Afrika en Amerika ernstig oor opvoeding
Die Afrika–Amerika Instituut (AAI) het verlede week Dinsdag ’n uitreikaksie in Windhoek gehou as deel van ’n reeks geleenthede om begunstigdes van die 23 000 beurse wat hulle toegeken het, bymekaar te bring.
Hulle hou ook soortgelyke geleenthede in Suid-Afrika en Mosambiek.
Vir ses dekades probeer die AAI samewerking tussen Afrika en Amerika aanmoedig deur die gereelde toekenning van studiebeurse.
Namibië se eie staatspresident, Hage Geingob, is ook ’n begunstigde van dié instituut.
Geingob het by die geleentheid gesê sy leierskapsbenadering en sy filosofie van verdraagsaamheid, regverdigheid en hoe om te "verskil sonder om onaangenaam te wees" is te danke aan die AAI.
"Ek het ’n lang verhouding met die AAI en voel geëerd dat hulle gekies het om hierdie byeenkoms in Windhoek te hou. Ek wil hulle bedank vir wat hulle vir Namibië gedoen het," het die president gesê.
Geingob het Namibiërs ook aangemoedig om saam te werk om oplossings te vind vir die uitdagings waarmee die land tans worstel.
Mnr. Kofi Appenteng, AAI-president en uitvoerende hoof, was die gasheer by dié geleentheid saam met die raadsvoorsitter, mnr. Steven Pfeiffer.
“Die individue wat aan die netwerk van AAI-begunstigdes behoort is ’n dryfveer vir positiewe aksie in hul plaaslike gemeenskappe en in die globale mark.
"Ons fokus opnuut daarop om dinamiese individue van verskeie ouderdomme bymekaar te bring om hul talent ten goede aan te wend,” het Appenteng gesê.
Om hul uiteenlopende reise met die AAI te deel, het Namibiese alumni, van wie die meeste in die VSA gestudeer het, vertel hoe die instituut se beurse tot hul persoonlike ontwikkeling bygedra het.
Wat die teenwoordiges in gemeen het, is dat hulle voel hulle kan ’n positiewe bydrae tot Namibië se ontwikkeling lewer deur middel van hul betrokkenheid by sektore soos dié van hoër onderwys, openbare gesondheid en inligtingstegnologie.
Een alumnus, mnr. Perien Boer, het ’n doktorsgraad te danke aan die AAI behaal.
"Die belegging wat die Afrika-Amerika Instituut in my gemaak het, laat my toe om my reikwydte verder as die akademie uit te brei, aangesien ek nou as direkteur op ’n aantal direksies dien. Dít danksy die vaardighede wat ek deur middel van hierdie program ontwikkel het," het Boer gesê.
Sedert 1953 het die AAI beurse toegeken vir studie in die VSA en meer onlangs vir studie in Afrika.
Tot op hede is meer as 23 000 beurse vir hoër onderwys en werksmagontwikkeling toegeken.
AAI-alumni sluit in mnr. Strive Masiyiwa, voorsitter van Econet Media, president Alassane Outtara van die Ivoorkus, en me. Phumzile Mlambo-Ngcuka, uitvoerende direkteur van die VN-entiteit vir geslagsgelykheid en die bemagtiging van vroue (VN-vroue).
Hulle hou ook soortgelyke geleenthede in Suid-Afrika en Mosambiek.
Vir ses dekades probeer die AAI samewerking tussen Afrika en Amerika aanmoedig deur die gereelde toekenning van studiebeurse.
Namibië se eie staatspresident, Hage Geingob, is ook ’n begunstigde van dié instituut.
Geingob het by die geleentheid gesê sy leierskapsbenadering en sy filosofie van verdraagsaamheid, regverdigheid en hoe om te "verskil sonder om onaangenaam te wees" is te danke aan die AAI.
"Ek het ’n lang verhouding met die AAI en voel geëerd dat hulle gekies het om hierdie byeenkoms in Windhoek te hou. Ek wil hulle bedank vir wat hulle vir Namibië gedoen het," het die president gesê.
Geingob het Namibiërs ook aangemoedig om saam te werk om oplossings te vind vir die uitdagings waarmee die land tans worstel.
Mnr. Kofi Appenteng, AAI-president en uitvoerende hoof, was die gasheer by dié geleentheid saam met die raadsvoorsitter, mnr. Steven Pfeiffer.
“Die individue wat aan die netwerk van AAI-begunstigdes behoort is ’n dryfveer vir positiewe aksie in hul plaaslike gemeenskappe en in die globale mark.
"Ons fokus opnuut daarop om dinamiese individue van verskeie ouderdomme bymekaar te bring om hul talent ten goede aan te wend,” het Appenteng gesê.
Om hul uiteenlopende reise met die AAI te deel, het Namibiese alumni, van wie die meeste in die VSA gestudeer het, vertel hoe die instituut se beurse tot hul persoonlike ontwikkeling bygedra het.
Wat die teenwoordiges in gemeen het, is dat hulle voel hulle kan ’n positiewe bydrae tot Namibië se ontwikkeling lewer deur middel van hul betrokkenheid by sektore soos dié van hoër onderwys, openbare gesondheid en inligtingstegnologie.
Een alumnus, mnr. Perien Boer, het ’n doktorsgraad te danke aan die AAI behaal.
"Die belegging wat die Afrika-Amerika Instituut in my gemaak het, laat my toe om my reikwydte verder as die akademie uit te brei, aangesien ek nou as direkteur op ’n aantal direksies dien. Dít danksy die vaardighede wat ek deur middel van hierdie program ontwikkel het," het Boer gesê.
Sedert 1953 het die AAI beurse toegeken vir studie in die VSA en meer onlangs vir studie in Afrika.
Tot op hede is meer as 23 000 beurse vir hoër onderwys en werksmagontwikkeling toegeken.
AAI-alumni sluit in mnr. Strive Masiyiwa, voorsitter van Econet Media, president Alassane Outtara van die Ivoorkus, en me. Phumzile Mlambo-Ngcuka, uitvoerende direkteur van die VN-entiteit vir geslagsgelykheid en die bemagtiging van vroue (VN-vroue).
Kommentaar
Republikein
Geen kommentaar is op hierdie artikel gelaat nie