Afrika-rekord: Akani bult spiere op ‘regte tyd’
Sy blitstyd van 9.84 oortref die vorige kontinentale beste tye van Olusoji Fasuba en Frank Fredericks.
Wim Pretorius – Met die Olimpiese Spele wat oor minder as drie weke begin, kon Akani Simbine se merkwaardige vertoning in Hongarye nie op ’n beter tyd kom nie.
Die Suid-Afrikaner het hom Dinsdagaand op die Gyulai István-gedenkbyeenkoms amptelik as die vinnigste Afrika-atleet tot nog toe in 100 meter onderskei.
Die 9.84 sekondes waarin hy die wenstreep oorgesteek het, het Olusoji Fasuba van Nigerië se Afrika-rekord van 9.85 oortref, wat sedert 2006 gestaan het. Voor dit het Frank Fredericks van Namibië se 9.86 sedert 1996 vir ’n dekade gestaan.
Simbine se tyd maak hom ook die naasvinnigste 100-atleet ter wêreld vanjaar.
Dit was boonop op dieselfde baan waar Simbine in 2016, kort voor die Olimpiese Spele in Rio de Janeiro, die eerste keer die Suid-Afrikaanse rekordhouer in 9.89 geword het.
Vir Werner Prinsloo, Simbine se breier, was sy vertoning presies die momentum waarna hulle gesoek het.
“Die eerste doelwit was om te wen, veral teen ’n sterk veld met Justin Gatlin, Marvin Bracy en Isiah Young wat almal al goeie tye vanjaar behaal het,” het Prinsloo uit Europa gesê.
“Ons het geweet dié week gaan vanweë die kwaliteit van die inskrywings belangrik wees.”
Prinsloo het gesê die vertroue was daar dat Simbine sou oorskakel na ’n hoër rat in toestande wat hom goed gepas het.
“Dit was belangrik om nou ’n mededingende tyd ’n paar weke voor die Tokio-Spele aan te teken. Hy het vroeër vanjaar gewys hy kan onder 9.90 hardloop, so dit was net ’n kwessie van tyd voordat dit sou gebeur. Die aanduiding tydens die oefeninge was ook dat hy in staat was om dit weer te doen.”
Simbine het op 15 April by Tuks ’n tyd van 9.82 aangeteken, maar die windlesing van +2.8 m/s van agter, het verhoed dat dit amptelik erken kon word.
Simbine was in ekstase oor dié mylpaal wat hy al vyf jaar in sy visier gehad het.
“Dit gee my baie selfvertroue,” het Simbine gesê. “Ons (hy en Prinsloo) het gehoop dat iets die week sou gebeur en dis wonderlik om die Afrika-rekord te breek. Dit is iets waarvoor ons al verskeie jare werk.”
Simbine sal Vrydagaand op die Diamantliga-reeks se byeenkoms in Monaco weer in die blokke sak.
• Volgens Wayde van Niekerk se agent, Peet van Zyl, het die 400 m-wêreldrekordhouer hom as voorsorg onttrek aan sy wedloop op dieselfde byeenkoms waar Simbine in aksie was.
“Wayde was besig om op te warm vir die wedloop en het ongemak in sy lae rug ervaar. Hy wou hardloop, maar beide ek en sy afrigter, Lance Brauman, het hom aan die wedloop onttrek,” het Van Zyl gesê.
“Só naby aan Tokio was dit eenvoudig nie die moeite werd om die kans te waag nie.”
– Netwerk24
Die Suid-Afrikaner het hom Dinsdagaand op die Gyulai István-gedenkbyeenkoms amptelik as die vinnigste Afrika-atleet tot nog toe in 100 meter onderskei.
Die 9.84 sekondes waarin hy die wenstreep oorgesteek het, het Olusoji Fasuba van Nigerië se Afrika-rekord van 9.85 oortref, wat sedert 2006 gestaan het. Voor dit het Frank Fredericks van Namibië se 9.86 sedert 1996 vir ’n dekade gestaan.
Simbine se tyd maak hom ook die naasvinnigste 100-atleet ter wêreld vanjaar.
Dit was boonop op dieselfde baan waar Simbine in 2016, kort voor die Olimpiese Spele in Rio de Janeiro, die eerste keer die Suid-Afrikaanse rekordhouer in 9.89 geword het.
Vir Werner Prinsloo, Simbine se breier, was sy vertoning presies die momentum waarna hulle gesoek het.
“Die eerste doelwit was om te wen, veral teen ’n sterk veld met Justin Gatlin, Marvin Bracy en Isiah Young wat almal al goeie tye vanjaar behaal het,” het Prinsloo uit Europa gesê.
“Ons het geweet dié week gaan vanweë die kwaliteit van die inskrywings belangrik wees.”
Prinsloo het gesê die vertroue was daar dat Simbine sou oorskakel na ’n hoër rat in toestande wat hom goed gepas het.
“Dit was belangrik om nou ’n mededingende tyd ’n paar weke voor die Tokio-Spele aan te teken. Hy het vroeër vanjaar gewys hy kan onder 9.90 hardloop, so dit was net ’n kwessie van tyd voordat dit sou gebeur. Die aanduiding tydens die oefeninge was ook dat hy in staat was om dit weer te doen.”
Simbine het op 15 April by Tuks ’n tyd van 9.82 aangeteken, maar die windlesing van +2.8 m/s van agter, het verhoed dat dit amptelik erken kon word.
Simbine was in ekstase oor dié mylpaal wat hy al vyf jaar in sy visier gehad het.
“Dit gee my baie selfvertroue,” het Simbine gesê. “Ons (hy en Prinsloo) het gehoop dat iets die week sou gebeur en dis wonderlik om die Afrika-rekord te breek. Dit is iets waarvoor ons al verskeie jare werk.”
Simbine sal Vrydagaand op die Diamantliga-reeks se byeenkoms in Monaco weer in die blokke sak.
• Volgens Wayde van Niekerk se agent, Peet van Zyl, het die 400 m-wêreldrekordhouer hom as voorsorg onttrek aan sy wedloop op dieselfde byeenkoms waar Simbine in aksie was.
“Wayde was besig om op te warm vir die wedloop en het ongemak in sy lae rug ervaar. Hy wou hardloop, maar beide ek en sy afrigter, Lance Brauman, het hom aan die wedloop onttrek,” het Van Zyl gesê.
“Só naby aan Tokio was dit eenvoudig nie die moeite werd om die kans te waag nie.”
– Netwerk24
Kommentaar
Republikein
Geen kommentaar is op hierdie artikel gelaat nie