Agt verdrinkings dié naweek
'n Duitse egpaar het betyds ontsnap, maar 'n helikopter is gestuur om Oostenrykers van 'n waterdood te red.
Des Erasmus - Twee toeriste van Oostenryk is Saterdagoggend met ‘n helikopter van die lugmagbasis by Karibib gered waar hulle in ‘n boom op ‘n eilandjie in die middel van die Omarururivier by Nai-Nais aan ‘n bruisende stroom water ontkom het.
By die plek wat ook as Uis se waterbron dien, is hul voertuig deur die water meegesleur.
Die egpaar Stiltzer van Duitsland het op dié plek betyds uit die water geklim en hul weergawe van die noodsituasie by die gasteplaas Ameib, noord van Usakos en net wes van die Erongoberge, gegee. Dit was waar die Stiltzer-egpaar oornag het nadat hulle ook net-net aan die vloed ontkom het. Die egpaar het hul Namibiese reis gister voortgesit en was blykbaar op pad na Omaruru met die vertroue dat hul selfoonverbinding ná die ontbering en skade herstel gaan word.
Volgens die Duitse egpaar was hulle en die Oostenrykers bymekaar toe by Nai-Nais besluit is om agter mekaar deur die matige vloed in die Omarururivier te ry. Volgens skatting was die water toe omtrent 15 cm diep. Die Oostenrykers was in die voorste voertuig en hulle net agter. Die Oostenrykers het in die vlak water stilgehou en was besig om hul voertuig se banddruk af te bring vir ‘n beter vastrap in die bedding toe die watermuur op hulle afgekom het.
Die Stiltzers het net-net die oewer gehaal, maar die Oostenrykers se voertuig is deur die watermassa meegesleur. Die twee insittendes het wel daarin geslaag om die effense veiligheid van ‘n boom in die bedding te haal en het daarin geklim met die water wat om hulle gemaal het.
Weerskante van die stroom was twee Damarasprekende mans ooggetuies van wat in die rivierbedding aan die gang is. Hulle het hulp kom aanbied. Dit is nie bekend of die tyding van die noodsituasie deur die Stiltzers of die twee kommunale boere by die polisie op Omaruru aangemeld is nie. Van Omaruru is wel met die lugmagbasis op Karibib geskakel waarna die reddingsaksie per helikopter uitgevoer is.
VERDRINKINGS
Oor die naweek het altesaam agt mense landwyd verdrink, berig Augetto Graig. Hoofinsp. Kauna Shikwambi, woordvoerder van die Namibiese polisie, sê die goeie reën bring ook gevaar mee en sy versoek Namibiërs om versigtig te wees wanneer hulle vol riviere wil oorsteek.
Op die plaas Zim Narib naby Kalkrand in die Hardapstreek het 'n boervrou, me. Cecelia Margaretha Alberts (52), en haar twee werkers met haar hond Saterdagmiddag rivier toe gegaan om vis te vang. Blykbaar het die hond in die water gespring en Alberts is agterna om hom te red. Sy het in die water gesukkel en haar een werker het ingespring om haar te help. Nie een van die twee kon weer uitkom nie en 'n reddingspoging deur die ander plaaswerker het misluk. Hy het toe gery om hulp te ontbied, maar toe hy en die plaasboer terugkeer, kon hulle net Alberts se liggaam vind. ’n Polisieondersoek duur voort, asook ’n poging om die werker se liggaam op te spoor.
Naby Mariental het die 14-jarige Danielson Dino Gariseb Saterdag om 13:30 agter die dadelplaas in die Visrivier gaan swem. Hy het verdrink en sy lyk is eers Sondagoggend gekry. ’n Polisieondersoek duur voort.
In die Noorde is die liggaam van mnr. Johannes Nuuyoma (41) Vrydag drywend in 'n rivier deur veewagters by die Oshandja-nedersetting gevind. Hy word al sedert 28 Februarie vermis. By die Omundangilo-nedersetting naby Onayena is die liggaam van mnr. Thomas Nelenge (30) Saterdag in ’n dam deur 'n 16-jarige seun gekry. Die oorledene word al sedert Donderdag 2 Maart vermis. Die polisie sal ’n nadoodse ondersoek instel om die oorsaak van sy dood vas te stel. By Omungwelume by die Okambebe-nedersetting is die liggaam van mnr. Timoteus Teyes (24) ook Saterdag in ’n dam gevind. In al die gevalle is die familie in kennis gestel.
Die vierjarige Simon Embula het Saterdag om 11:00 by die Lilambo-nedersetting naby Okahao in 'n emmer water verdrink. Hy het glo saam met ander kinders by die huis gespeel toe sy ouers in die mahangu-velde gewerk het. ’n Polisieondersoek duur voort. Lees onder oor nóg twee verdrinkings
By die plek wat ook as Uis se waterbron dien, is hul voertuig deur die water meegesleur.
Die egpaar Stiltzer van Duitsland het op dié plek betyds uit die water geklim en hul weergawe van die noodsituasie by die gasteplaas Ameib, noord van Usakos en net wes van die Erongoberge, gegee. Dit was waar die Stiltzer-egpaar oornag het nadat hulle ook net-net aan die vloed ontkom het. Die egpaar het hul Namibiese reis gister voortgesit en was blykbaar op pad na Omaruru met die vertroue dat hul selfoonverbinding ná die ontbering en skade herstel gaan word.
Volgens die Duitse egpaar was hulle en die Oostenrykers bymekaar toe by Nai-Nais besluit is om agter mekaar deur die matige vloed in die Omarururivier te ry. Volgens skatting was die water toe omtrent 15 cm diep. Die Oostenrykers was in die voorste voertuig en hulle net agter. Die Oostenrykers het in die vlak water stilgehou en was besig om hul voertuig se banddruk af te bring vir ‘n beter vastrap in die bedding toe die watermuur op hulle afgekom het.
Die Stiltzers het net-net die oewer gehaal, maar die Oostenrykers se voertuig is deur die watermassa meegesleur. Die twee insittendes het wel daarin geslaag om die effense veiligheid van ‘n boom in die bedding te haal en het daarin geklim met die water wat om hulle gemaal het.
Weerskante van die stroom was twee Damarasprekende mans ooggetuies van wat in die rivierbedding aan die gang is. Hulle het hulp kom aanbied. Dit is nie bekend of die tyding van die noodsituasie deur die Stiltzers of die twee kommunale boere by die polisie op Omaruru aangemeld is nie. Van Omaruru is wel met die lugmagbasis op Karibib geskakel waarna die reddingsaksie per helikopter uitgevoer is.
VERDRINKINGS
Oor die naweek het altesaam agt mense landwyd verdrink, berig Augetto Graig. Hoofinsp. Kauna Shikwambi, woordvoerder van die Namibiese polisie, sê die goeie reën bring ook gevaar mee en sy versoek Namibiërs om versigtig te wees wanneer hulle vol riviere wil oorsteek.
Op die plaas Zim Narib naby Kalkrand in die Hardapstreek het 'n boervrou, me. Cecelia Margaretha Alberts (52), en haar twee werkers met haar hond Saterdagmiddag rivier toe gegaan om vis te vang. Blykbaar het die hond in die water gespring en Alberts is agterna om hom te red. Sy het in die water gesukkel en haar een werker het ingespring om haar te help. Nie een van die twee kon weer uitkom nie en 'n reddingspoging deur die ander plaaswerker het misluk. Hy het toe gery om hulp te ontbied, maar toe hy en die plaasboer terugkeer, kon hulle net Alberts se liggaam vind. ’n Polisieondersoek duur voort, asook ’n poging om die werker se liggaam op te spoor.
Naby Mariental het die 14-jarige Danielson Dino Gariseb Saterdag om 13:30 agter die dadelplaas in die Visrivier gaan swem. Hy het verdrink en sy lyk is eers Sondagoggend gekry. ’n Polisieondersoek duur voort.
In die Noorde is die liggaam van mnr. Johannes Nuuyoma (41) Vrydag drywend in 'n rivier deur veewagters by die Oshandja-nedersetting gevind. Hy word al sedert 28 Februarie vermis. By die Omundangilo-nedersetting naby Onayena is die liggaam van mnr. Thomas Nelenge (30) Saterdag in ’n dam deur 'n 16-jarige seun gekry. Die oorledene word al sedert Donderdag 2 Maart vermis. Die polisie sal ’n nadoodse ondersoek instel om die oorsaak van sy dood vas te stel. By Omungwelume by die Okambebe-nedersetting is die liggaam van mnr. Timoteus Teyes (24) ook Saterdag in ’n dam gevind. In al die gevalle is die familie in kennis gestel.
Die vierjarige Simon Embula het Saterdag om 11:00 by die Lilambo-nedersetting naby Okahao in 'n emmer water verdrink. Hy het glo saam met ander kinders by die huis gespeel toe sy ouers in die mahangu-velde gewerk het. ’n Polisieondersoek duur voort. Lees onder oor nóg twee verdrinkings
Kommentaar
Republikein
Geen kommentaar is op hierdie artikel gelaat nie