Agter die oogklappe wag ontwaking

Sondag was die Oskars.(Met ‘n c, subredakteur.)Kerkorrel, die Arams en Evas trek nie daar met ossewaens, taxi’s, rieksjas, skorokoro’s of Ubers saam nie. Jammer tog.Hoewel hulle laer trek.Gesin des Boois besluit vooraf om vir die eerste keer in jare Maandagaand agter die kassie vir die glansgedoente in te skuif. Hul tydsone pas nie ons opsitkers nie.So ons probeer ‘n selfafgekondigde nuusstilte handhaaf.Op pad skool toe, toe die bulletin begin, sê Dapperrerige Daniëltjie aan Josie: “Sit af die radio. Nou net . . .”Maar met die instap by die kantoor kondig ‘n kollega luidkeels aan: “Het julle toe gesien . . . !?”Daan se kop skud links en regs bo afgeremde skouers.Voor tjaailatyd hoor die uwe ook ‘n BBOW (Baie Belangrike Oskar-wenner, sub?) het glo van die verhoog af ge . . . Val?!Hoe die Oscar (dankie, sub) sy naam gekry het, is nie mooi agterhaalbaar nie. Maar dis die VSA se Akademie van Filmkuns- en –wetenskappe (hoe’s daai?) se goudbeklede bronsbeeldjie. Vir die beste moewies.Oor mure het aankondigers en genomineerdes hier en daar iets laat val, maar ook oor die afbreek van versperrings.Die pen is nog nie finaal uit die oude doos, maar weet hoe om skribbels in draadringnotaboeke, op servette en kroegstrokies aan meesters van klank, beeld en animasie te vertrou. Laat elke ou sy weetskap uitbrei.“Net flieks?” Loer maar oor die skouer na die tegnologie in jou groen koring se hande. Werktuie wat ons self daar geplaas het.Het Rami Malek ge . . . steier!? Mens kan net sien hoe hy eensklaps uit loerbroer se alsiende oog verdwyn.Dalk sou hy op daai oomblik Mary Poppins se sambreel waardeer het?Maar . . . Hermanus Benjamin sê nog voor die show eindelik begin dié groot verdwyn was eers toe almal al die teater begin verlaat het.Nie hoe sekere media dit verkoop het nie. Nog skietgoed vir pres. Trompie oor haastige nuushonde se verbrande monde?Wow! Brian May en Roger Taylor was daar. Die idee met dié fliek was nooit om ‘n ontboesemende, ontballasende (Freddie sou gegiggel het), porno-eksposé (skuus weer, sub) te maak nie.Ons almal struikel. Val. Soos Rami gedoen het. Baie meer en erger? Soos ook Freddie Mercury deur die highs en lows van die lewe moes doen.Farrokh Bulsara het, soos alle legendes, koppe getoets. Mure kan net begin tuimel as ons aan die bakstene begin wikkel.Of bou ons deesdae ook in Namibië, soos in baie plekke op die planeet, eerder nuwe mure? Instink kan geherprogammeer word.(Sub, jy’t die Oskars vergeet. :-))Van val na hardloop. In die pylvak?Oom Spike Lee het (na bewering) uitgestorm omdat BlacKkKlansmen toe nie beste moewie gewen het nieIesj. Eina. Lesers het dalk al dieselfde by skool- en ander prysuitdelings ervaar? Sonder ‘n val. Om nie van skolerugbyfinale te praat nie . . .Dapper wil hutstekens voorstel (sub: hashtag, #, hekkie) om ons almal se neerfoeteroomblikke te deel. #DiedagtoeekvandieverhooggevalhetMense lees of skryf blykbaar nie meer so lank nie. #VerhoogmoerBlykbaar kan jy selfs op ‘n verhoog óp val en verskeie ander embarraserende variëteite. Deel jou storie as jy dapper genoeg is!Terugflits na Oom Spike:Volgens hom het die drywer in Green Book bloot die een in Driving Miss Daisy met ‘n learnie vervang. Op Brits het hy gesê dissie sy koppie tee.Gee vir die Oom ‘n . . .Nog ‘n koppie tee vir spitsvondigheid.Jy mag maar sê iemand het die spyker – uit sy perspektief – op die kop geslaan – selfs al stem jy nie saam nie.Reënboog? Sebra?Ons is nooit heeltemal daar nie.Gesin des Boois moet nog baie van die moewies sien. Hoendervleis wel oor “Shallow” (A Star is Born). BlacKkKlansmen gekyk. Briljant!Alfonso Cuarón en sy span agter Roma se boodskap: Moenie waarna jy nié wil kyk nie, onsigbaar maak.Immer, vir almal, bly baie kykwerk oor. En meeleefwerk.Daai moet elke dag in ons huiswerkboekies opgeskryf staan.

Agter die oogklappe wag ontwaking

Kommentaar

Republikein 2025-06-20

Meld asseblief aan om kommentaar te lewer

Agter die oogklappe wag ontwaking

Kommentaar

Republikein 2025-06-20

Meld asseblief aan om kommentaar te lewer

MELD AAN

Advertensie