Aflos se opbrengs vir nasionale stryd bestem
Vanuit verskeie wêrelddele het deelnemers ingeskryf.
Bank Windhoek het onlangs die prysuitdeling vir sy 2021 Virtuele Aflos gehou.
Binnelands het spanne van Windhoek, Rehoboth, Okahandja, Otjikoto-myn, Swakopmund, Rössmund, Hentiesbaai, Walvisbaai, Outjo, Omaruru, Aranos en Buitepos ingeskryf.
Internasionaal het ywerige drawwers van Duitsland, Suid-Afrika, Botswana, Engeland, Skotland, Australië, Kroasië en Mauritius saam die drafskoene vasgeknoop.
Met die vereiste Covid-19-protokol toegepas, het net 'n enkele spanlid van elke wenspan namens die afwesiges hul onderskeie pryse ontvang.
In die mansafdeling het die algehele wenners, The Eagles Endurance, met 'n wentyd van 1 uur 11 minute 01 sekonde die septer geswaai.
Farm Windhoek Fitness het die tweede plek in 1:13:32 opgeraap, terwyl Martin Se Span met 1:16:26 die derdebeste was.
Die vroue-afdeling is deur The 5 A.M. Club in 1:35:50 gewen, met die Ninjas tweede in 1:38:31 en Ifco derde in 1:40:29.
Hollers 1 het in die gemengde afdeling in 1:21:56 baasgespeel, gevolg deur Farm Windhoek Fitness Veterans (tweede met 1:32:17) en Team Munsha (1:34:27).
Ses-en-sestig spanne met vier lede elk het vir altesaam 264 deelnemers gesorg wat op enige plek in die wêreld aan die 2021 Bank Windhoek virtuele aflos kon deelneem.
Dié byeenkoms vir liefdadigheid spoor mense aan om 'n meer gesonde leefstyl te handhaaf en ook die risiko van Covid-19 te verminder. Deelnemers moes by www.webscorer.com registreer en kon met die nodige sosiale afstand volgens hul gerief die afstand voltooi.
Bank Windhoek se korporatiewe hoof vir maatskaplike beleggings, borgskappe en byeenkomste, me. Bronwyn Moody, het al die wenners en deelnemers gelukgewens.
Moody het gesê die geld wat deur die kompetisie gegenereer is, sal vir die bekamping van Covid-19 in Namibië aangewend word.
Deelnemende spanne het vanaf Saterdag 10 Julie om 12:00 (Namibiese tyd) 24 uur kans gehad om die 20 kilometer kaf te draf. Elke spanlid kon op sy eie die vyf kilometer stap of draf, terwyl 'n aktiwiteitstoep hul vordering vasgevang het waarna dit na die webkantoor gestuur is om nagegaan te word.
Farm Windhoek Fitness, as fasiliteerder van die byeenkoms, sê vanjaar se uitdaging was goed deur die publiek ontvang.
Me. Julie Mbaisa van Farm Windhoek Fitness sê: “Die mense het die byeenkoms nogal geniet en hul waardering uitgespreek, want die afgelope tyd vind daar nie juis enige kompetisies plaas nie.
Die prysuitdeling is met 47 gelukstrekkings en verskeie ander pryse afgesluit waar mense met die beste spanfoto's op sosiale media met die hutsmerk #BWRelay2021 kon spog.
FOTO
Van links is Frans Amakali, Jacob Amadhila, David Shingenge en Harold Akweenye van The Eagles Endurance wat die mansafdeling gewen het. Foto verskaf
Binnelands het spanne van Windhoek, Rehoboth, Okahandja, Otjikoto-myn, Swakopmund, Rössmund, Hentiesbaai, Walvisbaai, Outjo, Omaruru, Aranos en Buitepos ingeskryf.
Internasionaal het ywerige drawwers van Duitsland, Suid-Afrika, Botswana, Engeland, Skotland, Australië, Kroasië en Mauritius saam die drafskoene vasgeknoop.
Met die vereiste Covid-19-protokol toegepas, het net 'n enkele spanlid van elke wenspan namens die afwesiges hul onderskeie pryse ontvang.
In die mansafdeling het die algehele wenners, The Eagles Endurance, met 'n wentyd van 1 uur 11 minute 01 sekonde die septer geswaai.
Farm Windhoek Fitness het die tweede plek in 1:13:32 opgeraap, terwyl Martin Se Span met 1:16:26 die derdebeste was.
Die vroue-afdeling is deur The 5 A.M. Club in 1:35:50 gewen, met die Ninjas tweede in 1:38:31 en Ifco derde in 1:40:29.
Hollers 1 het in die gemengde afdeling in 1:21:56 baasgespeel, gevolg deur Farm Windhoek Fitness Veterans (tweede met 1:32:17) en Team Munsha (1:34:27).
Ses-en-sestig spanne met vier lede elk het vir altesaam 264 deelnemers gesorg wat op enige plek in die wêreld aan die 2021 Bank Windhoek virtuele aflos kon deelneem.
Dié byeenkoms vir liefdadigheid spoor mense aan om 'n meer gesonde leefstyl te handhaaf en ook die risiko van Covid-19 te verminder. Deelnemers moes by www.webscorer.com registreer en kon met die nodige sosiale afstand volgens hul gerief die afstand voltooi.
Bank Windhoek se korporatiewe hoof vir maatskaplike beleggings, borgskappe en byeenkomste, me. Bronwyn Moody, het al die wenners en deelnemers gelukgewens.
Moody het gesê die geld wat deur die kompetisie gegenereer is, sal vir die bekamping van Covid-19 in Namibië aangewend word.
Deelnemende spanne het vanaf Saterdag 10 Julie om 12:00 (Namibiese tyd) 24 uur kans gehad om die 20 kilometer kaf te draf. Elke spanlid kon op sy eie die vyf kilometer stap of draf, terwyl 'n aktiwiteitstoep hul vordering vasgevang het waarna dit na die webkantoor gestuur is om nagegaan te word.
Farm Windhoek Fitness, as fasiliteerder van die byeenkoms, sê vanjaar se uitdaging was goed deur die publiek ontvang.
Me. Julie Mbaisa van Farm Windhoek Fitness sê: “Die mense het die byeenkoms nogal geniet en hul waardering uitgespreek, want die afgelope tyd vind daar nie juis enige kompetisies plaas nie.
Die prysuitdeling is met 47 gelukstrekkings en verskeie ander pryse afgesluit waar mense met die beste spanfoto's op sosiale media met die hutsmerk #BWRelay2021 kon spog.
FOTO
Van links is Frans Amakali, Jacob Amadhila, David Shingenge en Harold Akweenye van The Eagles Endurance wat die mansafdeling gewen het. Foto verskaf
Kommentaar
Republikein
Geen kommentaar is op hierdie artikel gelaat nie