AB InBev baie naby aan groen lig in SA
Hanlie Stadler - Carlo Brito, uitvoerende hoof van Anheuser-Busch InBev (AB InBev), het waarskynlik Dinsdagaand effens beter geslaap nadat Suid-Afrika se Mededingingskommissie die verkryging van SABMiller voorwaardelik aanbeveel het.
Die kommissie se ondersoek na die samesmelting is nou al herhaaldelik uitgestel.
Die kommissie het verskeie voorwaardes vir die samesmelting voorgestel in die belang van mededinging en openbare belang, maar die meeste is dít waarop AB InBev reeds vroeër met die regering ooreengekom het.
Die kommissie se aanbeveling sal heelwat gewig dra by die Mededingingstribunaal, wat eersdaags sy beslissing sal vel.
Tembinkosi Bonakele, die Mededingingskommissaris, sê van die vraagstukke wat hulle oorweeg het, is deur onder meer vakbonde, die regering en ander rolspelers in die bier- en koeldrankmark geopper. “Ons is vol vertroue dat dié omvattende voorwaardes die kommer oor mededinging en openbare belang wat uit die samesmelting voortvloei, aanpak.”
AB InBev moet nog goedkeuring in verskeie lande ontvang, maar omdat hy heelwat van SABMiller se biere wêreldwyd in die mark geplaas het, begin die samesmelting onafwendbaar lyk.
Dit sal ’n einde bring aan die maatskappy wat in 1895 in Johannesburg begin is om bier te verskaf aan goudmynwerkers, en een van die heel eerste maatskappye wat in 1897 op die JSE genoteer het.
Die kommissie opper die volgende bekommernisse en voorstelle daaroor:
Distell-belang
SABMiller besit, deur SAB, ’n 27%-belang in die wyn- en sidermaatskappy Distell. Die Mededingingskommissie is bekommerd daaroor dat AB InBev die mag sal kry om direkteure op Distell se direksie aan te wys terwyl die twee firmas regstreekse mededingers is. Die voorstel is dus dat SABMiller se belang verkoop word.
’n Maatskappy wat Remgro en Capevin saam besit, sal die eerste opsie hê om dié belang van die hand te wys. Jannie Durand, uitvoerende hoof, het reeds voorheen gesê hulle sal belang stel as die prys reg is. Remgro is die beherende aandeelhouer van Distell.
Die kommissie wil hê SABMiller se Distell-belang moet binne drie jaar nadat die verkryging deur AB InBev voltrek word, verkoop word.
bottelering van Koeldrank
AB InBev botteleer Pepsi in sekere lande en SABMiller botteleer Coca-Cola in Suid-Afrika en groot dele van Afrika. Die kommissie is bekommerd oor die moontlikheid van samespanning. AB InBev het onderneem dat werknemers van sy Coke-botteleringsaanlegte nie by Pepsi-aanlegte sal werk nie en dat hulle geen sensitiewe handelsinligting sal deel nie.
Metaalkrone
Coleus is die enigste vervaardiger van metaalkrone vir bierbottels in Suid-Afrika en word deur SABMiller besit. AB InBev het onderneem om vir minstens vyf jaar ná die transaksie ook aan derde partye te verskaf.
Koelkasruimte
Om te keer dat klein bierbrouers uit die mark gedruk word, moet AB InBev as voorwaarde onderneem dat drankwinkels en tavernes minstens 10% van hul koelvertrek- of koelkasruimte aan die bier van klein bierverskaffers moet gee. Dié voorwaarde sal ewigdurend wees.
Verskaffersfonds
AB InBev het hom verbind daartoe om oor vyf jaar R1 miljard in Suid-Afrika te investeer vir die ontwikkeling van gars-, hop- en koringproduksie en van ontluikende en swart boere. Ondernemings in die verskaffingsketting van bier sal ook bevorder word.
Indiensneming
AB InBev het onderneem om nooit regstreeks weens die verkryging van SABMiller ’n Suid-Afrikaanse werknemer af te dank nie.
Werkers wat weens die beëindiging van die verspreidingsooreenkoms met DGB hul werk kan verloor, sal werk by AB InBev aangebied word. DGB is die plaaslike verspreider van AB InBev se produkte.
Mikrobrouers
Plaaslike brouers van craftbier koop die meeste van hul hop en malt by SAB-plase aan. Die kommissie wil hê AB InBev moet aanhou om dié bestanddele aan mikrobrouers te verskaf.
Plaaslike produksie
AB InBev het onderneem om SAB se beleid van maksimum plaaslike produksie van bier en sider voort te sit. Minstens dieselfde persentasie (dit word nie aangedui nie) plaaslike produksie moet voortgesit word.
Plaaslike verskaffers
Die voorwaardes en bepalings van SABMiller se kontrakte met verskaffers van glasbottels, blikkies, krone, papieretikette, vate en ander benodigdhede vir bierproduksie moet voortgesit word. Dié verskaffers mag nie verhinder word om ook ooreenkomste met klein bierprodusente te sluit nie.
Swartbemagtiging
Omdat swart eienaarskap verminder sal word wanneer SAB se Zenzele-bemagtigingskema binnekort sy vervaldatum bereik, het AB InBev onderneem om binne twee jaar ná die verkryging van SABMiller ’n nuwe plan vir swart ekonomiese bemagtiging uiteen te sit.
Eienaarbestuurders
AB InBev het onderneem om die voorwaardes en bepalings van SAB se kontrakte met afleweraars te behou. - Netwerk24
Die kommissie se ondersoek na die samesmelting is nou al herhaaldelik uitgestel.
Die kommissie het verskeie voorwaardes vir die samesmelting voorgestel in die belang van mededinging en openbare belang, maar die meeste is dít waarop AB InBev reeds vroeër met die regering ooreengekom het.
Die kommissie se aanbeveling sal heelwat gewig dra by die Mededingingstribunaal, wat eersdaags sy beslissing sal vel.
Tembinkosi Bonakele, die Mededingingskommissaris, sê van die vraagstukke wat hulle oorweeg het, is deur onder meer vakbonde, die regering en ander rolspelers in die bier- en koeldrankmark geopper. “Ons is vol vertroue dat dié omvattende voorwaardes die kommer oor mededinging en openbare belang wat uit die samesmelting voortvloei, aanpak.”
AB InBev moet nog goedkeuring in verskeie lande ontvang, maar omdat hy heelwat van SABMiller se biere wêreldwyd in die mark geplaas het, begin die samesmelting onafwendbaar lyk.
Dit sal ’n einde bring aan die maatskappy wat in 1895 in Johannesburg begin is om bier te verskaf aan goudmynwerkers, en een van die heel eerste maatskappye wat in 1897 op die JSE genoteer het.
Die kommissie opper die volgende bekommernisse en voorstelle daaroor:
Distell-belang
SABMiller besit, deur SAB, ’n 27%-belang in die wyn- en sidermaatskappy Distell. Die Mededingingskommissie is bekommerd daaroor dat AB InBev die mag sal kry om direkteure op Distell se direksie aan te wys terwyl die twee firmas regstreekse mededingers is. Die voorstel is dus dat SABMiller se belang verkoop word.
’n Maatskappy wat Remgro en Capevin saam besit, sal die eerste opsie hê om dié belang van die hand te wys. Jannie Durand, uitvoerende hoof, het reeds voorheen gesê hulle sal belang stel as die prys reg is. Remgro is die beherende aandeelhouer van Distell.
Die kommissie wil hê SABMiller se Distell-belang moet binne drie jaar nadat die verkryging deur AB InBev voltrek word, verkoop word.
bottelering van Koeldrank
AB InBev botteleer Pepsi in sekere lande en SABMiller botteleer Coca-Cola in Suid-Afrika en groot dele van Afrika. Die kommissie is bekommerd oor die moontlikheid van samespanning. AB InBev het onderneem dat werknemers van sy Coke-botteleringsaanlegte nie by Pepsi-aanlegte sal werk nie en dat hulle geen sensitiewe handelsinligting sal deel nie.
Metaalkrone
Coleus is die enigste vervaardiger van metaalkrone vir bierbottels in Suid-Afrika en word deur SABMiller besit. AB InBev het onderneem om vir minstens vyf jaar ná die transaksie ook aan derde partye te verskaf.
Koelkasruimte
Om te keer dat klein bierbrouers uit die mark gedruk word, moet AB InBev as voorwaarde onderneem dat drankwinkels en tavernes minstens 10% van hul koelvertrek- of koelkasruimte aan die bier van klein bierverskaffers moet gee. Dié voorwaarde sal ewigdurend wees.
Verskaffersfonds
AB InBev het hom verbind daartoe om oor vyf jaar R1 miljard in Suid-Afrika te investeer vir die ontwikkeling van gars-, hop- en koringproduksie en van ontluikende en swart boere. Ondernemings in die verskaffingsketting van bier sal ook bevorder word.
Indiensneming
AB InBev het onderneem om nooit regstreeks weens die verkryging van SABMiller ’n Suid-Afrikaanse werknemer af te dank nie.
Werkers wat weens die beëindiging van die verspreidingsooreenkoms met DGB hul werk kan verloor, sal werk by AB InBev aangebied word. DGB is die plaaslike verspreider van AB InBev se produkte.
Mikrobrouers
Plaaslike brouers van craftbier koop die meeste van hul hop en malt by SAB-plase aan. Die kommissie wil hê AB InBev moet aanhou om dié bestanddele aan mikrobrouers te verskaf.
Plaaslike produksie
AB InBev het onderneem om SAB se beleid van maksimum plaaslike produksie van bier en sider voort te sit. Minstens dieselfde persentasie (dit word nie aangedui nie) plaaslike produksie moet voortgesit word.
Plaaslike verskaffers
Die voorwaardes en bepalings van SABMiller se kontrakte met verskaffers van glasbottels, blikkies, krone, papieretikette, vate en ander benodigdhede vir bierproduksie moet voortgesit word. Dié verskaffers mag nie verhinder word om ook ooreenkomste met klein bierprodusente te sluit nie.
Swartbemagtiging
Omdat swart eienaarskap verminder sal word wanneer SAB se Zenzele-bemagtigingskema binnekort sy vervaldatum bereik, het AB InBev onderneem om binne twee jaar ná die verkryging van SABMiller ’n nuwe plan vir swart ekonomiese bemagtiging uiteen te sit.
Eienaarbestuurders
AB InBev het onderneem om die voorwaardes en bepalings van SAB se kontrakte met afleweraars te behou. - Netwerk24
Kommentaar
Republikein
Geen kommentaar is op hierdie artikel gelaat nie