Afrika se enigste vroulike president bedank
Mauritius se president het bedank ná berigte dat sy ’n kredietkaart wat ’n niewinsgewende organisasie aan haar gegee het vir persoonlike doeleindes gebruik het, sê haar prokureur.
Ameenah Gurib-Fakim, Afrika se enigste vroulike president, het haar bedanking ter wille van “die land se stabiliteit” ingedien, het haar prokureur, Yousouf Mohammed, in ’n onderhoud met ION gesê, berig CNN.
Mohammed het bygevoeg dat sy haar amp op 23 Maart verlaat. Sy is sedert 2015 president.
Dit kom nadat die media berig het dat sy vir persoonlike uitgawes betaal het met ’n kredietkaart wat die Londense liefdadigheidsorganisasie Planet Earth Institute (PEI) in 2016 aan haar gegee het.
Gurib-Fakim is daarvan beskuldig dat sy ongeveer US$26 000 op juweliersware en klere in Europa bestee het en met dié kredietkaart daarvoor betaal het. PEI is deur ’n Angolese bankier met sakebelange in Mauritius gestig.
Daar is vroeër berig dat sy sou bedank, maar Gurib-Fakim het geweier en gesê sy het niks verkeerd gedoen nie.
In ’n verklaring wat Vrydag deur die land se presidensie uitgereik is, word egter verduidelik dat sy ’n soortgelyke kaart het, maar per ongeluk PEI se kredietkaart gebruik het.
Luidens die verklaring het sy die geld onmiddellik terugbetaal toe sy besef sy het die verkeerde kaart gebruik. Gurib-Fakim is in 2015 in PEI se direksie aangestel, maar het in 2017 bedank.
PEI het ook ’n verklaring op sy webwerf wat lui dat die organisasie Gurib-Fakim se bedanking in 2017 (uit die direksie) aanvaar het, en dat sy die geld terugbetaal het.
Die president se prokureur sê haar bedanking sal help om ’n grondwetlike krisis te vermy, berig The Nigeria News Network.
“Sy wil nie die mense of die ekonomie sien ly nie,” sê Mohammed. – Netwerk24
Mohammed het bygevoeg dat sy haar amp op 23 Maart verlaat. Sy is sedert 2015 president.
Dit kom nadat die media berig het dat sy vir persoonlike uitgawes betaal het met ’n kredietkaart wat die Londense liefdadigheidsorganisasie Planet Earth Institute (PEI) in 2016 aan haar gegee het.
Gurib-Fakim is daarvan beskuldig dat sy ongeveer US$26 000 op juweliersware en klere in Europa bestee het en met dié kredietkaart daarvoor betaal het. PEI is deur ’n Angolese bankier met sakebelange in Mauritius gestig.
Daar is vroeër berig dat sy sou bedank, maar Gurib-Fakim het geweier en gesê sy het niks verkeerd gedoen nie.
In ’n verklaring wat Vrydag deur die land se presidensie uitgereik is, word egter verduidelik dat sy ’n soortgelyke kaart het, maar per ongeluk PEI se kredietkaart gebruik het.
Luidens die verklaring het sy die geld onmiddellik terugbetaal toe sy besef sy het die verkeerde kaart gebruik. Gurib-Fakim is in 2015 in PEI se direksie aangestel, maar het in 2017 bedank.
PEI het ook ’n verklaring op sy webwerf wat lui dat die organisasie Gurib-Fakim se bedanking in 2017 (uit die direksie) aanvaar het, en dat sy die geld terugbetaal het.
Die president se prokureur sê haar bedanking sal help om ’n grondwetlike krisis te vermy, berig The Nigeria News Network.
“Sy wil nie die mense of die ekonomie sien ly nie,” sê Mohammed. – Netwerk24
Kommentaar
Republikein
Geen kommentaar is op hierdie artikel gelaat nie