Afrikadagkonsert: Kyk herhaling vandag

Die 2021 Afrikadagkonsert wat deur MTV Base, YouTube en die Hollywood-ster Idris Elba aangebied is, was vanjaar 'n sterbelaaide affêre met sommige van die bekendste gesigte op die vasteland en oraloor die wêreld wat betrokke was. Dié wêreldwye byeenkoms het die kollig op Afrika-talent geplaas, en is op 25 Mei regstreeks uitgesaai.Afrika se gewildste supersterre het die wêreld vanjaar aan nuwe talent blootgestel. Dit sluit onder meer die ikoniese en legendariese musikant Angelique Kidjo in, die Kongolese sanger-liedjieskrywer Fally Ipupa en die legendariese internasionaal bekende Suid-Afrikaanse kunstenaar Yvonne Chaka Chaka.Die konsert het ook dinamiese, opkomende kunstenaars van Afrika ’n kans in die kollig gegee. Hierdie jong Afrika-kunstenaars het vir die eerste keer die kans gehad om voor 'n wêreldwye gehoor op te tree. Onder hulle was Rozzy Sokota (Sierra Leone), Ary (Angola) en Mohamed Ramadan (Egipte).Daarbenewens het Amina (Kenia), Azawi (Uganda), Blxckie (Suid-Afrika), Boris Kodjoe (VSA), Ckay (Nigerië), Cassper Nyovest (Suid-Afrika), Cleo Ice Queen (Zambië), Dr Bone (Suid-Afrika), Drizilik (Sierra Leone), Ehiz (Nigerië), Emtee (Suid-Afrika), Fik Fameica (Uganda), Innoss'B (DRK), Jay Rox (Zambië), Kamo Mphela (Suid-Afrika), Lady Kuda (Zimbabwe), Locnville (Suid-Afrika), Mark Angel (Nigerië), Mr P (Nigerië), Ms Red (Zimbabwe), Nadia Mukami (Kenia), Nomalanga Shozi (Suid-Afrika), Pierre Emerick Aubameyang (Gaboen), Shirazee (Benin), Slapdee (Zambië), Sorai Ramos (Kaap Verde), Tendai “The Beast” Mtawarira (Suid-Afrika), Tresor (Suid-Afrika), Wema (Tanzanië), Will Packer (VSA), William last KRM (Botswana) vanjaar opgetree om Afrikadag te vier.Monde Twala, die senior visepresident en hoofbestuurder by ViacomCBS Networks Africa, het gesê: “Ons is verheug dat van Afrika se toptalent vanjaar by ons aansluit.”Alex Okosi, YouTube se besturende direkteur van opkomende markte in Europa, die Midde-Ooste en Afrika, het op sy beurt gesê: “Die Afrikadagkonsert is 'n belangrike huldeblyk aan die vasteland. Ons is opgewonde om die 58ste herdenking van hierdie ongelooflike dag in die teenwoordigheid van hierdie kunstenaars te vier. By YouTube is ons daartoe verbind om die krag van Afrika-talent en kreatiwiteit met die wêreld te deel.”Kykers van oraloor die wêreld kan vandag om 19:00 op MTV Africa die herhaling van die 2021 Afrikadagkonsert kyk.

Afrikadagkonsert: Kyk herhaling vandag

Kommentaar

Republikein 2026-05-05

Meld asseblief aan om kommentaar te lewer

Afrikadagkonsert: Kyk herhaling vandag

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.