana" >Catherine Sasman – Klagtes stroom in van gefrustreerde Air Namibia-kliënte wat dié week weens vertraagde vlugte vir ure op die Internasionale Lughawe Hosea Kutako (HKIA) gestrand was.Vlugte na Kaapstad, Johannesburg en Frankfurt was vir tot twee ure geparkeer. Ontstoke passasiers was dit eens vertragings en kansellasies het ‘n “daaglikse krisis” geword. Volgens Air Namibia se woordvoerder, mnr. Paul Nakawa, was die vertraging van die drie vlugte ‘n “rimpeleffek“ wat veroorsaak is deur die kansellasie van die vlug op Sondag 11 Augustus van Victoria Falls na Windhoek. Die vlug moes gekanselleer word omdat die Eros-lughawe, wat as die aangewese alternatiewe lughawe sou dien, reeds gesluit sou wees teen die tyd wat die vlug in Windhoek sou aankom.“Lugvaartwette bepaal daar moet ‘n alternatiewe lughawe vir elke vlug wees, sou jy nie by die aangewese lughawe kan land nie. Aangesien die Eros-lughawe teen die beraamde aankomstyd toe was, moes die passasiers op Victoria Falls oorslaap en die vlug gekanselleer word,” het Nakawa gesê.Ander vlugte is ook gekanselleer of vertraag omdat agt van die lugredery se vlieëniers van die A319-100- en ERJ 135-vloot tans gehok is omdat hulle nog “interne kontrolering van operasionele vaardigheid” moet ondergaan. “Dié vlieëniers se lisensies soos uitgereik deur die reguleerder (die Namibiese Burgerlugvaartowerheid) is geldig, maar interne kontrolering word vereis om te verseker hulle is steeds vaardig en in staat om die vliegtuie te hanteer. Dit was aan die begin van die week nog nie gedoen nie,” het hy gesê.Volgens hom word vier van die agt vlieëniers van Woensdag tot môre getoets. Die ander se beurt is in September. Volgens hom is die oorsaak huidige instandhoudingswerk op nabootsers in Johannesburg wat Air Namibia gewoonlik gebruik, en dus nie nou beskikbaar is nie. “Die ander opsie sou wees om dié vlieëniers Europa toe te stuur. Dit is baie duur, en met die huidige finansiële druk op ons, sou dit moeilik wees om te doen.”-catherine@republikein.com.na

Air Nam se vlieëniers gehok

Kommentaar

Republikein 2025-06-18

Meld asseblief aan om kommentaar te lewer

Air Nam se vlieëniers gehok

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie