AEEI reik nou wel resultate volgende week uit

Petrus Malherbe Ondanks “onverwagte verwikkelings” by die maatskappy, het die genoteerde African Equity Empowerment Investments (AEEI) laat Maandagmiddag op die JSE se nuusdiens Sens aangekondig hy gaan nou wel volgende week sy tussentydse resultate uitreik.Dit volg op ’n vroeëre aankondiging Maandag dat die uitreiking van die resultate tot einde Februarie nie teen einde April moontlik sou wees nie juis weens “onverwagte verwikkelings”.Luidens die Sens-verklaring gaan AEEI nou sy tussentydse resultate “gedurende die week wat op 26 April eindig” uitreik. Die maatskappy sê nie op watter dag die resultate verwag kan word nie.NOTERINGSVEREISTESDie maatskappy het aanvanklik beoog om dit op 24 April uit te reik. Maandagoggend is dié datum egter na “voor 31 Mei” geskuif “ter nakoming van paragraaf 3.15 van die JSE se noteringsvereistes”.Die JSE vereis dat ’n genoteerde maatskappy sy tussentydse resultate binne drie maande nadat die eerste halfjaar geëindig het, publiseer.Laatmiddag is dié besluit omgekeer en word die resultate nou weer aanstaande week verwag.AEEI is die grootste aandeelhouer in die omstrede Ayo Technology Solutions waaroor daar tans aantygings gemaak word voor die kommissie van ondersoek na beweerde korrupsie by die Openbare Beleggingskorporasie (OBK).AEEI se aandeelprys was Maandag teen sluitingstyd byna 3% laer op R2,80. – Netwerk24

AEEI reik nou wel resultate volgende week uit

Kommentaar

Republikein 2025-11-04

Meld asseblief aan om kommentaar te lewer

AEEI reik nou wel resultate volgende week uit

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.