Affies trap Gim-Leeus se tjank af
Skolerugby
Sportredaksie - Vriend en vyand was verras deur die uitslag toe KMC/JCC Windhoek Affies se eerste rugbyspan Woensdag die krane oopgedraai en 'n wegholsege met 40-8 teen die Schoemans-groep Windhoek Gimnasium Leeus opgestapel het.
Gimnasium, die verdedigende kampioen, het die vorige naweek ook teen Samsung WHS 'n bloedneus gekry en was sonder 'n paar van sy staatmakers.
Die rooies het by Affiespark in Pionierspark besoek afgelê, maar sou nooit verwag het om met só 'n loesing van die veld te stap nie.
'n Drie deur haker Louw Steenkamp en strafdoel deur losskakel Wiks Conradie was uiteindelik die enigste beloning vir Gimnasium ná 'n harde dag.
“Dit was 'n baie goeie wedstryd en beide spanne het verbete ingeklim, veral voorlangs,” sê Johan Zaayman, afrigter van Windhoek Affies, wie se span streef om soos in 2016 weer tot die Momentum o.19 Superliga-finaal deur te dring.
“Ek is beïndruk met my seuns wat deurgaans op aanval en verdediging eenvoudig nie opgehou het nie. Dit het veroorsaak dat ons 'n paar baie mooi drieë kon druk.
“Ek voel daar is nog ruimte vir verbetering, want ons lynstane was nie goed nie en met tye was ons 'n bietjie staties, maar sal 'n afrigter ooit tevrede wees?”
Die stut Jurgen-Leigh Human het twee drieë vir die wenspan gedruk en die skrumskakel en kaptein Danie van der Merwe is ook twee keer oor die doellyn. Senter Christiaan Celliers en heelagter Herman Steyn het Affies se ander drieë gedruk, waarvan losskakel Johan Zaayman drie en vleuel Keanu Engelbrecht een verdoel het.
WALVIS WERK VIR WEN
Namib Diesel Walvisbaai Privaat Hoërskool is Woensdag deur die nuweling en buurspan van Swakopmund, Mototech Pro-Ed Akademie, eerlik gehou vir 'n oorwinning met 39-22.
Mnr. Henjan van der Heyde, afrigter van Walvisbaai, sê van sy jonger spelers moet gewoond raak aan die druk van die o.19-premierliga.
“Ons het in die proses ses drieë gedruk. Pro-Ed het met drie vyfpunters geantwoord asook twee doelskoppe en 'n skepskop.
“John Faul, Victor van der Watt, Johan van der Merwe, Eli Engelbrecht, Aston Mukwiilongo en Leon Asmundson het vir ons gaan druk. Ons ander punte het van drie doel- en 'n strafskop van Juvino Polster gekom.
“Walvisbaai het vanjaar 'n baie jong span. Ons wil graag kompeterend wees, dus moet die seuns nog aan die druk van die premierliga gewoond raak. Die span werk hard daaraan om volgende jaar weer 'n faktor te wees.
“Ons as afrigters wil graag die seuns die waarde van selfrespek en agting vir hul teenstanders leer. Die ouens moet eerstens die spel geniet en voluit leef, want dit kan dalk jou laaste dag wees,” sê Van der Heyde filosofies.
Pro-Ed, wat hom reeds as 'n hand vol bewys het, se driedrukkers was Petrus Burger, Donell Gonteb en die kaptein Henry Fourie.
Godwin Silvanus het met twee doelskoppe geslaag en ook 'n skepskop deur die pale gestuur.
• Môre se o.19 premierligawedstryde:
WAP tn Tsumeb Gimnasium 11:20
Moria tn Pro-Ed 12:00
Windhoek Gimnasium tn Walvisbaai 13:20
Pupkewitz Haval Elnatan tn Samsung WHS II 13:20
Gimnasium, die verdedigende kampioen, het die vorige naweek ook teen Samsung WHS 'n bloedneus gekry en was sonder 'n paar van sy staatmakers.
Die rooies het by Affiespark in Pionierspark besoek afgelê, maar sou nooit verwag het om met só 'n loesing van die veld te stap nie.
'n Drie deur haker Louw Steenkamp en strafdoel deur losskakel Wiks Conradie was uiteindelik die enigste beloning vir Gimnasium ná 'n harde dag.
“Dit was 'n baie goeie wedstryd en beide spanne het verbete ingeklim, veral voorlangs,” sê Johan Zaayman, afrigter van Windhoek Affies, wie se span streef om soos in 2016 weer tot die Momentum o.19 Superliga-finaal deur te dring.
“Ek is beïndruk met my seuns wat deurgaans op aanval en verdediging eenvoudig nie opgehou het nie. Dit het veroorsaak dat ons 'n paar baie mooi drieë kon druk.
“Ek voel daar is nog ruimte vir verbetering, want ons lynstane was nie goed nie en met tye was ons 'n bietjie staties, maar sal 'n afrigter ooit tevrede wees?”
Die stut Jurgen-Leigh Human het twee drieë vir die wenspan gedruk en die skrumskakel en kaptein Danie van der Merwe is ook twee keer oor die doellyn. Senter Christiaan Celliers en heelagter Herman Steyn het Affies se ander drieë gedruk, waarvan losskakel Johan Zaayman drie en vleuel Keanu Engelbrecht een verdoel het.
WALVIS WERK VIR WEN
Namib Diesel Walvisbaai Privaat Hoërskool is Woensdag deur die nuweling en buurspan van Swakopmund, Mototech Pro-Ed Akademie, eerlik gehou vir 'n oorwinning met 39-22.
Mnr. Henjan van der Heyde, afrigter van Walvisbaai, sê van sy jonger spelers moet gewoond raak aan die druk van die o.19-premierliga.
“Ons het in die proses ses drieë gedruk. Pro-Ed het met drie vyfpunters geantwoord asook twee doelskoppe en 'n skepskop.
“John Faul, Victor van der Watt, Johan van der Merwe, Eli Engelbrecht, Aston Mukwiilongo en Leon Asmundson het vir ons gaan druk. Ons ander punte het van drie doel- en 'n strafskop van Juvino Polster gekom.
“Walvisbaai het vanjaar 'n baie jong span. Ons wil graag kompeterend wees, dus moet die seuns nog aan die druk van die premierliga gewoond raak. Die span werk hard daaraan om volgende jaar weer 'n faktor te wees.
“Ons as afrigters wil graag die seuns die waarde van selfrespek en agting vir hul teenstanders leer. Die ouens moet eerstens die spel geniet en voluit leef, want dit kan dalk jou laaste dag wees,” sê Van der Heyde filosofies.
Pro-Ed, wat hom reeds as 'n hand vol bewys het, se driedrukkers was Petrus Burger, Donell Gonteb en die kaptein Henry Fourie.
Godwin Silvanus het met twee doelskoppe geslaag en ook 'n skepskop deur die pale gestuur.
• Môre se o.19 premierligawedstryde:
WAP tn Tsumeb Gimnasium 11:20
Moria tn Pro-Ed 12:00
Windhoek Gimnasium tn Walvisbaai 13:20
Pupkewitz Haval Elnatan tn Samsung WHS II 13:20
Kommentaar
Republikein
Geen kommentaar is op hierdie artikel gelaat nie