Afrigters kan kwalifikasies opskerp

Die Namibië Rugby-unie (NRU) is gereed om in die oorblywende deel van 2020 ’n belegging in die opleiding van afrigters landwyd te maak.Geleenthede vir opleiding vorm ’n integrale deel van die NRU se ontwikkelingsprogram, met die doelwit om die vaardighede van afrigters, wedstrydbeamptes, krag- en kondisioneringsafrigters en mediese personeel betrokke by rugby op te hef.Die volgende datums en plekke geld vir die afrigterskursusse:Vlak 1 afrigterskursus: 23-24 November in WindhoekVlak 1 afrigterskursus: 4-5 Desember op SwakopmundVlak 2 afrigterskursus: 9-12 November in WindhoekVlak 2 afrigterskursus: 10-12 Desember op SwakopmundDie vlak 1-kursus is op afrigters op intreevlak gerig en sluit die ontleding van individuele en groepvaardighede in.Vlak 2 is meer gevorderd en omvat byvoorbeeld die beplanning van oefensessies, die funksionele rol van spelers, die proses van afrigting en die voorlegging van ’n sesweek-oefenprogram in.Die kursus is ’n praktiese uitvoering van Wêreldrugby se opleidingsmateriaal om te verseker dat krag- en kondisioneringsafrigters genoegsaam voorbereid is vir die taak om spelers vir rugby se spesifieke vereistes gereed te kry.Die kursus word deur Namibiese opleiers met akkreditasie van Wêreldrugby aangebied, naamlik mnre. Christo Alexander, Henry Kemp, Patrick van Wyk en PD Stoman.Die geakkrediteerde opleiers van skeidsregters, mnre. William Steenkamp en Jacky Husselmann, het in die afggelope dae ook reeds ’n vlak 1-kursus vir wedstrydbeamptes aangebied.By voltooiing van die kursus word Wêreldrugby-sertifikate aan elke suksesvolle kandidaat uitgereik.Navrae oor die genoemde kursusse kan aan alex.ch597@gmail.com of duplessisdanray@gmail.com, of selnommers 081 765 5753 of 081 411 3441 gerig word.Latere kursusse op plekke in die suide en noorde van die land word ook gedurende die eerste helfte van 2021 beplan.

Afrigters kan kwalifikasies opskerp

Kommentaar

Republikein 2025-12-17

Meld asseblief aan om kommentaar te lewer

Afrigters kan kwalifikasies opskerp

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.