Agt sterftes, 241 nuwe gevalle

Die Covid-sterftes styg met agt tot 3 333. Een was 'n tuissterfte (Rundu) en een van die sterfgevalle het 'n eerste dosis entstof ontvang. Gister is 241 nuwe gevalle aangemeld, 'n positiewe koers van 18%. Omusati het die hoogste getal nuwe gevalle (27), gevolg deur Erongo met 20%. Onder die gevalle is 68 leerlinge, sewe onderwysers, vier studente en 11 gesondheidswerkers.
Twaalf van die gevalle (5%) het 'n eerste dosis entstof ontvang, waarvan nege (4%) ten volle ingeënt is.
Tans is daar 2 797 aktiewe gevalle waarvan 262 in die hospitaal en 48 in die ICU is. Tot op hede het 198 429 mense 'n eerste dosis entstof ontvang, terwyl 93 647 ten volle ingeënt is. Die herstelkoers staan op 95%.