Africa Game Bomas se vyfde jaarlikse wildveiling om die draai

Is jy nuut in die dinamiese, groeiende wildbedryf? Of ’n gerekende wildboer? Dan is Africa Game Bomas se vlakte- en eksotiese wildveiling op Saterdag 25 Julie, die perfekte geleentheid om gehalte en diverse genetika uit te soek.Volgens die organiseerders is dié geleentheid die grootste veiling van lewende wild nóg in Namibië.Bykans 450 stuks word opgeveil – waaronder njalas; bastergemsbokke; swartwitpense; kleurvariante soos koper-, swart- en witspringbokke, wit- en skildergemsbokke en swart impalas.Soos in die verlede, verwag die organiseerders vanjaar groot verrassings. Die afgelope vier jaar het Africa Game Bomas se wildveilings van krag tot krag gegaan met gehalte, hoeveelheid en diversiteit wat elke jaar verbeter.Benewens die opwinding wat beleggers by die veiling kan verwag, het die organiseerders ook gesorg vir vermaak uit die boonste rakke. Vanjaar is die gewilde en beminde grapjas, sanger en storieverteller, Andries Vermeulen, die Vrydagaand voor die groot veiling by Africa Safari Lodge te sien. Sy vertoning op Vrydag 24 Julie begin om 19:00 en aandete en drankies sal te koop wees.Diegene wat die vertoning wil bywoon, kan kaartjies by enige Shoprite/Checkers se Moneymarket kiosk, of Computicket se webwerf koop. Hoewel die lodge reeds vir die veilingsnaweek vol bespreek is, is daar nog baie verblyf in die omgewing beskikbaar.Besigtiging van die wild en registrasie vir voornemende kopers vind op Saterdag 25 Julie om 08:00 plaas waarna die veiling om 12:30 begin. Navrae kan aan dr. Archer by 081 128 0777 of mnr. Gert van Wyk (Namibia Livestock Auctioneers) by 081 122 3315 gerig word.AGTERGRONDAfrica Safari Lodge behoort aan die sakeman mnr. Paul Malan, wat ’n direkteur van Shoprite Namibia is, en die bekende Windhoekse tandarts, dr. Johann Archer. Dié laerskoolvriende – hulle het saam op Karasburg grootgeword – het ’n paar jaar gelede Rooiklip Farming, 25 km buite Mariental op die C19-pad gekoop. Dit was ook nie lank nie, of Africa Safari Lodge het sy deure geopen en dit bied vandag ’n oase vir reisigers deur die suide van Namibië.Hulle belê verder miljoene om professionele bomas op te rig - 'n eerste vir die Suide – en bied sedertdien hoë gehalte, professionele vlakte- en eksotiese wildveilings aan. Africa Safari Lodge is ewe bekend vir sy gewilde jaarlikse bergfietsuitdaging wat in Junie vanjaar meer as 300 inskrywings van Namibië en Suid-Afrika gelok het.

Africa Game Bomas se vyfde jaarlikse wildveiling om die draai

Kommentaar

Republikein 2025-05-06

Meld asseblief aan om kommentaar te lewer

Africa Game Bomas se vyfde jaarlikse wildveiling om die draai

Kommentaar

Republikein 2025-05-06

Meld asseblief aan om kommentaar te lewer

MELD AAN

Advertensie