Aardedag vier vandag 50 jaar

Aardedag word sedert 1970 op 22 April herdenk. Dit word deur 75 000 omgewingsvriendelike organisasies in meer as 190 lande gevier.

Afrika staar omgewingskwessies soos klimaatsverandering, ontbossing, verwoestyning en onvoldoende afvalbestuur in die gesig. Hierdie kwessies het gelei tot meer ­klimaatsverwante ­katastrofes soos droogtes, vloede en veldbrande. Hierdie klimaatskrisis bedreig die ­lewensbestaan van mense, spesies en ekostelsels in Afrika.

'n Beroep word op die samelewing gedoen om mense oor die omgewing in te lig en positiewe en volhoubare veranderinge te maak om Afrika en die planeet te beskerm.