Aansoeke vir kunste-noodfonds sluit binnekort

Yandi du Plessis Die Namibiese Kunsteraad (NACN) se Covid-19-verligtingsfonds is in Juniemaand vanjaar van stapel gestuur met die doel om diegene in die kuns- en kultuurbedryf wat swaar trek onder die impak van die Covid-19-pandemie te ondersteun.’n Totale bedrag van N$5,5 miljoen is begroot vir hierdie fonds onder die vaandel van die ministerie van onderwys, kuns en kultuur. Individuele kunstenaars, asook enige individu, groep of geregistreerde organisasie wat deel vorm van die kuns- en kultuurbedryf kan om hulp van dié fonds aansoek doen.Die NACN het onlangs aangekondig dat ’n verdere N$608 050 goedgekeur is vir die derde rondte van die NACN se tydelike kuns- en kultuur-hulpfonds. Die goedgekeurde bedrag sal die suksesvolle aansoekers, wie se lewensbestaan in gedrang geplaas is deur die Covid-19-pandemie en gepaardgaande inperking, se projekte en programme finansier.Sedert die fondsaansoeke in Julie 2020 geopen is, het die NACN ’n totale bedrag van N$1 252 350 goedgekeur om projekte deur individue, groepe of organisasies te finansier.’n Bykomende N$1,1 miljoen is goedgekeur om die Namibiese openbare en nasionale kuns- en kultuurinstellings se programme te finansier.Altesaam 25 aansoeke is sover goedgekeur. Die N$608 050 sal verdeel word tussen 16 individue, vyf groepe en vier organisasies. Dit bring die totaal van suksesvolle fondsaansoeke op 49 te staan.Die 49 suksesvolle aansoeke bestaan uit 27 individue, 11 groepe en 11 organisasies.Die derde rondte se suksesvolle aansoeke is as volg:INDIVIDUE (N$2 000 elk)1. Willem Boois - Bethanie, ||Karasstreek2. Tjantindi Mundingandu, Khomas3. Elisia Nghidishange, Ohangwena4. Maria Mbereshu, Khomas5. Elma Khuruses, Otjozondjupa6. John Kalunda, Kavango-Oos7. Franzis Arts, Khomas8. Elvis Garoeb, Khomas9. Narib Carl, Erongo10. Kantewa Hendrick, Oshana11. Isaak Michelle, Khomas12. Ester Tanises, Erongo13. Lusse Isabel, Erongo14. Hangula Francina Ndona, Erongo15. Erlank Alvin, Omaheke16. Aili Mvula Kleopas, OtjozondjupaGROEPE1. Jackson Wahengo Band: N$75 000, Khomas2. Besquare Karamba: N$50 000, Kavango-Wes3. Deadly Ground: N$75 000, Khomas4. Rudolph Seibeb: N$75 000, Otjozondjupa5. Kasojetua Youth Group: N$10 000, OmahekeORGANISASIES1. Plain Media Cc: N$66 100, Oshikoto2. Luktos Improve Theatre: N$75 000, Khomas3. Elly Moo Productions: N$74 950, Oshana4. Kongoma Dance Group: N$75 000, KhomasDit bring die totale hersiene aansoeke op 123 te staan. Die uitslae van die volgende aansoekrondtes word op 17 September, 1 en 15 Oktober bekend gemaak. Aansoeke om finansiering na die fonds is oop tot 30 September, wat beteken individuele kunstenaars, kuns- en kultuurregistreerde groepe en organisasies het nog sowat ’n maand tyd. - yandi@republikein.com.na

Aansoeke vir kunste-noodfonds sluit binnekort

Kommentaar

Republikein 2026-03-31

Meld asseblief aan om kommentaar te lewer

Aansoeke vir kunste-noodfonds sluit binnekort

Kommentaar

Republikein 2026-03-31

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.