AB InBev wil belang in Distell vroeër laat gaan
Anheuser-Busch (AB) InBev het ingestem om ontslae te raak van SABMiller se belang in Distell oor ’n korter tydperk as die drie jaar wat deur die Mededingingskommssie voorgestel is. Dis in ’n poging om die pad te vergemaklik om goedkeuring te kry vir die bierbedryf se grootste samesmelting tot nog toe.
Verdere besonderhede is vertroulik, het adv. Frank Snyckers, wat namens AB InBev en SABMiller optree, gesê.
Die Mededingingstribunaal is besig met sy verhoor oor die voorgestelde oorname van SABMiller deur AB InBev, wat goedgekeur is deur die Mededingingskommissie, maar met sekere voorwaardes.
Distell het Woensdag in Pretoria aan die tribunaal gesê dat ’n driejaartydperk vir die verkoop van die 26%-belang onsekerheid sal skep vir die drankmaatskappy van Stellenbosch.
Dit sal in die beste belang van Distell en die publiek wees indien AB InBev die belang “redelik vinnig” verkoop, het Jeremy Gauntlett SC, Distell se advokaat, gesê.
Die Mededingingskommissie het AB InBev se oorname van R1,5 duisend miljard van SABMiller vroeër vandeesmaand goedgekeur, maar met sekere voorwaardes, soos die verkoop van die belang van R9,1 miljard in Distell. AB InBev soek goedkeuring van owerhede wêreldwyd en is op koers om die jawoord in die VSA en China te kry, volgens mense met kennis van die saak.
Die verkryging kan soveel as R267 miljard in buitelandse regstreekse beleggings na Suid-Afrika bring, het Snyckers aan die tribunaal gesê.
Buitelandse investering in Suid-Afrika het tot R22 miljard gedaal in 2015, volgens data van die Reserwebank, die laagste sedert 2006.
Daar is ’n “onbetwisbare voordeel vir die ekonomie ten opsigte van die grootste buitelandse regstreekse beleggingseffek in die geskiedenis van hierdie land,” het Snyckers gesê.
Die Mededingingstribunaal se verhoor het gister voortgegaan en is geskeduleer om vandag klaar te maak.
– Netwerk24/Bloomberg
Verdere besonderhede is vertroulik, het adv. Frank Snyckers, wat namens AB InBev en SABMiller optree, gesê.
Die Mededingingstribunaal is besig met sy verhoor oor die voorgestelde oorname van SABMiller deur AB InBev, wat goedgekeur is deur die Mededingingskommissie, maar met sekere voorwaardes.
Distell het Woensdag in Pretoria aan die tribunaal gesê dat ’n driejaartydperk vir die verkoop van die 26%-belang onsekerheid sal skep vir die drankmaatskappy van Stellenbosch.
Dit sal in die beste belang van Distell en die publiek wees indien AB InBev die belang “redelik vinnig” verkoop, het Jeremy Gauntlett SC, Distell se advokaat, gesê.
Die Mededingingskommissie het AB InBev se oorname van R1,5 duisend miljard van SABMiller vroeër vandeesmaand goedgekeur, maar met sekere voorwaardes, soos die verkoop van die belang van R9,1 miljard in Distell. AB InBev soek goedkeuring van owerhede wêreldwyd en is op koers om die jawoord in die VSA en China te kry, volgens mense met kennis van die saak.
Die verkryging kan soveel as R267 miljard in buitelandse regstreekse beleggings na Suid-Afrika bring, het Snyckers aan die tribunaal gesê.
Buitelandse investering in Suid-Afrika het tot R22 miljard gedaal in 2015, volgens data van die Reserwebank, die laagste sedert 2006.
Daar is ’n “onbetwisbare voordeel vir die ekonomie ten opsigte van die grootste buitelandse regstreekse beleggingseffek in die geskiedenis van hierdie land,” het Snyckers gesê.
Die Mededingingstribunaal se verhoor het gister voortgegaan en is geskeduleer om vandag klaar te maak.
– Netwerk24/Bloomberg
Kommentaar
Republikein
Geen kommentaar is op hierdie artikel gelaat nie