Absa steek KPMG ook in die pad

Die direksie van Absa sê hy gaan nie aanbeveel dat KPMG as een van die mede-ouditeure vir die bank behou word nie.Die bank, wat steeds as Barclays Africa Group (BAGL) verhandel tot tyd en wyl sy naamverandering na Absa op 20 Mei gefinaliseer word, sê Donderdagoggend vroeg in ’n verklaring sy direkteure trek hul aanbeveling om KPMG in 2018 as mede-ouditeur te behou terug.Die bank hou op 15 Mei sy algemene vergadering waarop die eerste resolusie waaroor aandeelhouers moes stem, juis was om die ouditeursfirma se dienste te behou. Sy ander ouditeur is Ernst & Young.“Die direksie het in die oorspronklike kennisgewing oor die jaarvergadering voorgestel dat KPMG weer aangestel word maar dat hy steeds ‘ontwikkelings rakende KPMG sal dophou’,” sê die bank in die verklaring.“Sedert die kennisgewing geplaas is, het die direksie die deurlopende en onlangse ontwikkelinge noukeurig geëvalueer en besluit dat hy nie meer die heraanstelling van KPMG kan ondersteun nie.“Die aanstelling van KPMG as eksterne ouditeure van BAGL sal beëindig word met die voltooiing van die statutêre en regulerende oudit en verslagdoening aangaande die 2017-boekjaar. Dit sal waarskynlik op 31 Mei 2018 in werking tree.”Die bank sê hy is gelukkig met die werk wat KPMG vir hom gelewer het.Die bank sê aangesien die Reserwebank vereis dat twee ouditeure aangestel word, is hy tans besig met ’n formele proses om só ’n tweede aanstelling te maak.Ander banke wat steeds KPMG as ouditeur gebruik, is Nedbank, Investec en Standard Bank.Die ouditeur-generaal (OG) het KPMG in April afgedank as een van die ouditeurs wat vir dié staatsliggaam oudits doen.Die OG het kontrakte met die meeste groot ouditfirmas om eksterne oudits oor staatsinstellings, staatsdepartemente en munisipaliteite te behartig.Die swak oudits oor VBS Mutual Bank, waarvan die jaarsyfers deur die kurator teruggetrek is, word as een van die redes vir die besluit aangevoer.Werk hersienProf. Wiseman Nkuhlu, voorsitter van KPMG Suid-Afrika se direksie, het vroeër aangekondig die beleërde ouditfirma gaan ’n “ongeëwenaarde” hersiening van al sy vennote se werk oor die afgelope 18 maande doen in ’n poging om openbare vertroue te herstel.KPMG se reputasie is ’n ernstige nekslag toegedien ná bewerings van wangedrag oor die werk wat hy vir maatskappye in die Gupta-stal gedoen het, asook sy rol in die omstrede verslag waarin bewerings oor ’n sogenaamde “rogue unit” by die SAID gemaak is. Dié verslag is intussen teruggetrek.Minstens twee afsonderlike ondersoeke oor KPMG se optrede is aan die gang en daar was sedert die onthullings ’n uittog van senior personeel en kliënte by die firma.Trevor Hoole, voormalige uitvoerende hoof, Steven Louw, bedryfshoof, Ahmed Jaffer, voorsitter, is afgedank.In September het KPMG verskoning gevra vir die “rogue unit”-verslag en aangebied om R23 miljoen aan die SAID te betaal en om R40 miljoen se ouditgeld aan liefdadigheid te skenk wat hy uit sy werk vir die Guptas verdien het. – Netwerk24

Absa steek KPMG ook in die pad

Kommentaar

Republikein 2026-02-04

Meld asseblief aan om kommentaar te lewer

Absa steek KPMG ook in die pad

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.