Aanvang van reënseisoen lyk belowend

Elvira Hattingh - Die Namibiese weerkantoor sê Namibiërs kan tussen Oktober en Desember normale tot bo-normale reën verwag, terwyl ’n kans op normale tot bo-normale reën ook tussen Desember en Februarie vir die Noordooste bestaan.Die Suide is egter die uitsondering en normale tot ondernormale reën word vroeg in die komende reënseisoen verwag, het die meteoroloog Simon Dirkse gister tydens die bekendstelling van die 2017-18 seisoenale weervooruitskouing gesê. Hy het verskeie weermodelle se voorspellings gedeel, wat min of meer ooreengestem het.Volgens Dirkse kan normale tot ondernormale reën nader aan Januarie vir die groter Namibië verwag word, met uitsondering van die Noordooste. Tussen Januarie en Maart is die land se kanse op reën normaal tot ondernormaal.AkkuraatheidPauline Mufeti van die ministerie van landbou, water en bosbou se hidrologiese dienste het gesê weens veranderende klimaatstoestande raak dit al hoe moeiliker om akkurate weervoorspellings te maak. “In die 1980’s en 1990’s was die hoeveelheid reën asook die hoeveelheid water wat in Namibië se seisoenale riviere gevloei het, oor die algemeen ondergemiddeld. Sedert 2000 het die prentjie verander en was dit weer oor die algemeen bo-gemiddeld. “Uitsonderlik baie reën asook vloede het in 2008, 2009, 2010, 2011 asook in 2017 voorgekom. Terselfdertyd het lae vloei in riviere asook sporadiese reën, of ernstige droogtes, in 2014, 2015 en 2016 voorgekom,” het sy gesê.Die adjunkdirekteur van metereologiese dienste in die ministerie van werke en vervoer, mnr. Franz /Uirab, het gesê tans kan die Namibiese weerkantoor die aanvang van ’n droë tydperk, die verspreiding van weerstoestande asook die aanvang daarvan slegs binne ’n week met akkuraatheid voorspel.Hy het gesê die akkuraatheid sal slegs met die gebruik van nuwe tegnologie soos radars verbeter kan word.“Dit sal ons beter in staat stel om te kan sê presies waar, wanneer en hoeveel dit gaan reën.”DammeNamWater se jongste damverslag dui aan dat nasionale damme gemiddeld tans sowat 53,2% vol is, vergeleke met 30,4% dieselfde tyd verlede jaar. Verteenwoordigers van NamWater het verduidelik dat dit te doen het met afloopwater, eerder as hoeveel dit altesaam reën.Afloopwater verwys na die hoeveelheid reënwater wat eindelik ’n dam binnevloei en word onder meer deur die ligging, intensheid en duur van reënbuie beïnvloed. Dit verskil drasties van jaar tot jaar. Volgens NamWater het dit sowat 500 mm in die Omatakodam se omgewing gereën, wat tot 10 miljoen kubieke meter (Mm³) se afloopwater gelei het. In Von Bachdam se omgewing het dit vanjaar sowat 400 mm gereën, terwyl dit vir sowat 20 Mm³ se afloopwater gesorg het.Rondom die Hardapdam het dit net sowat 150 mm gereën, maar daar was so baie afloopwater dat die dam se sluise meer as een keer oopgetrek moes word om water uit te laat. Dieselfde hoeveelheid reën het in die Nautedam se omgewing geval, maar die afloopwater was net sowat 33 Mm³.NamWater het ook aangedui dat die meeste nasionale damme, met die uitsondering van dié in die Ooste, genoeg water bevat om in die vraag vir ten minste twee reënseisoene te voorsien. Die Von Bach-, Swakoppoort- en Omatakodam se waterinhoud kan met behulp van waterbesparings asook ander waterbronne soos herwinde water, tot in April 2018 hou.

Aanvang van reënseisoen lyk belowend

Kommentaar

Republikein 2026-06-19

Meld asseblief aan om kommentaar te lewer

Aanvang van reënseisoen lyk belowend

Kommentaar

Republikein 2026-06-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.