Agt aangekeer ná aanval by nagklub
Hoewel agt mense al vir ondervraging aangekeer is ná die Nuwejaarsbloedbad by 'n nagklub in Istanboel, Turkye, is die skieter nog op vrye voet.
Agt mense is Maandag in hegtenis geneem in verband met die terreuraanval by 'n nagklub op Nuwejaarsdag in Istanboel, Turkye, waarin 39 mense dood en 65 beseer is.
Die owerhede het geen aanduiding gegee wat die verdagtes se verbintenis met die aanvaller was nie.
Die Islamitiese Staat (IS) het verantwoordelikheid aanvaar vir die aanval waarin 'n man wat soos Vader Kersfees aangetrek was, op partytjiegangers by die Reina-nagklub op die oewer
van die Bosferus-seestraat losgebrand het.
Die aanval het omstreeks 00:30 Namibiese tyd gebeur.
Die Turkse media het 'n “selfie video” vrygestel van 'n man wat sê hy is die skieter wat die 39 mense vermoor het.
Die video, wat gister op Turkse televisie uitgesaai is, wys die skieter waar hy homself op Taksim-plein afgeneem het. Dit was nie duidelik of die video voor of ná die bloedbad verfilm is nie.
Die aanvaller is egter steeds op vrye voet.
Die IS het in 'n verklaring in die sosiale media gesê “soldate van die kalifaat” het die aanval uitgevoer.
Hulle het Turkye, waar die meerderheid van die inwoners Moslems is, daarvan beskuldig dat hulle dienaars vir Christene is.
Dit was die eerste keer dat IS verantwoordelikheid vir 'n aanval in die land aanvaar het. Daar word vermoed dat hulle ook by ander voorvalle van terreur in die land betrokke was.
Die aanvaller het vermoedelik met 'n taxi by die nagklub opgedaag waar hy 'n polisielid en 'n vroulike veiligheidswag buite die nagklub met 'n aanvalsgeweer doodgeskiet het.
Volgens die Hurriyet Daily het die aanvaller vier magasyne leeggeskiet en in totaal 120 koeëls geskiet.
Van die partygangers het in die Bosferus gespring om te probeer vlug.
Die aanvaller het ander klere aangetrek voordat hy die nagklub verlaat het en het só veiligheidsbeamptes ontduik.
Intussen het die Turkse media 'n sekuriteitskenner aangehaal wat meen die aanvaller is 'n “hoogs professionele sluipmoordenaar”.
Die Engelstalige Daily News berig die teenterreur-deskundige Abdullah Agar sê die wyse waarop die aanvaller opgetree het, toon hy is “absoluut 'n moordenaar wat moontlik voorheen al mense geskiet het”.
Volgens hom is “die aanvaller 'n vasbeslote, gelowige, praktiese en koelbloedige ekspert wat weet hoe om resultate te kry . . . hy het vermoedelik al skote in regte gevegsones afgevuur”.
– Nampa/AP/Netwerk24/News24/SkyNews
Die owerhede het geen aanduiding gegee wat die verdagtes se verbintenis met die aanvaller was nie.
Die Islamitiese Staat (IS) het verantwoordelikheid aanvaar vir die aanval waarin 'n man wat soos Vader Kersfees aangetrek was, op partytjiegangers by die Reina-nagklub op die oewer
van die Bosferus-seestraat losgebrand het.
Die aanval het omstreeks 00:30 Namibiese tyd gebeur.
Die Turkse media het 'n “selfie video” vrygestel van 'n man wat sê hy is die skieter wat die 39 mense vermoor het.
Die video, wat gister op Turkse televisie uitgesaai is, wys die skieter waar hy homself op Taksim-plein afgeneem het. Dit was nie duidelik of die video voor of ná die bloedbad verfilm is nie.
Die aanvaller is egter steeds op vrye voet.
Die IS het in 'n verklaring in die sosiale media gesê “soldate van die kalifaat” het die aanval uitgevoer.
Hulle het Turkye, waar die meerderheid van die inwoners Moslems is, daarvan beskuldig dat hulle dienaars vir Christene is.
Dit was die eerste keer dat IS verantwoordelikheid vir 'n aanval in die land aanvaar het. Daar word vermoed dat hulle ook by ander voorvalle van terreur in die land betrokke was.
Die aanvaller het vermoedelik met 'n taxi by die nagklub opgedaag waar hy 'n polisielid en 'n vroulike veiligheidswag buite die nagklub met 'n aanvalsgeweer doodgeskiet het.
Volgens die Hurriyet Daily het die aanvaller vier magasyne leeggeskiet en in totaal 120 koeëls geskiet.
Van die partygangers het in die Bosferus gespring om te probeer vlug.
Die aanvaller het ander klere aangetrek voordat hy die nagklub verlaat het en het só veiligheidsbeamptes ontduik.
Intussen het die Turkse media 'n sekuriteitskenner aangehaal wat meen die aanvaller is 'n “hoogs professionele sluipmoordenaar”.
Die Engelstalige Daily News berig die teenterreur-deskundige Abdullah Agar sê die wyse waarop die aanvaller opgetree het, toon hy is “absoluut 'n moordenaar wat moontlik voorheen al mense geskiet het”.
Volgens hom is “die aanvaller 'n vasbeslote, gelowige, praktiese en koelbloedige ekspert wat weet hoe om resultate te kry . . . hy het vermoedelik al skote in regte gevegsones afgevuur”.
– Nampa/AP/Netwerk24/News24/SkyNews
Kommentaar
Republikein
Geen kommentaar is op hierdie artikel gelaat nie