Afrika CDC: tweede ronde inspuitings in die weegskaal

Baie inwoners in Afrika wat reeds hul eerste dosis Covid-19-entstof ontvang het, weet nie wanneer hulle die tweede dosis gaan ontvang nie. Volgens ’n top openbare gesondheidsbeampte is dit omdat aflewerings vertraag is.“Ons kan nie voorspel wanneer die tweede dosis gaan kom nie en dit is nie goed vir ons immuniseringsprogram nie,” sê mnr. John Nkengasong, hoof van die Afrika Sentrums vir Siektebeheer en -Voorkoming (Afrika CDC). Afrika is agter in die meeste streke met sy Covid-19-immuniserings, met net minder as 14 miljoen dosisse wat op die vasteland met 1,3 miljard inwoners reeds volgens Afrika CDC toegedien is. ’n Voorbeeld is Ghana wat tot op hede 742 000 van 815 000 dosisse toegedien het wat dit tot dusver ontvang het en teen die einde van volgende week niks meer gaan oorhê nie. “Selfs al het Ghana die geld gehad, sal hulle nie weet waarheen om te gaan om die entstof te kry nie en daarin lê die uitdaging,” het Nkengasong gesê.Tot op hede was die meerderheid van die entstowwe wat in Afrikalande beskikbaar is via die Wêreldgesondheidsorganisasie se ondersteuning van Covax. Laasgenoemde het ten doel om vanjaar 600 miljoen dosisse aan sowat 40 Afrikalande af te lewer, genoeg om 20% van hul bevolkings in te ent. Die meerderheid van dié dosisse is AstraZeneca wat deur die Serum Instituut van Indië vervaardig is. Verlede maand het Indië egter sy uitvoere opgehef om te voldoen aan die stygende aantal Covid-19-gevalle in die land. Dit het groot onsekerheid vir Afrika se uitrol van verskeie lande se immuniseringsveldtogte veroorsaak.“Ons is as vasteland in ’n penarie,” het hy bygevoeg. “Toegang tot entstowwe was vir ons beperk.”Hy het die hoop uitgespreek dat Indië, waar nuwe infeksies tot 200 000 per dag gestyg het, so gou as moontlik sy beperking op uitvoere sal lig. Mense wat reeds hul eerste entstof ontvang het, trek reeds voordeel uit ’n mate van beskerming teen die virus, het hy gesê en ’n beroep op lande gedoen om die dosisse wat hulle het, te gebruik voordat dit verval. – Nampa/Reuters

Afrika CDC: tweede ronde inspuitings in die weegskaal

Kommentaar

Republikein 2026-07-27

Meld asseblief aan om kommentaar te lewer

Afrika CDC: tweede ronde inspuitings in die weegskaal

Kommentaar

Republikein 2026-07-27

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.